Becerreablog


BLOG DA BIBILIOTECA DO IES DE BECERREÁ

Bibliotecas escolares de Galicia



Este blog, xunto co apartado da biblioteca da nosa web, son as ferramentas que poñemos a disposición da comunidade educativa para dar a coñecer todo o relacionado coa nosa biblioteca e o mundo da lectura, e temén, para que teñades unha vía de comunicación sempre aberta.

O meu perfil
becerreablog
 SECCIÓNS
 GALERÍA DE FOTOS
 LIGAZÓNS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

TEMOS MOITO CONTO
É verdade, pero ademais este ano é o título dunha exposición que fixemos para o Día do Libro. Recollemos da nosa biblioteca aqueles libros que pertencen a este xénero e que leva esa palabra no seu título.
Tamén fixemos unhas ilustracións nas que se ven os contos clásicos infantís. Recordamos as figuras de Perrault, dos irmáns Grimm e Hans Christian Andersen e os seus títulos máis populares. Despois alumnos e alumnas de 1º de BAC contáronlles aos máis pequenos, en inglés, un deses contos.
Aquí podes ver as fotos da mencionada exposición e das ilustracións.
Comentarios (0) - Categoría: XERAL - Publicado o 24-04-2018 20:31
# Ligazón permanente a este artigo
CELEBRACIÓN DO DÍA INTERNACIONAL DA MULLER 2018
Desde a biblioteca do centro coordináronse os esforzos de varios profesores/as e grupos de alumnos e alumnas para celebrar actividades e un acto final reivindicativo con motivo desta data.

Como podes ver nestas fotos, durante toda a semana expuxéronse letras de cancións con marcado mensaxe feminino e feminista, algunhas delas traducidas do inglés, seleccionadas por alumando de 1º de Bac (da materia de Afondamento en Lingua Galega). Da nosa "árbore dos dereitos humanos" colgáronse carteis reivindicativos, denunciando a desigualdade laboral e salarial entre mulleres e homes. Alumnado de 1º da ESO aportou imaxes daquelas mulleres (anónimas) ás que máis admiran (xustificando a súa elección nun breve texto que leron máis tarde). Profesoras e alumnas secundaron o paro convocado para o día 8 de marzo, e algunhas concentráronse á entrada do centro por unha causa común, portando unha pancarta creadas por elas mesmas para a ocasión. Finalmente, realizouse un acto para todo o centro, que podes ver no vídeo que se xunta.
Comentarios (0) - Categoría: XERAL - Publicado o 10-03-2018 14:33
# Ligazón permanente a este artigo
DÍA INTERNACIONAL CONTRA A VIOLENCIA DE XÉNERO NO IES DE BECERREÁ
Con grande implicación do alumnado do centro, na semana do 20 ao 24 de novembro tiveron lugar as distintas actividades programadas para denunciar e sensibilizar sobre as situacións de violencia física e psíquica que viven moitas mulleres a diario.

Das xanelas e doutras partes do instituto colgaban prendas e teas negras, en sinal de loito polas mulleres que están a vivir esta traxedia; o alumnado acudiu tamén vestido de negro; da nosa "árbore dos dereitos humanos", e doutros paneis e portas, penduraban carteis reivindicativos e de denuncia; os alumnos e alumnas de 1º da ESO realizaron un mural con "post-it" debuxados, invitándonos a rebelarnos contra os maltratadores cando recoñezamos a un deles; alumnado de 3º confeccionou e repartiu lazos entre o alumnado e profesorado do centro; e un grupo de alumnas e alumnos de 1º de BAC elaboraron e executaron unha emotiva Haka coa que representaron o seu desafío aos violentos, ao tempo que salientaban a forza solidaria da mobilización do colectivo feminino(vídeo 1).
O venres día 24, estes mesmos alumnos e alumnas de 1º de BAC acudiron ao acto organizado polo Concello de Becerreá, no que tres alumnas (Blanca, Gabriela e Paula) leron un manifesto orixinal no que expresaron o seu rexeitamento absoluto ao machismo e a violencia exercidos sobre as mulleres (vídedo 2). Ademais, executaron de novo a súa Haka reivindicativa, esta vez diante das veciñas e veciños da vila congregados na praza do Concello, dos que recibiron o merecido recoñecemento. Neste acto tamén participaron outros colectivos veciñais e alumnado do CEIP San Xoán.
Agradecemos ao noso alumnado a súa implicación e sensibilidade amosadas, tanto na organización como na participación nesta campaña de denuncia contra a violencia machista e de solidariedade coas vítimas.
PREME AQUÍ para ver as fotos dos actos desenvoltos no centro e no Concello.

