|
|
|
|
| CHARLA CUN MESTRE XUBILADO |
|
 O día 25 de maio, e dentro das actividades que se organizaron no noso centro con motivo do Concurso de relato e debuxo "Falando de Solidariedade" que organiza o CEIP Padre Crespo de Xunqueira de Ambía, o alumnado de 3º ESO e 1º de bacharelato asistiron a unha charla que impartiu un mestre xubilado da vila que ten 2 netos no instituto e que estaban nos grupos seleccionados.
Este mestre faloulles aos rapaces de como era a escola nos seus tempos. Ademais tanto a presentación como a despedida da actividade fixérona os seus 2 netos, polo que resultou moi emotiva. |
|
|
|
|
| REPRESENTACIÓN TEATRAL "ANAGNÓRISE" |
|
 O día 18 de maio, o alumnado de 3º e 4º de ESO, asistiron a unha representación teatral da obra de Mª Victoria Moreno, Anagnórise que leron durante este trimestre na materia de L.Galega como lectura obrigatoria.
Esta actividade foi compartida con outro centro do contorno: o IES Cidade de Antioquía de Xinzo de Limia. |
|
|
|
|
| LETRAS GALEGAS: HOMENAXE A MANUELA PROFE DE GALEGO |
|
 Este ano na Semana das Letras Galegas, ademais de homenaxear a Mª Victoria Moreno, fixemos no noso centro un homenaxe moi emotivo no que participaron alumnos, profesores a unha excompañeira, profesora de galego, que faleceu recentemente: Manuela Ribeiro Cascudo.
Ademais, o noso lema foi "A muller nas artes" e un grupo de alumnas fixo unha pancarta con figuras femininas que destacaron en distintos eidos da vida artística. |
|
|
|
|
| TERTULIA LITERARIA EN CASTELÁN |
|
 O día 3 de maio, algúns alumnos de 3º ESO , 1º de bacharelato e 2º de bacharelato, asistiron a unha tertulia literaria en castelán sobre a obra de Ray Loriga "Rendición" no Liceo de Ourense.
Contaron ademais coa presenza do autor.
Foi unha xornada moi enriquecedora. |
|
|
|
|
| XORNADA DE COOPERACIÓN INTERXERACIONAL |
|
 O día 26 de abril, algúns alumnos de 3º ESO, acompañadas da responsable da biblioteca, acudiron ao centro de día de Allariz para compartir uns "Xogos cooperativos" cos maiores
Foi unha xornada moi divertida e instructiva no que a convivencia das 2 xeracións resultou ademais de moi agradable, moi emotiva. |
|
|
|
|
|
|
|
