| Caderno Dixital de Antón Tenreiro |
|
| Caderno digital de Antón de Guizán . |
|
|
| O meu perfil |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| De Samarugo |
|
XXX ROMARIA LABREGA DA CHAIRA
30 anos se leva celebrando a Romaria Labrega da Chaira, 32 anos dende a sua creación si contamos os dous da pandemia nos que non se celebrou. Son moitos anos de celebración e reivindicación das nosas tradicións e da nosa etnografia e na parroquia do poeta Xosé María Diaz Castro, que non chegou a disfrutala pero ao que honraron en numerosos pregóns figuras como Marica Campo, Xulio Xiz, Segundo Pérez ou Felipe Senén entre outros moitos e que de seguro este ano terá tamén a sua mención nas verbas de Manolo Cachan, o flamante pregoeiro desta edición, ex presidente do IESCH Instituto de Estudos Chairegos, unha entidade tan necesaria como modélica. As xuntanzas familiares, os traballos agrícolas, a festa e a cultura tiveron inicialmente nas Reixas e despois na carballeira do Cancelo ao longo de tres décadas unha celebración única e singular, unha demostración de orgullo do que somos e de onde vimos. Aínda que a romaria foi prescindindo co paso do tempo da exibición de algunhas actividades do pasado, sigue a manter o interés con outras divertidas propostas que foi incorporando.
Na primeira edición, o grande poeta da Terra Chá Manuel Maria inaugurou unha exposición de fotos antigas e fixo alí unha encomenda a Pastora Veres que deu como resultado o fermoso traballo antropolóxico «Lareira de soños» de Pastora Veres, outra das filhas destacadas dos Vilares, tamén creadora con con outrXs vilaregXs desta romaria. Este traballo, é dalgunha maneira, producto daquelas primeiras edicións nas que a convivencia, os traballos comunais, os ofícios, e a historia viva dos habitantes dos Vilares inspiraron e motivaron a Pas Veres a recoller nun libro as vivencias, traballos, sofrimento e alegrias dos verdadeiros protagonistas do noso pasado, as xentes anónimas que tamén axudaron a manter ano tras ano esta exaltación do noso rural.
Animadevos, pois, a participar os vindeiros dias 12 e 13 de agosto da XXX Romaria Labrega da Chaira, esa lareira de soños, esa lareira de todXs.
Antón de Guizán
|
|
|
|
|
|
|