Comentarios (0) - Categoría: XERAL - Publicado o 26-11-2017 00:46
# Ligazón permanente a este artigo
CELEBRACIÓN DO MAGOSTO 2017

INFÓRMATE AQUÍ de como foi a celebración do magosto 2017 no centro, con novidades respecto a outros anos, e todo organizado e coordinado polo alumnado de 4º da ESO, como é tradicional.
Categoría: XERAL - Publicado o 25-11-2017 23:37
# Ligazón permanente a este artigo
DÍA DO LIBRO CON "DON QUIJOTE"

Así conmemoramos este ano o "Día do Libro", cunha exposición de distintas edicións e formatos da novela máis universal da literatura en castelán, organizada polo equipo da biblioteca do centro.
Atópanse nela desde volúmenes ilustrados ata outros exemplares en versión cómic,aportados polo profesorado, persoal non docente e alumnado, que aparecen adornados con marcapáxinas elaborados polo alumnado de 1º da ESO nas súas clases de Debuxo.
A exposición serve tamén de ferramenta de aprendizaxe para o alumnado de Lingua Castelá e Literatura, que desenvolverá distintas actividades dirixidas polas profesoras da materia.
Preme aquí para ver as imaxes.
Comentarios (0) - Categoría: XERAL - Publicado o 04-05-2017 21:59
# Ligazón permanente a este artigo
DÍA INTERNACIONAL DA MULLER
Se premes aquí, poderás ver o vídeo e entender por que vestimos de negro e por que levabamos mandís ese día.
E estas son as fotos da exposción de libros, películas e cartelería reivindicativos da ingualdade de xénero.
Comentarios (0) - Categoría: XERAL - Publicado o 10-03-2017 20:07
# Ligazón permanente a este artigo
CONMEMORACIÓN DO DÍA DO LIBRO

No ano 1995 a UNESCO declarou o 23 de abril como Día Internacional do Libro, pois tomouse esta data como referencia do pasamento de Cervantes e Shakespeare. Con tal motivo, na entrada do Instituto, fíxose unha pequena exposición de obras e carteis destes sobranceiros escritores.
Comentarios (0) - Categoría: XERAL - Publicado o 02-05-2016 19:50
# Ligazón permanente a este artigo
CELEBRACIÓN DA SEMANA DA PRENSA

Con motivo desta efeméride, a biblioteca do IES de Becerreá organizou unha charla a cargo do redactor xefe do diario "El Progreso", José Manuel Freire, que estivo dirixida a todo o alumnado da ESO e a 1º de BAC. Nela analizou o traballo periodístico nun diario local, algúns dos dilemas aos que se enfronta hoxe en día a profesión periodística e como se afrontan os actuais retos das novas tecnoloxías da comunicación desde os medios tradicionais. Na segunda parte do acto, J.M. Freire respondeu con paciencia e fondura ás numerosas preguntas que lle foron formuladas polas asistentes. O nosos agradecemento ao alumando pola súa participación e interese e tamén a José Manuel, quen participou no acto de forma completamente desinteresada.
Comentarios (1) - Categoría: XERAL - Publicado o 22-03-2016 15:50
# Ligazón permanente a este artigo
RECOÑECEMENTO A AGUSTÍN FERNÁNDEZ PAZ

Este autor é o máis lido polos clubs de lectura. Con tal motivo, a modo de recoñecemento, fíxose unha pequena exposición sobre a súa vida e obra na entrada da nosa biblioteca.
Comentarios (0) - Categoría: XERAL - Publicado o 12-02-2016 11:39
# Ligazón permanente a este artigo
Exposición de festas e ritos populares
En colaboración co Equipo de Normalización Lingüística, a biblioteca do centro participa na organización da Exposición sobre festas e ritos populares do sur da provincia de Lugo. Para fotos e máis información pulsa aquí.
Entroido
Comentarios (0) - Categoría: XERAL - Publicado o 28-01-2016 23:14
# Ligazón permanente a este artigo
LEMBRANZA DE NEIRA VILAS
Con motivo do pasamento do insigne escritor, a nosa biblioteca fai un recordatorio da súa vida e obra.
Neira Vilas, sempre connosco.
Comentarios (0) - Categoría: XERAL - Publicado o 11-12-2015 16:22
# Ligazón permanente a este artigo

Categoría: XERAL - Publicado o 11-12-2015 16:20
# Ligazón permanente a este artigo

Comentarios (0) - Categoría: XERAL - Publicado o 11-12-2015 16:17
# Ligazón permanente a este artigo
1º DA ESO DECORAN A ENTRADA DA BIBLIOTECA

Os alumnos de 1º ESO visitaron a biblioteca. Explicóuselles o funcionamento da mesma e as posibilidades que ofrece.
Como resultado desta actividade decoraron a entrada da biblioteca como se pode ver nesta imaxe. Semella que comezan con ánimo. Que non decaiga!
Comentarios (0) - Categoría: XERAL - Publicado o 23-10-2015 13:42
# Ligazón permanente a este artigo
CELEBRACIÓN DAS LETRAS GALEGAS 2015
LETRAS GALEGAS 2015
Comentarios (0) - Categoría: XERAL - Publicado o 28-05-2015 11:42
# Ligazón permanente a este artigo
© by Abertal