Este venres comezamos coa programación de Abril mes dos libros. Como xa fixeramos o curso pasado, sumámonos á celebración do Día Internacional do Libro Infantil promovida pola OEPLI (Organización española para o libro infantil e xuvenil). Un grupo de alumnos e alumnas de 6º leron o manifesto da escritora estona Aino Pervik. Despois o alumnado de 4º, 5º e 6º exerceu de padriños e madriñas lectores cos máis pequenos do colexio, os de 1º, 2º e 3º. Repartímonos pola horta e o patio para compartir contos, para dar e recibir o agasallo da lectura.
E xa para rematar cada quen escolleu o primeiro conto do que temos unha lembranza especial, unha lembranza que gardar coma un tesouro, nun cofre, para non perder.