biblioteca brea segade


Blogue da Biblioteca Brea Segade de Taragoña.

Plan de Mellora de Bibliotecas Escolares de Galicia




PREMIO BIBLIOTECAS ESCOLARES





























Libriño
breasegade@yahoo.es
 CATEGORÍAS
 BIBLIOGALERÍA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Na BBS contamos tod@s: Pili e Miguel
Continuamos cos contos en familia do mes de abril aínda que xa entrou maio, pero é que temos moitos contador@s que se animan a vir e iso moito nos gusta. Hoxe estiveron na BBS Pili e Miguel e trouxeron con eles a un clásico que a todos nos encanta "O gato con botas", porque como nos dixo Pili, a quen non lle gusta escoitar unha historia na que quen se esforza por conseguir algo, con inxenio e esforzo, acaba conseguíndoo?


Grazas Pili e Miguel!


Comentarios (0) - Categoría: Abril mes dos libros - Publicado o 02-05-2013 17:30
# Ligazón permanente a este artigo
Queremos ser Libernautas!
O Día do Libro presentamos e repartimos os Pases ao Liberespazo en todas as clases. Así aparece recollido no blogue de segundo ciclo como comezaron a usar os Pases na clase de 3º. Está claro que asumen o reto!


Comentarios (0) - Categoría: Abril mes dos libros - Publicado o 30-04-2013 08:27
# Ligazón permanente a este artigo
Os nosos recunchos de lectura

A horta, a cama, un sofá, o chan, a BBS... Xa temos moitas fotos cos nosos recunchos de lectura favoritos, lembrade que aínda podedes seguir enviándonos fotos toda esta semana. Animádevos!
Comentarios (1) - Categoría: Abril mes dos libros - Publicado o 28-04-2013 21:27
# Ligazón permanente a este artigo
Na BBS contamos tod@s: Un pesadelo no meu armario
Continuamos convidando ás familias a vir contar contos neste mes dos libros. Tere, a nai de Iago e de María, estivo na BBS coma contadora esta semana. Deixounos a tod@s coa boca aberta falándonos sobre un pesadelo monstroso que de boa gana acolliamos nos nosos armarios, porque nos encantou.
Un pesadelo no meu armario de Mercer Mayer é unha historia sobre medos e sobre como escorrentalos. Ten unhas ilustracións fermosas e moi divertidas que acompañan a un texto sinxelo e directo, para falar clariño sobre o que nos dá medo.

Graciñas Tere, fixéchelo de medo!




Comentarios (0) - Categoría: Abril mes dos libros - Publicado o 28-04-2013 21:07
# Ligazón permanente a este artigo
Preparando o apadriñamento lector
Grazas á implicación, entusiasmo e preparación dos padriños e madriñas o apadriñamento foi un éxito. Aquí tedes algunhas fotos dos preparativos de 4º, 5º e 6º.




Os afillad@s na maña do martes tamén decoraron os seus agasallos de agradecemento para padriños e madriñas. Fixérono con moito agarimo, sen saber aínda quen lles ía agasallar cun conto.


Comentarios (2) - Categoría: Abril mes dos libros - Publicado o 27-04-2013 19:07
# Ligazón permanente a este artigo
Nun libro
Foi primicia na nosa celebración do 23 de abril e aquí o tedes para que o poidades ver, escoitar, cantar e bailar cantas veces queirades. Nun libro, un novo tema de Paco Nogueiras Nodar.


Comentarios (0) - Categoría: Abril mes dos libros - Publicado o 27-04-2013 18:59
# Ligazón permanente a este artigo
O noso Día do Libro
Na tarde do 23 de abril tivemos o acto central da celebración do mes dos libros. Xuntámonos no auditorio e escoitamos "Nun libro" un tema de Paco Nogueiras Nodar, visionamos a curta de animación "A cousa que máis doe do mundo" de Paco Liván e Roger Olmos editado por OQO e recitamos os poemas "Lemos xuntos" de Pat Mora, manifesto do Día Internacional do Libro Infantil e Xuvenil e "Só un libro", agasallo de Paula Carballeira ás bibliotecas escolares galegas para este 23 de abril.

