|
|
|
|
| DÍA 25 DE NOVEMBRO: EN CONTRA DA VIOLENCIA DE XÉNERO |
|
 No noso centro, organizáronse varias actividades con motivo da celebración o día 25 de novembro do Día en contra a violencia de xénero:
1.Día 20: o alumnado de 3º ESO A e 1º de Bacharelato asistiron a un obradoiro sobre o BO TRATO que foi impartido pola técnica de igualdade do concello de Allari, Ana, na Biblioteca do noso centro.
2. Os días 28 e 29 o alumnado de 3º ESO B e 4º ESO A e B asitirán tamén a outros obradoiros sobre o tema. |
|
|
|
|
| XXX CONGRESO DE ENCIGA EN ALLARIZ |
|
 Os días 16, 17 e 18 de novembro, celebrouse en Allariz o XXX Congreso de ENCIGA.
A organizadora do evento foi a nosa directora Rosa, xunto cun equipo de colaboradores que fixeron posible que durante 3 días se falase de ciencia no noso centro, coincidindo co "Mes da Ciencia en galego" que se celebra durante o Mes de Novembro nas Bibliotecas Escolares.
A nosa biblioteca tamén participou desta actividades, facendo unha exposición de libros de temática científica.
Ademais realizáronse outras exposicións de traballos feitos polo alumnado en distintas materias (Herbario, cogomelos...) que se colocaron nos corredores do centro.
Os auténticos protagonistas foron o noso alumnado de 2º e 1º de bacharelato que traballaron durante os tres días con entusiasmo.
Foi un éxito e para o noso centro un orgullo que se escollese a nosa vila e o noso centro para celebrar esta actividade.
|
|
|
|
|
| CARNÉS DE USUARIO |
|
 Como cada ano, a comezo de curso, a responsable da biblioteca, fai entrega no 1º trimestre dos carnés de usuario ao alumnado de 1º ESO e o profesorado que chega novo ao centro.
Esta actividade faise durante unha titoría e serve tamén para realizar a formación de usuarios para que coñezan o funcionamento da biblioteca. |
|
|
|
|
| CLUB DE LECTURA DE 1º CICLO |
|
 Este ano, o club de lectura de 1º ciclo é moi numeroso.
A primeira reunión fixérona na biblioteca e realizaron unha actividade lúdica que consistía na confección duns marcapáxinas con lemas en galego.
O libro que se traballou neste nivel é "Chamádeme Simbad" de Francisco Castro, relacionado coa temática dos "Nosos Maiores", tema sobre o que imos traballar neste curso desde a Biblioteca.
|
|
|
|
|
| VISITA A EXPOSICIÓN DE XABIER VARELA |
|
 Na nosa vila, na Fundación Vicente Risco, un artista da vila, fixo unha exposición da súa obra pictórica baseada na obra do autor "O porco de pé".
O noso alumnado de 3º de ESO e tamén doutros cursos tiveron a oportunidade de visitala. |
|
|
|
|
|
|
|
