Becerreablog


BLOG DA BIBILIOTECA DO IES DE BECERREÁ

Bibliotecas escolares de Galicia



Este blog, xunto co apartado da biblioteca da nosa web, son as ferramentas que poñemos a disposición da comunidade educativa para dar a coñecer todo o relacionado coa nosa biblioteca e o mundo da lectura, e temén, para que teñades unha vía de comunicación sempre aberta.

O meu perfil
becerreablog
 SECCIÓNS
 GALERÍA DE FOTOS
 LIGAZÓNS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

CELEBRANDO A ROSALÍA

Distintas actividades foron desenvoltas no centro para conmemorar o Día de Rosalía. Por un lado, unha exposición de material bibliográfico pertencente á biblioteca do noso centro e unha selección de láminas que reflicten aspectos da súa figura como poetisa.

Ademais, isto completouse co acto que se recolle neste vídeo. Comeza amosando unha montaxe audiovisual que recolle o recitado de poemas por mulleres e nenas galegas, realizada pola Asociación de Escritoras e Escritores en Lingua Galega. Continúa coa exposición de catro versións musicais dun poema de Rosalía, "A xustiza pola man", nos distintos estilos de Amancio Prada, Aid, Poetarras e Nao. Segue unha animada poxa poética, coa participación de alumnado e profesorado. E remata con tres intervencións musicais, desenvoltas por alumnado de 1º de Bac: na primeira, Ángela e Alba interpretan a súa versión do poema "Negra sombra"; na segundo, un grupo de alumn@s canta "Adiós ríos, adiós fontes" e na terceira e última, este mesmo grupo acompaña a dous profesores, Ramón e Jesús, que foron as voces principais en "Campanas de Bastabales".
Aquí podes ver algunhas da imaxes da exposición e do acto.
Comentarios (0) - Categoría: CLUB DE LECTURA - Publicado o 19-03-2017 19:39
# Ligazón permanente a este artigo
DÍA INTERNACIONAL DA MULLER
Se premes aquí, poderás ver o vídeo e entender por que vestimos de negro e por que levabamos mandís ese día.
E estas son as fotos da exposción de libros, películas e cartelería reivindicativos da ingualdade de xénero.
Comentarios (0) - Categoría: XERAL - Publicado o 10-03-2017 20:07
# Ligazón permanente a este artigo
CLUB DE LECTURA PARA PAIS/NAIS/TITORES LEGAIS
Comeza tamén, como se anunciaba na noticia anterior, a actividade do club de lectura de adultos. Integra a pais e nais da nosa comunidade escolar e está coordinado polo profesor Antón Bao. O grupo correspondente ao curso actual está formado por Eva García,Pilar García,Pepe Gayoso, Pilar Ferreiro, Silvia Santín, Esther Garrido, Julia Roda. Se algún pai ou nai está interesado/a en sumarse, só ten que poñerse en contacto co biblioteca do centro para sumarse a estas lecturas compartidas.
Comentarios (0) - Categoría: CLUB DE LECTURA - Publicado o 21-10-2016 13:26
# Ligazón permanente a este artigo
CLUBS DE LECTURA 2016-17

Co inicio do novo curso comezan a súa actividade os compoñentes dos clubs de lectura do noso centro.
Este ano 56 alumn@s da ESO forman parte dos mesmos, o que representa o 75% do total de alumnado desta etapa educativa. Repártense en 10 clubs, un dos cales desenvólvese en inglés.
Están coordinados por 7 profesores/as de destintas áreas académicas, o que supón un incremento de dous profesores/as con respecto aos cursos pasados.
Cabe destacar que a estas cifras hai que engadir 1 club de lectura para pais/nais/titores, composto por 6 adultos.
Desexámoslles a tod@s unha grata experiencia no mundo da lectura compartida.
Categoría: CLUB DE LECTURA - Publicado o 17-10-2016 17:38
# Ligazón permanente a este artigo
CONMEMORACIÓN DO DÍA DO LIBRO

