biblioteca brea segade


Blogue da Biblioteca Brea Segade de Taragoña.

Plan de Mellora de Bibliotecas Escolares de Galicia




PREMIO BIBLIOTECAS ESCOLARES





























Libriño
breasegade@yahoo.es
 CATEGORÍAS
 BIBLIOGALERÍA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

En setembro
En setembro a BBS aínda está pechada, pero non está parada, ben o sabedes, porque desde o primeiro día empezamos ter probas de que algo está pasando na biblio...






Materiais para a Hora de Ler





Banco de libros






Taboleiros da entrada





Comentarios (0) - Categoría: A brincar! - Publicado o 24-09-2016 20:25
# Ligazón permanente a este artigo
Na Feira do Libro
Así de bonita luciu a caseta das biblios rianxeiras este ano.
































Comentarios (0) - Categoría: Xeral - Publicado o 28-07-2016 21:47
# Ligazón permanente a este artigo
Lendo en Rianxo 2016
Este é o vídeo que elaboramos as bibliotecas dos colexios de Infantil e Primaria e a Biblioteca Pública Municipal de Rianxo para a Feira do Libro 2016. Coma vimos facendo nestes últimos anos, quixemos compartir unha pequena mostra do noso traballo a prol da lectura e a cultura ao longo do curso.

Comentarios (0) - Categoría: Xeral - Publicado o 28-07-2016 21:21
# Ligazón permanente a este artigo
Feira do libro de Rianxo 2016

Xa está aquí a Feira do Libro e xa estamos as bibliotecas rianxeiras expoñendo unha pequena mostra do noso traballo nunha das casetas. Animádevos a vir á Feira, aquí vos deixamos o programa.



  








Comentarios (0) - Categoría: Xeral - Publicado o 22-07-2016 18:28
# Ligazón permanente a este artigo
Agustín Fernández Paz

Onte faleceu Agustín Fernández Paz, día inmensamente triste para @s amantes da cultura e a literatura. Seguirá, como ata agora, sendo un autor imprescindible nos nosos clubs de lectura, nos nosos itinerarios lectores, nas mochilas viaxeiras, nos andeis da BBS, na reflexión sobre a lingua, a literatura, o ensino...
Grazas, Agustín, por toda a sabiduría e o bo facer que compartiches con nós.

Agustín Fernández Paz no Centro de Documentación da Asociación de Escritores en Lingua Galega.
Comentarios (0) - Categoría: Xeral - Publicado o 13-07-2016 08:53
# Ligazón permanente a este artigo
Libernautas da BBS

Case nos esquece falar dos nosos Libernautas, os rapaces e rapazas que entregaron na biblio o pasaporte que repartimos no Día do Libro cuberto. Aquí estades Libernautas da BBS! Sabemos que moit@s estivestes a punto de conseguilo tamén. Noraboa a tod@s.
Comentarios (0) - Categoría: Animando a ler - Publicado o 13-07-2016 08:34
# Ligazón permanente a este artigo
Ler no verán
Aquí tedes as nosas recomendacións de lecturas para este verán. Lembrade vir á biblioteca buscar os Libros que veñen e van.
Boas vacacións!!!!


Comentarios (0) - Categoría: Animando a ler - Publicado o 23-06-2016 08:23
# Ligazón permanente a este artigo
Última viaxe

Bernardo e Silvia felices coas súas Mochilas Viaxeiras.
A disfrutalas! Xuño é un bo mes para ler, coma todo o ano!
Comentarios (0) - Categoría: Animando a ler - Publicado o 11-06-2016 18:27
# Ligazón permanente a este artigo
A noite das mudanzas
Imos pechando actividades na BBS. O xoves tivemos o último dos contacontos deste curso. Foi especial porque tamén foi a última vez que estas tres contadoras participaban nos Contacontos do recreo como alumnas do cole. Lucía o sol, así que decidimos saír a horta para despedir os contacontos e ás contadoras.
A noite das mudanzas de Pep Bruno e Lucie Müllerová foi o conto escollido. Que as mudanzas que nos van tocar a nós tamén sexan compartidas e divertidas!
Silvia, Laura e Fátima, contamos con vós e os vosos compañeiros e compañeiras de 6º para seguir enchendo de maxia e contos a BBS o curso que vén, sempre que poidades.

