biblioteca brea segade


Blogue da Biblioteca Brea Segade de Taragoña.

Plan de Mellora de Bibliotecas Escolares de Galicia




PREMIO BIBLIOTECAS ESCOLARES





























Libriño
breasegade@yahoo.es
 CATEGORÍAS
 BIBLIOGALERÍA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Adeus, Xosé Neira Vilas


Grazas por traballar ao longo de toda a túa vida pola nosa lingua, a nosa cultura, a nosa identidade e a nosa dignidade.

Biblioteca Brea Segade


Comentarios (0) - Categoría: Xeral - Publicado o 27-11-2015 19:56
# Ligazón permanente a este artigo
Cos Quinquilláns
Este martes o alumando de 5º e 6º tivo a inmensa sorte de poder falar da montaxe do Espantallo amigo e do teatro en xeral con Tero Rodríguez e Lucho Penabade da compañía teatral Os Quinquilláns. Foi un encontro co que quixemos poñer fin ao traballo que nestas semanas fixemos en torno a Xosé Neira Vilas e ao Espantallo amigo.
Hoxe, ao colgar esta entrada, ese encontro cobrou un valor aínda maior. Xosé Neira Vilas faleceu esta mañá e todos sentimos a perda coma propia, pero vendo as imaxes dos rapaces e rapazas do Brea Segade falando sobre a súa obra e apurando o tempo do recreo para seguir compartindo experiencias e opinións con Tero e Lucho, sabemos que, coma o espantallo, Neira Vilas repartiu a súa sabiduría e os seus valores entre nós antes de marchar e que só temos que voltar aos seus libros para mantelos vivos.




Comentarios (0) - Categoría: Xeral - Publicado o 27-11-2015 19:34
# Ligazón permanente a este artigo
As dentaduras de Paco Palma
Ruth, Elena, Sandra e Noelia foron as contadoras esta semana. Escolleron a historia de Paco Palma, un carteiro con dúas dentaduras, unha laranxa para comer e outra branca pensar. As dentaduras de Paco Palma de Mercedes Pérez Sabbi e Renata Gallio é unha historia fantástica e moi divertida na que suceden cousas incribles a medida que o carteiro se vai atopando con outros personaxes.
As nosas contadoras desta semana tiveron a biblioteca chea, chea de público e pese aos nervios dun principio, conseguiron manternos a tod@s ben atentos ata o final. Este martes o conto pasou a contarse na Hora de Ler porque no recreo a BBS estaba ocupada, así que varias clases decidiron vir ao completo a escoitar a Paco Palma.
Foi unha boa experiencia. Grazas Ruth, Noelia, Sandra e Elena!












Moi ben, contadoras!

Comentarios (0) - Categoría: Animando a ler - Publicado o 27-11-2015 17:22
# Ligazón permanente a este artigo
Axudantes 6
Hoxe comezou a traballar no recreo o sexto grupo de axudantes. Hoxe asináronse, polo tanto, os últimos contratos de axudantes deste curso; para a semana comezaremos a rotación de novo.
Como xa fixeron os seu compañeir@s antes, leron e asinaron contratos e xa empezaron a botar unha man: repoñendo libros aos andeis, selando novidades, preparando o anuncio do contacontos de mañá... Así dá gusto!





Lendo contratos









Asinando




Selando









Somos axudantes!




