de Guizán


Caderno Dixital de Antón Tenreiro
Caderno digital de Antón de Guizán .

O meu perfil
antontenreiro@gmail.com
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

RAUL RIO, UN BÓ E XENEROSO.
Neste ano de Pondal, dese Ponteceso que nos agasallou aos chairegos con Alfonso Blanco Torrado, a Asociación Sociocultural Lareira de soños dos Vilares, ten decidido adicarlle a quinta edición do seu premio TRAPEIRO DE HONRA ao vilarego Raúl de Río.

Raúl é desas persoas silenciosas, que paseniñamente van tecendo co seu traballo unha labor da que non reclaman recoñecemento, pero que é necesária e mesmo imprescindíble. Raúl, ese amante da súa terra que como milleiros tivo que coller o camiño da emigración, levou con él a Euskadi, Galiza enteira e especialmente eses anacos que ten no núcleo do seu corazón: A Terra Chá do seu querido Manuel María, Guitiriz de Xermolos e os Vilares do seu amigo Díaz Castro. O pasado ano, Raúl foi distinguido tamén coa navalliña de Manuel María, ao que tanto apreciaba, acompañado de familiares e amigos que valoran o seu exemplo de amor e dedicación ao nóso aló onde se atope. Amante da cultura e das artes, ten realizado diversos e relevantes traballos escultóricos, artigos, pinturas e as súas cámaras recolleron ao longo dos anos importantes documentos fotográficos e audiovisuais de grande valor histórico. Pero detrás dese compromiso hai, sobre todo, un home "bó e xeneroso" ao que desta volta tamén os seus veciños poñen de exemplo con ese nomeamento deTrapeiro de Honra co que acompañará na memoria dos Vilares a Díaz Castro, a Romaría Labrega, Pepe de Cristos e Asunción dos Ares, testemuñas e protagonistas con Raúl Río da história que eles mesmo escriben con letras de ouro. Nos Vilares, somos debedores de Raúl e non se paga con este recoñecemento tanto amor pola parroquia, apenas o nóso agradecemento e o cariño colectivo da súa tribu de orixe, que ben gañado o ten.

De seguro, o seu amigo Pepe do Vilariño estará feliz con este recoñecento, e con él, numerosos amigos e veciños.

Galiza precisa moitos Raúl Río.
Categoría: Xeral - Publicado o 03-04-2018 06:33
# Ligazón permanente a este artigo
ENTRAR AOS VILARES EN GUITIRIZ DA MAN DE XERMOLOS
O documental Entrar aos Vilares, dirixido por Cibrán Tenreiro e producido pola Asociación Socio-Cultural lareira de soños dos Vilares será proxectado o vindeiro 29 de Marzo ás 19:00 na Casa das Palabras de Guitiriz nun acto organizado pola A.C. XERMOLOS.
Despois dun ano da súa estrea nos Vilares e con médio cento de proxeccións por toda Galicia, onde ademáis foi finalista da #12MICE (Mostra Internacional de Cinema Etnográfico) en tres modalidades, retoma as proxeccións para despois de estrear se a finais de mes en Guitiriz proxectarase En Abril en Santaballa, en maio em Paderne e en Xunio na parróquia da Xesta en Lalín. Ao remate da proxección en Guitiriz, haberá um colóquio da equipa de rodaxe co público asistente. A entrada é de balde.


#Entraraosvilares SINOPSE:

Tres mozos entran a unha parroquia de Guitiriz que descoñecen co encargo de realizar un documental sobre ela. Entón:

1) Preguntan aos veciños tentando comprender a identidade do lugar seguindo unha cita de Charles Seignobos que leron na universidade: ?Lamento non ter podido tratar máis que dunha maneira moi incompleta os feitos da vida cotiá, alimentación, vestido, habitación, usos de familia, dereito privado, diversións, relacións de sociedade, que constituíron o principal interese da vida para a enorme maioría de individuos?.

2) Tentan vincular o que aprenden á súa propia identidade e ás súas propias experiencias, sendo da primeira xeración das súas familias que non naceu na aldea. E cuestionan o resultado: non queren dar outra visión nostálxica do rural pero non teñen claro se o conseguen.

3) Pasean por leiras e casas abandonadas, xogan, distraense mirando aos animais e desvíanse das súas propias intencións como se estiveran facendo un vídeo doméstico.

Cibrán Tenreiro, director de Entrar aos Vilares, gañador do I Premio María Luz Morales da Academia Galega do Audiovisual polo ensaio Equilíbrios Precários arredor da escena audiovisual Underground Galega.