E despois chegou o momento máis agardado, o apadriñamento lector. Un ano máis os rapaces de 4º, 5º e 6º foron madriñas e padriños lectores dos nenos e nenas de 1º, 2ºe 3º. As imaxes do vídeo que tedes debaixo transmiten case que toda a maxia que sentimos compartindo lecturas e despois compartindo unha actividade plástica, a decoración dun marcapáxinas cunha tira cómica con Libriño, o Liberespazo e o apadriñamento lector como protagonistas.
Revivide esa tarde especial con este vídeo.


Comentarios (0) - Categoría: Abril mes dos libros - Publicado o 27-04-2013 18:51
# Ligazón permanente a este artigo
Na BBS contamos tod@s: Brim el cazahadas
Comezamos o Día do Libro da mellor das maneiras posibles, cun contaconto no recreo con Antonio e Héctor coma contadores. Brim el cazahadas de Albert Alforcea foi a historia que escolleron para nós. É dun libro con pictográmas, así que Héctor leu as imaxes e o seu pai o texto do conto. Fixérono moi ben! E a historia de Brim, un cazafadas que acaba sendo o mellor amigos das fadas, gustounos moito.


Grazas Antonio e Héctor por traer a Brim e ás fadas á BBS!


Comentarios (0) - Categoría: Abril mes dos libros - Publicado o 24-04-2013 08:22
# Ligazón permanente a este artigo
Día do Libro



FELIZ DÍA DO LIBRO!


Como cada ano en abril, celebramos o noso compromiso coa lectura e cos libros. Nesta ocasión queremos ademais facer noso un cartel que El Patito Editorial difundiu xa hai uns anos nun día coma hoxe para reivindicar a banda deseñada, coa que tanto estamos a aprender e a gozar neste curso.
Só un libro é o título do texto co que a narradora, escritora e actriz Paula Carballeira, que tan ben coñecemos e queremos no noso cole, agasallou ás bibliotecas escolares galegas neste 23 de abril. Un ano máis a Asesoría de Bibliotecas Escolares enviou ás bibliotecas do Plambe uns marcapáxinas cun texto orixinal dunha autora galega para celebrar o Día do Libro.
Desde a BBS queremos agradecer á Asesoría de Biblioteca Escolares e a Paula Carballeira o seu fantástico agasallo, que hoxe compartiremos pola tarde nos actos centrais do mes do libros.

Premede aquí para ver e ler o marcapáxinas co texto de Paula.
Comentarios (2) - Categoría: Abril mes dos libros - Publicado o 23-04-2013 07:33
# Ligazón permanente a este artigo
Na BBS contamos tod@s. El pez Arcoiris
El pez Arcoiris de Marcos Pfister publicado pola editorial Beascoa nadou ata a BBS o venres pasado. É un libro especial polas fermosas e coloridas ilustracións, porque conta unha historia que pon en valor a xenerosidade e a amistade e porque nolo contaron en familia: Irene, Conchi e César. Foi unha boa escolla e unha boísima maneira de contar un conto.

GRACIÑAS AOS TRES!


Comentarios (2) - Categoría: Abril mes dos libros - Publicado o 16-04-2013 00:24
# Ligazón permanente a este artigo
Na BBS contamos tod@s. Biblioburro
Comezamos os contacontos de abril cunha historia de amor polos libros e a lectura, unha historia real que nos emociona e nos fai ver o sinxelas e marabillosas que poden ser as cousas se de verdade cremos no que facemos.
Yoli, a nai de Borja, escolleu esta historia para abrir os contacontos do Mes dos Libros no que queremos que, como o curso pasado, nos acompañen moitos país, nais, avós, avoas...Borja preparou o cartel e con Iván e Raúl anunciou o conto a primeira hora. E no recreo, Yoli, xa unha veterana na BBS, falounos dunha das bibliotecas máis fermosas do mundo.