Comentarios (0) - Categoría: Animando a ler - Publicado o 04-06-2016 10:41
# Ligazón permanente a este artigo
Maio no Brea Segade
Xa estamos en xuño!
Maio deixou na entrada do Brea Segade boas mostras do traballo que se fixo nas aulas sobre Manuel María.
O Equipo de Dinamización Lingüística en colaboración con todos os demais equipos e departamentos do centro coordinou este traballo, que tivo como resultado o festival das Letras, a decoración da entrada do centro e, fundamentalmente, a descuberta e disfrute da obra Manuel María.

















Comentarios (0) - Categoría: Letras Galetras - Publicado o 04-06-2016 10:30
# Ligazón permanente a este artigo
Maruxa
Clara e Ainara foron as contadoras destes martes. levaron a sorpresa de ver que a biblioteca estaba chea de nenos e nenas do CRA de Rianxo que viñeron de visita ese día. Que mellor xeito de coñecer a nosa biblioteca que escoitar Maruxa de Eva Mejuto e Mafalda Milhores por dúas supercontadoras de 2º.
Graciñas Clara e Ainara!









Hoxe no recreo....




Canto público!










Noraboa contadoras!

Comentarios (0) - Categoría: Animando a ler - Publicado o 04-06-2016 10:00
# Ligazón permanente a este artigo
Xantar e despedida dos clubs

O xoves tivemos a última xuntanza deste curso dos clubs de lectura. Foi un xantar, para despedirnos con tempo e con bo sabor de boca.
Xantamos, xogamos, falamos de libros, avaliamos e vimos unha última peli xuntos, Matilda.
Foi un pracer compartir lecturas e vivencias con vós nos clubs; sempre nos sorprende descubrir o que podemos aprender con vós e sobre vós a partir da lectura. Graciñas!

Aquí tedes a reportaxe fotográfica.

Xantamos en Campo Maneiro.












Ruth trouxonos biscoito






A por el!!




Xogando ás agachadas para baixar a comida.





Listos para volver á biblioteca.




Xogo de preguntas por equipos sobre os libros dos clubs.


























































Comentarios (1) - Categoría: CLUBS DE LECTURA - Publicado o 29-05-2016 20:46
# Ligazón permanente a este artigo
Recta final das mochilas
As mochilas remataron viaxe nalgunhas clases pero tranquil@s,continúan nas máis numerosas, van chegar a tod@s, xa queda menos!





Comentarios (0) - Categoría: Animando a ler - Publicado o 29-05-2016 20:10
# Ligazón permanente a este artigo
Os soños na gaiola




Celebremos as Letras Galegas na rúa, con música e poesía!
A Banda da escola de música de Rianxo e os nenos e nenas do CEIP Ana Mª Diéguez ofrécennos un concerto homenaxe a Manuel María con poemas dunha obra que coñecemos moi ben.
Lourenzo saiu ben cedo para que o día das Letras Galegas sexa aínda máis fermoso. Vémonos no Campo ás 12!
Comentarios (0) - Categoría: Letras Galetras - Publicado o 17-05-2016 09:28
# Ligazón permanente a este artigo
As nosas Letras



“A fala”

O idioma é a chave

coa que abrimos o mundo:

o salouco máis feble,

o pesar máis profundo.

O idioma é a vida,

o coitelo da dor,

o murmurio do vento,

a palabra de amor.

O idioma é o tempo,

é a voz dos avós

e ese breve ronsel

que deixaremos nós.

O idioma é un herdo,

patrimonio do pobo,

maxicamente vello,

eternamente novo.

O idioma é a patria,

a esencia máis nosa,

a creación común

meirande e poderosa.

O idioma é a forza

que nos xungue e sostén.

Se perdemos a fala

non seremos ninguén!

O idioma é o amor,

o latexo, a verdade,

a fonte que agroma

a máis forte irmandade.

Renunciar ao idioma

é ser mudo e morrer.

Precisamos a língua

se queremos vencer!


Manuel María
Comentarios (0) - Categoría: Letras Galetras - Publicado o 17-05-2016 09:11
# Ligazón permanente a este artigo
[1] ... [5] [6] [7] 8 [9] [10] [11] ... [73]
© by Abertal



Contador gratis



As imaxes que publicamos neste blogue teñen un uso educativo. Se estiveran suxeitas a dereitos de autor/a, facédenolo saber, para poder retiralas axiña. Grazas