biblioteca brea segade


Blogue da Biblioteca Brea Segade de Taragoña.

Plan de Mellora de Bibliotecas Escolares de Galicia




PREMIO BIBLIOTECAS ESCOLARES





























Libriño
breasegade@yahoo.es
 CATEGORÍAS
 BIBLIOGALERÍA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Na BBS contamos tod@s: Chelo e Andrea
Hoxe rematamos abril contando contos en familia, que mellor maneira! Andrea e a súa avoa, Chelo, leronnos A cociñeira do rei de Soledad Felloza e Sandra de la Prada.
Mencia, quen acabará sendo a cociñeira do rei, ten o segredo para unha boa dieta: o ben feito sempre é de proveito, pero se ademais, é aderezado con ilusión, agarimo e alegría, difícilmente pode saír mal. Fermosos ingredientes para calquera receita na cociña, na escola, na biblioteca...na vida.


Un bo conto sempre é de proveito pero se ademais é contado con ilusión, agarimo e alegría por unha avoa e unha neta, o resultado é unha marabilla, como a que presenciamos hoxe no recreo na BBS.

Graciñas Chelo, graciñas Andrea!

Comentarios (0) - Categoría: Abril mes dos libros - Publicado o 30-04-2015 22:17
# Ligazón permanente a este artigo
Nós, lemos e ti?

Ao longo do mes de abril na entrada do cole, xusto en fronte da biblioteca, foron aparecendo fotos e textos que falan da lectura e dos nosos libros favoritos.
Nós lemos, é ti? é o título da exposición que a BBS organizou este curso para conmemorar o mes dos libros. A idea partiu da convocatoria da OEPLI (Organización española para o libro infantil e xuvenil) e a súa sección galega Galix, para o 2 de abril, na que participaron varias clases do centro. Como xa é habitual pedimos a colaboración das familias e como sempre, as familias colaborastes, graciñas!
Aquí temos algunhas imaxes do que podedes ver na exposición, cando a recollamos elaboraremos un libro dixital para que poidades vela con maior detenemento.






































Comentarios (0) - Categoría: Abril mes dos libros - Publicado o 30-04-2015 22:10
# Ligazón permanente a este artigo
Na BBS contamos tod@s: Yoli e Tíffani
A BBS segue enchéndose de contos cada recreo neste mes de abril. Desta vez foron Tíffani e a súa nai, Yoli. Escolleron un dos contos favoritos de Tíffani, Verlioka de Patacrúa e Magicomora. Como non lle vai gustar? É unha historia acumulativa na que unha serie de personaxes axudan a un avó a darlle unha lección moi divertida a un xigante abusón.
Graciñas, Tíffani, graciñas Yoli! Foi unha gozada vervos e escoitarvos ás dúas contar o conto man a man.

Comentarios (2) - Categoría: Abril mes dos libros - Publicado o 30-04-2015 01:23
# Ligazón permanente a este artigo
Os nosos libros xigantes
Xa temos na entrada da biblioteca os catro libros xigantes cheos dos protagonistas que vos imaxinastes e deseñastes o día 23. Montámolos en tempo record grazas ás axudantas de biblioteca que se puxeron mans á obra co pegamento.
Quedaron chulísimos! Están cheos de personaxes de: Contos de medo, Contos de aventuras, Contos de humor e Contos de Ciencia Ficción.A gora temos que ir enchéndoos tamén de contos de cada un dos xéneros. Animádesvos?








































Comentarios (0) - Categoría: Abril mes dos libros - Publicado o 30-04-2015 01:22
# Ligazón permanente a este artigo
Paco Papán
Os nenos e nenas de 2º prepararon para a última semana do mes dos libros un conto dramatizado. Era a primeira vez que contaban todos xunt@s un conto nos recreos da BBS e fixérono de marabilla. Escolleron Paco Papán de Patacrúa e Evelyn Daviddi, unha divertida historia sobre un rapaz un pouco pasmón que nos fixo sorrir e ... rir. Repartiron personaxes, trouxeron decorados, practicaron diálogos... Traballaron un montón e ben que se notou!



Graciñas 2º, encantounos!


Temos un agasallo para vós. Mirade que versión máis chula da canción de Almundena Janeiro atopamos.


Comentarios (1) - Categoría: Abril mes dos libros - Publicado o 30-04-2015 01:12
# Ligazón permanente a este artigo
Día do Libro na BBS
Aquí tedes a reportaxe en imaxes do que foi o Día do Libro no Brea Segade. Ben se ve que foi un día fermoso no que compartimos contos, deseños, conversas... Noraboa a tod@s por facer posible que resultara así de ben.



Comentarios (6) - Categoría: Abril mes dos libros - Publicado o 27-04-2015 23:57
# Ligazón permanente a este artigo
Apadriñamento lector: preparativos
Os padriños e madriñas (4º,5º e 6º) escolleron os contos para os seus afillad@s, practicaron a lectura e deseñaron e elaboraron postais para felicitar o Día do Libro aos nenos e nenas de 3º, 2º e 1º. Moito traballo e moitas ganas de facelo ben para ter un bo agasallo para os afillados/as.


Comentarios (0) - Categoría: Abril mes dos libros - Publicado o 27-04-2015 23:56
# Ligazón permanente a este artigo
DÍA MUNDIAL DO LIBRO






FELIZ DÍA DO LIBRO!
BBS
Comentarios (0) - Categoría: Abril mes dos libros - Publicado o 23-04-2015 00:00
# Ligazón permanente a este artigo
Na BBS contamos tod@s: Antonio e Héctor
As familias seguen enchendo a BBS de contos para celebrar o mes dos libros. Dá gusto!
Hoxe foron Héctor e o seu pai, Antonio. Trouxeron un libro que non temos na biblioteca "Cuentos para soñar" da editorial Susaeta e escolleron un dos relatos "El último juguete".