GRAZAS YOLI!

Comentarios (0) - Categoría: Abril mes dos libros - Publicado o 11-04-2013 00:26
# Ligazón permanente a este artigo
Un mar de mulleres no Brea Segade

No mes dos libros poden pasar cousas marabillosas coma que o cadro artístico de Airiños veña á nosa escola a representar para nós "Un mar de mulleres". Pois sí, mañá pola tarde teremos a sorte de poder ver "na casa" a montaxe que prepararon e estrearon no mes de marzo en todas as parroquias de Rianxo, dentro da programación cultural organizada polo concello. Preparádevos para pasalo moi, moi ben e aprender, entre risas, un montón de cousas sobre as mulleres e o mar.
Comentarios (0) - Categoría: Abril mes dos libros - Publicado o 09-04-2013 23:59
# Ligazón permanente a este artigo
Segundo ciclo na Biblioteca Pública e no Museo de Manuel Antonio
O xoves pasado o alumnado de 3º e 4º visitou a Casa Museo de Manuel Antonio e a Biblioteca Pública Municipal Castelao. Calquera momento é bo para descubrir toda a riqueza cultural e literaria que temos en Rianxo, pero abril parécenos un mes ideal para encontarnos cos libros e a literatura fóra da nosa escola pero moi perto das nosas casas.
Nas dúas visitas aproveitaron para realizar actividades de busca documental e formación de usuarios no uso da biblioteca.
Grazas a Sofía e a Rebeca pola vosa atención e implicación na visita, así dá gusto!


Entrade no blogue de segundo ciclo para ver a reportaxe completa da visita.



Comentarios (2) - Categoría: Abril mes dos libros - Publicado o 07-04-2013 13:45
# Ligazón permanente a este artigo
2 de abril

Hoxe é o Día Internacional do Libro Infantil e Xuvenil. Como todos os anos, desde 1967, o IBBY, que é un gabinete internacional para a promoción da literatura infantil e xuvenil, celebra este día coincidindo coa data do nacemento do escritor Hans Christian Andersen. Cada ano un país elabora un cartel e unha mensaxe que se divulga en todo o mundo para poñer de manifesto a importancia de que os nenos e nenas medren acompañados de boas lecturas. Este ano a escritora mexicano-norteamericana Pat Mora elaborou o texto e o escritor e ilustrador Ashely Bryan deseñou o cartel.


FELIZ DÍA DO LIBRO INFANTIL E XUVENIL

MENSAXE DO DÍA INTERNACIONAL
DO LIBRO INFANTIL 2013


Lemos xuntos, ti e eu.
Vemos que as letras forman palabras
e as palabras convértense en libros
que estreitamos nas nosas mans.


Oímos murmurios
e ríos bulliciosos nas súas páxinas,
osos que cantan
graciosas melodías á lúa.


Entramos en misteriosos castelos
e das nosas mans soben ata as nubes
árbores florecidas.
Vemos nenas valentes que voan
e nenos que atrapan as estrelas.


Lemos xuntos. Ti e eu, dando voltas e voltas,
percorrendo o mundo coa alegría nos libros.




Poema de Pat Mora
Tradución de Concha Blanco

Comentarios (0) - Categoría: Abril mes dos libros - Publicado o 02-04-2013 00:06
# Ligazón permanente a este artigo
Tod@s contamos
From Tod@s contamos
Comentarios (1) - Categoría: Abril mes dos libros - Publicado o 14-05-2012 17:32
# Ligazón permanente a este artigo
© by Abertal



Contador gratis



As imaxes que publicamos neste blogue teñen un uso educativo. Se estiveran suxeitas a dereitos de autor/a, facédenolo saber, para poder retiralas axiña. Grazas