Selando e etiquetando novidades




Repoñendo libros nos andeis






Comentarios (0) - Categoría: Formación de usuari@s - Publicado o 23-11-2015 20:43
# Ligazón permanente a este artigo
VI Xornadas de Bibliotecas Escolares de Galicia
O venres e sábado pasado celebráronse en Santiago ás Xornadas de Bibliotecas Escolares de Galicia, unha cita anual para os docentes que cremos no papel fundamental que as bibliotecas deben desempeñar nos centros e nos procesos educativos.
Uns 900 mestres/as e profesores/as de Secundaria participamos nas Xornadas! Durante dous días reflexionamos sobre o presente e o futuro das bibliotecas escolares coa axuda de expertos como Carlos Magro, Guadalupe Jover, Felicidad Campal, Rosa Piquín e Ana Siro e puidemos coñecer o traballo doutras bibliotecas da man de compañeir@s que presentaron experiencias.
Un ano máis, volvemos a Taragoña con enerxías renovadas, con novas ideas e moi orgullosas de formar parte da "comunidade" das bibliotecas escolares galegas.
Agradecemos á Asesoría de Bibliotecas Escolares e ao Cafi o seu traballo e seu esforzo por facer que as Xornadas sempre conten con ponentes e ponencias de máximo interese e relevancia para a nosa práctica.
Agora... a seguir traballando na BBS día a día.
Comentarios (0) - Categoría: Xeral - Publicado o 23-11-2015 19:43
# Ligazón permanente a este artigo
Nos clubs...
Esta semana tivemos xuntanza dos Clubs de Lectura, primeira para falar de libros. Foi o martes porque o venres pasado tivemos o magosto. Os dous primeiros libros engancháronnos e deron para falar de bruxas, de xogos, de avós e avoas, de medos... O recreo quedounos curto, imos agradecer as vindeiras xuntanzas en venres nas que poderemos quedar tamén na Hora de Ler.





Os detectives de Libriño


Nas vindeiras tres semanas tocaralles aos Estoupalibros aprender moito sobre bruxas e os Detectives de Libriño descubrirán cousas sobre o Sáhara e o programa de Vacacións en paz.
Os libros que leremos son: As Bruxas de Roald Dahl e As vacacións de Saida de Eva Peydró.




Comentarios (10) - Categoría: CLUBS DE LECTURA - Publicado o 21-11-2015 22:07
# Ligazón permanente a este artigo
Viaxando
As Mochilas Viaxeiras continúan viaxe, pasaron brevemente pola BBS para "repostar" e xa están en sete novas casas. As axudantas desta semana encargáronse do sorteo que, coma sempre,foi seguido con expectación.








Comentarios (0) - Categoría: Animando a ler - Publicado o 21-11-2015 21:54
# Ligazón permanente a este artigo
O Grúfalo
Helena e Carla escolleron O Grúfalo de Julia Donaldson e Axel Sheffler para o seu primeiro conto deste curso. O Grúfalo é unha fermosa e divertida historia sobre o medo e o inxenio, que se convertiu nun clásico da literatura infantil e que temos a sorte de poder gozar na nosa lingua grazas á editorial Patasdepeixe.
Aos que vos guste o Grúfalo tanto coma a nós nos deixedes de visitar a súa páxina oficial. Si, si, lestes ben, ten páxina oficial, con xogos e moita información sobre o conto e a súa autora. Está en inglés pero paga a pena facer un esforzo, poñer os vosos coñecementos de inglés en funcionamento e visitala.

Páxina oficial do Grúfalo

Graciñas Carla e Helena por traer aos recreos da BBS unha das nosas historias favoritas e por facelo tan ben.




Anunciando o conto



















Bravo, contadoras!

Comentarios (0) - Categoría: Animando a ler - Publicado o 21-11-2015 21:36
# Ligazón permanente a este artigo
Axudantes 5
Nova semana, novo grupo de axudantes. Hoxe tocou ler e asinar contratos e despois unha chea de tarefas: emprestar libros ás aulas, revisar mochilas que empezaron a chegar, dar avisos a contadoras, preparar cabalete anunciador... Non pararon en todo o recreo, e acabamos de comezar!





Lendo os contratos




Asinando









Selándoos











Como se pon o identificativo?




Somos axudantes da BBS!




Emprestando co programa Meiga












Comentarios (0) - Categoría: Formación de usuari@s - Publicado o 16-11-2015 23:52
# Ligazón permanente a este artigo
Espantallo amigo
Hoxe fomos ao teatro.
Levabamos semanas lendo e traballando sobre o Espantallo amigo de Xosé Neira Vilas e hoxe puidemos ver no Auditorio de Rianxo a adaptacióbn teatral de Os Quinquilláns. Tivemos a sorte de ver como cobraban vida ante os nosos ollos eses personaxes que coñecemos en forma de novela e que imaxinamos coa axuda das ilustracións de Xaquín Marín: o espantallo, o tío Ramón, Penexo, Xirimía e o grilo. Os merlos pasaron ser unha merla vella que nos gañou a tod@s desde o primeiro momento.
A novela pasou ser texto teatral pero mantivo a esencia: o valor da amistade, o respecto e fondo coñecemento do mundo rural, da nosa tradición e da nosa lingua, o respecto polos meniños e meniñas como lectores/as e público, a calidade...