No ano 1995 a UNESCO declarou o 23 de abril como Día Internacional do Libro, pois tomouse esta data como referencia do pasamento de Cervantes e Shakespeare. Con tal motivo, na entrada do Instituto, fíxose unha pequena exposición de obras e carteis destes sobranceiros escritores.
Comentarios (0) - Categoría: XERAL - Publicado o 02-05-2016 19:50
# Ligazón permanente a este artigo
IMOS Ó CINE

Para os participantes nos clubs de lectura de 1º e 2º de ESO, organizouse unha saída a Lugo para ver no cine a proxección da película El libro de la selva. Nunha das fotografías aparecen os alumnos que participaron nesta actividade e noutra capta o momento da retirada das entradas.
Comentarios (0) - Categoría: CLUB DE LECTURA - Publicado o 28-04-2016 20:45
# Ligazón permanente a este artigo
CELEBRACIÓN DA SEMANA DA PRENSA

Con motivo desta efeméride, a biblioteca do IES de Becerreá organizou unha charla a cargo do redactor xefe do diario "El Progreso", José Manuel Freire, que estivo dirixida a todo o alumnado da ESO e a 1º de BAC. Nela analizou o traballo periodístico nun diario local, algúns dos dilemas aos que se enfronta hoxe en día a profesión periodística e como se afrontan os actuais retos das novas tecnoloxías da comunicación desde os medios tradicionais. Na segunda parte do acto, J.M. Freire respondeu con paciencia e fondura ás numerosas preguntas que lle foron formuladas polas asistentes. O nosos agradecemento ao alumando pola súa participación e interese e tamén a José Manuel, quen participou no acto de forma completamente desinteresada.
Comentarios (1) - Categoría: XERAL - Publicado o 22-03-2016 15:50
# Ligazón permanente a este artigo
RECOÑECEMENTO A AGUSTÍN FERNÁNDEZ PAZ

Este autor é o máis lido polos clubs de lectura. Con tal motivo, a modo de recoñecemento, fíxose unha pequena exposición sobre a súa vida e obra na entrada da nosa biblioteca.
Comentarios (0) - Categoría: XERAL - Publicado o 12-02-2016 11:39
# Ligazón permanente a este artigo
Exposición de festas e ritos populares
En colaboración co Equipo de Normalización Lingüística, a biblioteca do centro participa na organización da Exposición sobre festas e ritos populares do sur da provincia de Lugo. Para fotos e máis información pulsa aquí.
Entroido
Comentarios (0) - Categoría: XERAL - Publicado o 28-01-2016 23:14
# Ligazón permanente a este artigo
LEMBRANZA DE NEIRA VILAS
Con motivo do pasamento do insigne escritor, a nosa biblioteca fai un recordatorio da súa vida e obra.
Neira Vilas, sempre connosco.
Comentarios (0) - Categoría: XERAL - Publicado o 11-12-2015 16:22
# Ligazón permanente a este artigo

Categoría: XERAL - Publicado o 11-12-2015 16:20
# Ligazón permanente a este artigo

Comentarios (0) - Categoría: XERAL - Publicado o 11-12-2015 16:17
# Ligazón permanente a este artigo
1º DA ESO DECORAN A ENTRADA DA BIBLIOTECA

Os alumnos de 1º ESO visitaron a biblioteca. Explicóuselles o funcionamento da mesma e as posibilidades que ofrece.
Como resultado desta actividade decoraron a entrada da biblioteca como se pode ver nesta imaxe. Semella que comezan con ánimo. Que non decaiga!
Comentarios (0) - Categoría: XERAL - Publicado o 23-10-2015 13:42
# Ligazón permanente a este artigo
CLUBS DE LECTURA 2015-16
Preme aquí para ver unha imaxe dos integrantes dos clubs de lectura deste curso.
Comentarios (0) - Categoría: CLUB DE LECTURA - Publicado o 23-10-2015 11:28
# Ligazón permanente a este artigo
II PREMIO IES BECERREÁ Á PROMOCIÓN DA LINGUA E CULTURA GALEGAS NA COMARCA DOS ANCARES

Preme aquí para coñecer toda a información sobre esta segunda edición do premio.
Comentarios (2) - Categoría: CLUB DE LECTURA - Publicado o 11-06-2015 23:08
# Ligazón permanente a este artigo
© by Abertal