|
|
|
|
| LETRAS GALEGAS 2012 |
|
O noso centro quere celebrar este ano o "Día das Letras Galegas" dun xeito especial.
14 de maio
Tertulia literaria con varios clubes de lectura da zona (Allariz,Maceda, Celanova, Xinzo de Limia) sobre "Memorias dun neno labrego" e posterior encontro co autor
Xosé Neira Vilas.
16 de maio
Correlingua
Actividades feitas polo alumnado sobre a figura homenaxeada este curso, Valentín Paz Andrade |
|
|
|
|
| PRESENTACIÓN DE "AS BANDEIRAS DE GALIZA" |
|
 X.M.Barbosa, presentou onte, 23 de abril, no noso centro o seu libro "As Bandeiras de Galiza".
A esta presentación acudiron os alumnos de 3º, 4º de ESO e 1º de Bacharelato.
O autor, profse |
|
|
|
|
| 23 DE ABRIL 2012 DÍA DO LIBRO |
|
 Onte no IES de Allariz, alumnos de 4º ESO e 1º de Bacharelato fixeron unha lectura dun fragmento da obra de Cervantes "El Quijote" en 8 idiomas (castelán, galego, inglés, francés, portugués, italiano, catalán e alemán).
O noso querido Pilis soubo preparar a estes rapaces, caracterizándos de época.
Grazas a tod@s por esta actividade tan "especial" |
|
|
|
|
| ENCONTROS DE BIBLIOTECAS ESCOLARES 2011-2012 |
|
 O pasado 20 de abril celebrouse en Santiago de Compostela o Encontro de Bibliotecas Escolares 2011-2012.
A responsable da biblioteca acudiu como representante do noso centro e hai que dicir que como todos os anos foi unha experiencia moi enriquecedora. Da gusto atopar xente tan animada a seguir traballando "nestes duros tempos".
Todos os materiais que se expuxeron tanto na xornada do día 20 como do día 19 atópanse no seguinte enlace. Pódese acceder como convidado. Alí tamén se atopan materiais do ano anterior e tamén das Xornadas do Club de lectura que seguro nos son de moita axuda. |
|
|
|
|
| TERTULIA NO LICEO 19 ABRIL |
|
 O 19 de abril, o alumnado do noso IES acudiu ao Liceo de Ourense á tertulia literaria sobre o libro de Lorenzo Silva, "La estrategia del agua", xunto con outros institutos da cidade (IES O COUTO) e doutras vilas (Xinzo de Limia: IES CIDADE DE ANTIOQUÍA e IES LAGOA DE ANTELA)
A tertulia resultou moi ben. Houbo moita participación e tratáronse temas de actualidad como a "custodia compartida", "a corrupción na política", "a violencia de xénero" e outros que resultaron de moito interese.
Esperamos poder seguir participando neste tipo de actividades nos vindeiros cursos.
|
|
|
|
|
| PRETERTULIAS NA BIBLIOTECA |
|
 O pasado 16 de abril, os alumnos de 4º ESO e 1º Bacharelato, reuníronse na biblioteca do centro coas súas coordinadoras para comentar o libro "La estrategia del agua" de Lorenzo Silva, libro escollido para traballar na tertulia de castelán que se celebrou o 19 de abril no Liceo de Ourense.
A actividade resultou todo un éxito.
Grazas a todos pola colaboración
|
|
|
|
|
| TERTULIAS LITERARIAS EN CASTELÁN |
|
 O vindeiro 19 de abril, algúns alumnos de 4º ESO e 1º de bacharelato do noso centro asistirán á tertulia literaria que organiza o Concello de Ourense no Liceo sobre o libro "La estrategia del agua" de Lorenzo Silva.
Unha das profesoras de lingua española do IES Blanco Amor, Avelina, elaborou un estupendo traballo sobre a obra que nos axudará a todos a entender mellor o autor e tamén o libro. Podédelo consultar no seguinte enlace:
|
|
|
|
|
| RECITAL POETICO SAN VALENTIN 2012 |
|
 Onte, 13 de febreiro, na Biblioteca do IES, o alumnado pertencente ao club de lectura do 1º e 2º ciclo, asistiron a un Recital de Poesía ofrecido por 2 membros (María e José Ramón) do CÍRCULO POÉTICO ORENSANO.
O noso alumnado disfrutou moita desta actividade e tomou parte activa.
Para pechar o acto, un grupo de 5 alumnos de 4º ESO (Xiana, Adrián, Sergio, Álex e Ánxela) prepararon un tema que nos fixo emocionarnos.
GRAZAS A TODOS POLA COLABORACIÓN. |
|
|
|
|
| PAZ 2012 |
|
 O alumnado de 1º e 2º ciclo da ESO, traballaron o tema da Paz nas titorías, partindo dunha imaxe de "Banksi". Cada rapaz adornou o debuxo coa finalidade de emitir mensaxes de paz. Os traballos foron expostos no corredor do instituto. |
|
|
|
|
| 30 de XANEIRO DÍA DA PAZ |
|
 O alumnado do noso centro, levou a cabo unha actividade moi bonita para conmemorar o Día da Paz, que consistiu en formar unha "pomba xigante" no patio do instituto, formado polos alumnos de 1º e 2º ciclo e a lectura de textos sobre a paz elaborados por eles mesmos.
Esta actividade fíxose desde a Biblioteca pero contamos coa colaboración dun gran compañeiro, Pilis, que sempre está aí cando o necesitamos para botar unha man.
|
|
|
|
|
|
|
|