Grazas Antonio e Héctor!



Comentarios (0) - Categoría: Abril mes dos libros - Publicado o 23-04-2015 00:00
# Ligazón permanente a este artigo
Na BBS contamos tod@s: Vero e Andrea
Hoxe estivo con nós Vero, a tía de Andrea. Entre as dúas contáronnos Ratalinda de Compostela de Bernardino Graña. É un conto rimado que xa é un clásico da literatura infantil en galego e que cada vez que o escoitamos nos gusta máis; sobre todo hoxe con dúas contadoras de primeira. Vero nunca contara contos na BBS pero seguro, seguro, que ha volver.

Graciñas, Vero e Andrea!




Comentarios (0) - Categoría: Abril mes dos libros - Publicado o 20-04-2015 23:50
# Ligazón permanente a este artigo
Na BBS contamos tod@s: Esther e Abel
Esther e Abel comezaron cos contacontos das familias do mes de abril. Trouxéronos á BBS un cadeliño fedello e moi curriño que sempre nos fai sorrir: Tento.
Foi a primeira experiencia de Abel como contador na BBS e fíxoo de marabilla, desde que anunciou o conto pola mañá co seu amigo Froilán ata que o leu coa súa nai, Esther.

Graciñas Esther e Abel!



Comentarios (1) - Categoría: Abril mes dos libros - Publicado o 20-04-2015 00:02
# Ligazón permanente a este artigo
1º e 2º en Rianxo
O venres chegou o momento de visitar Rianxo 1º e 2º. Para eles o destino foi a Biblioteca e Museo do Mar.
Os de 1º atopáronse con algúns libros que tiñan marcas de dentadas! Sofía axudoulles a solucionar o misterio léndolle O incrible neno devorador de libros, pero en canto coñeceron a ese neno a tod@s lles entraron unhas ganas terribles de "devorar" o seu libro favorito.
Os de 2º, recén chegados do Museo do Mar, onde fixeran con Quique un xogo cun taboleiro xigante da Ría de Arousa, descubriron que hai tempo chegara unha balea a Rianxo.

Graciñas, Quique e Sofía, por axudarnos a aprender tanto pasándoo tan ben.

Comentarios (0) - Categoría: Abril mes dos libros - Publicado o 12-04-2015 22:30
# Ligazón permanente a este artigo
5º e 6º na Biblioteca Pública Municipal Castelao
O pai do Migueliño de Cousas de Castelao, foi o relato que escoitaron os rapaces e rapazas de 5º e 6º despois de visitar da man de Sofía as diferentes seccións da biblioteca. O retrato que miraba Migueliño serviu para achegarnos ao mundo da fotografía. En grupos tivemos que identificar e emparellar fotografías de diferentes lugares da vila de Rianxo fotografados desde distintos ángulos e en diferentes momentos do día. Precisamos as nosas dotes de observación e moita concentración, pero parece que demos resolto; quédanos pendente comprobalo nunha visita a Rianxo que 5º e 6º volverá facer dentro duns días.
Rematamos entre libros, folleando, lendo, escollendo futuras lecturas... non podía ser doutro xeito.
Graciñas, Sofía! Encantounos!


Comentarios (0) - Categoría: Abril mes dos libros - Publicado o 12-04-2015 22:29
# Ligazón permanente a este artigo
3º e 4º en Rianxo
O mércores día 8, 3º e 4º estrearon a primeira das actividades do Mes dos libros deste curso. Durante tres mañás, en quendas, desprazámonos a Rianxo para visitar a Biblioteca Pública Municipal Castelao e algúns dos museos que hai na capital do noso municipio.
Cada curso realizou diferentes actividades na BPM.
Os de terceiro e cuato atoparon na entrada da biblio unhas baleas e un libro de Rafael Dieste, "Dos arquivos do trasno". Un dos relatos dese libro, "De como veu a Rianxo unha balea" foi o fío condutor da actividade. Un feito tan extraordinario ben merecía ser recollido nun xornal e ese foi o cometido dos rapaces de 3º e 4º escribir titulares e pés de fotos, "debuxar as fotos" e redactar a nova.
Por suposto, tamén houbo tempo para follear libros e coñecer mellor o que a biblioteca nos oferta coa axuda de Sofía.
A Casa Museo de Manuel Antonio foi a segunda visita de 3º e 4º. Rebeca foi a encargada de guiarnos e achegarnos a figura do poeta rianxeiro.


Graciñas Sofía e Rebeca!




Comentarios (0) - Categoría: Abril mes dos libros - Publicado o 12-04-2015 22:29
# Ligazón permanente a este artigo
Abril 2015
Co novo trimestre comezamos as actividades do Mes dos Libros. O primeiro, implicar ás familias e convidalas a participar con nós nalgunhas das actividades.

Abril mes dos libros: Familias

Comentarios (0) - Categoría: Abril mes dos libros - Publicado o 12-04-2015 22:07
# Ligazón permanente a este artigo
© by Abertal



Contador gratis



As imaxes que publicamos neste blogue teñen un uso educativo. Se estiveran suxeitas a dereitos de autor/a, facédenolo saber, para poder retiralas axiña. Grazas