Anxo Fariña volveu visitar a nosa biblioteca, desta vez para ter un encontro co alumnado de 5º e 6º, que nestes últimos meses leu A chave da Atlántida. Anxo ten o seu particular grupo de seguidores e seguidoras no noso colexio, que comezaron a ler a Breogán e despois se engancharon aos Megatoxos, e aos que tamén lles gustou moito A chave da Atlántida, tanto como gustou ao xurado do Premio Merlín 2011.
Anxo volveu conectar cos seus lectores e lectoras e volveunos demostrar que non só lle gusta escribir para rapaces senón tamén encontrarse con eles e falar sobre os seus libros, sobre a lectura... Normal que teña tanto éxito!
Un gusto terte de novo con nós, Anxo!