|
|
|
|
| Paquete Edilim de vocabulario e ortografía |
|
Categorías: lingua - 3º ciclo - vocabulario - ortografía
Déixovos este paquete de actividades para traballar en lingua, no 3º ciclo de E.P.
Contén material con auto-ditados, tarefas de vocabulario, ortografía e atención.
Pódese distribuír libremente, xa que está desenvolto baixo licenza CC (by-nc-sa).
Intentarei seguir desenvolvendo libros que dean continuidade a este.
Baixar o paquete
Velo "online"
http://goo.gl/508xb5 |
|
|
|
|
| Revista: Educación 3.0 |
|
Categorías: revista - novas - TIC
Unha revista "online" (versión reducida) e en papel (ver. completa) sobre as TIC e o ensino. Con propostas de recursos para a maioría sos S.O. pero fundamentalmente baseada na web 2.0
Defínese como a "revista para as aulas do século XXI".
http://www.educaciontrespuntocero.com/
 |
|
|
|
|
| Symbaloo de banco de imaxes |
|
 Categorías: web 2.0 - imaxe - educación - cc
Este escritorio desenvolto en "Symbaloo" por Rosa Panos Sanchis, propón 51 espazos onde atopar imaxes libres, para utilizar nos proxectos educativos respetando as licenzas dos autores/as. Facilítanos fundamentalmente atopar imaxes con licenza Creative Commons.
http://www.symbaloo.com/mix/bancosdeimagenescc
|
|
|
|
|
| O corpo humano en 3D: Zygote 3D Body |
|
Categorías: ciencias - 3D - coñecemento do medio
Se traballades con encerado dixital ou tedes proxector de vídeo con un equipo conectado a internet esta aplicación web será de gran utilidade para o estudio do corpo humano.
Imaxes en 3 dimensións, con movementos xiratorios e zoom de alta calidade na imaxe, que permite sobrepoñer e eliminar capas dos distintos elementos que compoñen o corpo: músculos, ósos, e os distintos sistemas...
Existe versión para dispositivos móbiles.
Espectacular!!!
Zygote 3D Body
|
|
|
|
|
| Androides na aula |
|
Categorías: espazo web - blog - TIC - ensino - Android
Nas últimas entradas deixamos algunhas referencias a aplicacións para o S.O. Androide moi útiles para o profesorado, pero se queres estar ao día deixate guiar polo compañeiro Felo Couto a través do seu blog e non precisarás darlle máis voltas ao buscador de Google.
Como complemento poderás instalar no teu dispositivo unha aplicación do mesmo autor na que ademais das novas do seu blog poderás ler outras moitas relacionadas co mundo Androide, tanto no referente a aplicacións como a aparellos (móbiles, tabletas...).
Blog: Androides na aula
Aplicación
|
|
|
|
|
| Adobe Flash Player para Android |
|
Categorías: ferramentas - utilidades
Unha das pegas que tiña o sistema operativo Android era que os navegadores non admitían o "plugin" de Adobe para que funcionara o flash. Isto supoñía a imposibilidade de reproducir nos mesmos aquelas aplicacións desenvoltas con esa tecnoloxía.
Pois ben, xa é posible visualizar o flash en Android. Adobe ven de proporcionar unha versión para este S.O.
No enlace temos acceso á descarga e as instrucións para a súa instalación.
De momento non se pode atopar en Google Play.
Descarga e instrucións.
|
|
|
|
|
| Kingsoft Office (tabletas android) |
|
Categorías: ofimática - tablet - android
Kingsoft Office é un paquete que inclúe: procesador de textos, folla de cálculo e presentacións multimedia. Unha ferramenta que permite a edición de documentos nunha tableta dixital con android.
Os documentos creados poden gardarse de xeito local ou almacenalos na internet para ter acceso a eles desde calquera outro dispositivo.
Dispoñible en Google Play.
|
|
|
|
|
| Caderno do profesor (tablet e móbil android) |
|
Categorías: tablet - android - xestión - aula
Caderno do Profesor é unha aplicación para tabletas e móbiles que ten como obxectivo axilizar e optimizar as tarefas docentes habituais. A aplicación está deseñada para substituír os "cadernos tradicionais do profesorado" en formato papel, que se empregan ata agora para xestionar os datos de cursos e alumnado. Esta versión lite é 100% funcional, e só está limitada á creación de 2 grupos de alumnos e a exportación de 2 tipos de informes.
A versión completa pódese adquirir por 4 €.
Tanto a versión gratuíta como a de pago permiten, unha vez instaladas, seleccionar o idioma galego.
Dispoñible en Google Play
|
|
|
|
|
|
|
|