É unha ledicia poder "ler e ver" un clásico da literatura infantil galega e saber que o espantallo se mantén vivo entre os nosos meniños e meniñas.


Grazas aos Quinquilláns e a editorial Galaxia.
Grazas, Neira Vilas!


Comentarios (12) - Categoría: Animando a ler - Publicado o 12-11-2015 20:55
# Ligazón permanente a este artigo
Familia C
Marta e María foron hoxe as contadoras do recreo da BBS. Levaban tempo preparando o conto e así o fixeron tan ben.
Escolleron un álbum ilustrado que recibiu o Premio Internacional Compostela no ano 2010.
Familia C de Pep Bruno e Mariona Cabassa fálanos dun día calquera dunha familia normal que ten unha afección especial.
Se mirades con atención a portada podedes descubrila, pero mellor pasade pola biblio e buscade o conto, havos gustar! Case tanto coma a nós nos gustou escoitalo de Marta e María.




Preparadas para anunciar o conto












Ben feito, contadoras!

Comentarios (0) - Categoría: Animando a ler - Publicado o 10-11-2015 22:36
# Ligazón permanente a este artigo
Axudantes 4
O cuarto grupo de axudantes tomou o relevo esta semana. Tal e como fixeron os equipos anteriores comezaron por ler os contratos, asinalos e selalos e despois: acción!
Xa están emprestando libros co Meiga, selando novidades, repoñendo libros aos andeis...
Dá gusto ver como estades a implicarvos tod@s os axudantes este curso!





Concentrad@s, lendo a letra pequena








Vale, son axudante!




Eu tamén!




E eu.




Xa van catro!




E agora cinco




Selando novidades, guías para profes




Aprendendo a emprestar co Meiga




Repoñendo libros nos andeis






Comentarios (2) - Categoría: Formación de usuari@s - Publicado o 10-11-2015 22:18
# Ligazón permanente a este artigo
Saíron as Mochilas Viaxeiras!
Este mércores comezaron a súa viaxe sete Mochilas Viaxeiras, unha por clase.
Cando chegamos á mañá xa estaban preparadas, agardando para saír.



No recreo, antes do conto, realizouse o sorteo, coma sempre con grande expectación; era o primeiro deste curso.




Comeza o sorteo




Aí vai a primeira!




Número...


As Mochilas marcharon para as casas de Noa, Ainara, Marta, Pedro, Sergio, Breogán e Fátima.



Boa viaxe Mochilas!
Boas lecturas en familia rapaces e rapazas!
Comentarios (0) - Categoría: Animando a ler - Publicado o 06-11-2015 00:22
# Ligazón permanente a este artigo
El mágico mundo de los periódicos
Silvia, Patri e Laura foron as contadoras desta semana e decidiron explicarnos por medio dun conto que son os periodicos, para que valen, quen os escribe...
El mágico mundo de los periódicos de María Oset e Beatriz Menendez, ten coma protagonista a un meniño que quere saber que é un xornal e que ao ir descubríndoo fai que o descubramos nós tamén.
Grazas contadoras por lembrarnos a importancia dos xornais e todo o que nos poden ofrecer.
















Comentarios (0) - Categoría: Animando a ler - Publicado o 06-11-2015 00:11
# Ligazón permanente a este artigo
Axudantes 3
Xa temos ao terceiro grupo de axudantes botando unha man na BBS:repoñendo libros, sorteando mochilas, preparando carteis, anotando aos usuari@s dos ordenadores... Aquí tedes o seu primeiro día.





Lendo os contratos...




concienzudamente




Asinado




Selando




Somos axudantes!




Onde estaba cada sección na BBS?
Comentarios (0) - Categoría: Formación de usuari@s - Publicado o 06-11-2015 00:02
# Ligazón permanente a este artigo
© by Abertal



Contador gratis



As imaxes que publicamos neste blogue teñen un uso educativo. Se estiveran suxeitas a dereitos de autor/a, facédenolo saber, para poder retiralas axiña. Grazas