#Entraraosvilares finalista na 12 MICE

ENTRAR AOS VILARES NA MICE
12MICE, Mostra Internacional de Cinema Etnográfico Museo do Pobo Galego.
O xurado de preselección escolleu, de entre todos os inscritos, quince filmes para optar ao premio á Mellor Película entre elas a galega Entrar aos Vilares nesta edición da MICE ademáis de optar ao prêmio do público. Tres traballos optan ademais ao galardón especial para as producións galegas: Entrar aos Vilares, O Moredo. A resistencia do Entroido Ribeirao e Esquece Monelos.
Ademais da sección competitiva e da colaboración habitual con Espiello, Festival Internacional de Documental Etnográfico de Sobrarbe, a MICE contou este ano con dúas seccións máis e unha mesa redonda con profesionais do audiovisual e a antropoloxía sobre a relación entre o cinema e a etnografía.
A 12MICE celebrouse entre o 29 de maio e o 3 de xuño do pasado ano.
Categoría: Xeral - Publicado o 16-03-2018 19:26
# Ligazón permanente a este artigo
A NPG, Nova Poesía Guitirica, unha realidade
No nacemento da NPG (outubro de 2015 na igrexa dos Vilares)O que naceu hai pouco máis de dous anos como unha iniciativa puntual para homenaxear a Díaz Castro polos 25 anos do seu pasamento e bautizada por Armando Requeixo como Nova Poesía Guitirica nun fermoso manifesto, tense convertido nunha realidade que mesmo traspasa os límites de Guitiriz e da Chaira. Posiblemente sexa o movimento poético máis activo da província e dos máis dinámicos de Galiza á marxe das actividades institucionais. Daquel grupo inicial de oito poetas pasouse a superar os 15 e nas súas actividades son centos os poetas do país e mesmo de Portugal que participan. Co xa imprescindíbel soporte dixital Culturalia GZ levan editado numerosas publicacións virtuais e convocado exitosos certames como as VILARIÑAS ou os POEMAS PENDURADOS DE FAROLAS, que contan cada edición como exito, ademáis de promover recitais en diferentes lugares e participar en outros eventos e publicacións nos que son reclamados. Nas súas redes sociais, ferven poemas cada día e outras artes e xéneros están a enriquecer as súas propostas para o futuro nunha bonita simbiose entre poesía, arte e cultura que promete fermosas iniciativas. A clave, alonxados de coberturas institucionais, é o factor humano, a amizade e camaradería xerada desde os versos e unha visión humanista e comprometida da sociedade afastada de presións, manipulacións e condicionantes, libre e aberta, como debe ser. Este movimento poético baixo o paraugas de Díaz Castro, que non para de medrar, só ten parangón naquel Batallón Literario da Costa da Morte hoxe desaparecido, pero que deixou daqueles mozos grandes poetas actuais. Grandes nomes da poesía galega actual teñen parabenizado o seu traballo de impulso e promoción da poesía de base, o seu activismo cultural e a súa vitalidade desde unha parroquia na comarca máis poética de Galiza na que ademáis de grandes poetas, polas súas augas flúe un pulso de versos rexo como as pedras e suave como as herbas. Con Díaz Castro sempre de referéncia en todo canto promove, a Nova Poesía Guitirica faise grande porque valora, coida e cré nas cousas pequenas. Ese forno artesá colectivo sigue a quentar co lume desta Lareira de soños da na que se quentan novos proxectos que suman a esa inesgotábel producción de estrofas e bardos que é a Terra Chá con outras terras irmás.
A casa de Díaz Castro que tenta Xermolos recuperar, debera ser tamén no futuro a casa deste movimento poético xurdido desas pedras para andar camiños co espírito trapeiro vilarego que como a NPG sairon ás corredoras máis recónditas a cambiar artículos de primeira necesidade por humildes trapos hoxe, poesía por un anaco de felicidade e compromiso. Agardemos ver tamén ese soño cumprido e que a Casa da Xente remate chea de poesía, chea de vida.
Longa vida á Nova Poesía Guitirica!


*Artigo para a seccion Andando a Chaira do Suplemento A Chaira de El Progreso.
Categoría: Xeral - Publicado o 02-03-2018 10:25
# Ligazón permanente a este artigo
O DIA DE ROSALIA TAMÉN NA CHAIRA
O 24 de febreiro, no que se comemora o "Día de Rosalia" coincidindo coa data do seu nacemento no ano 1837, a NPG Nova Poesía Guitirica (como non) CULTURALIA GZ e a Liga Santaballesa organizan un acto poético musical na Escola Habaneira de Santaballa ás 19:00 con entrada de balde. O acto enmarcase no programa de actos da Asociacion de Escritores en Lingua Galega AELG que se desenvolverá por todo o país baixo o lema #AbrideAFiestra e con un manifesto redactado pola escritora María Reimondez e que será lido en Santaballa por unha nena da parróquia vilalbesa. No recital poético de mulleres que estará presentado por Pas Veres, recitarán entre outras, Pilar Maseda, Emília Martínez Fuentes, Luz Atirado, Adolfina Mesa, Mar Beres, Luz Darriba, María Pereira, e outras poetas da NPG e convidadas. Despois da actuación musical, faraste unha lectura de textos de Rosalia aberta á participación do público.
A escolla da Escola da Liga Santaballesa ten o simbolismo da poesía adicados á emigración por Rosalia de Castro e a reivindicación do legado da emigración na aposta pola educación como instrumento para sair do atraso.
A Chaira, un ano máis honra a Rosalia de Castro, a nosa pieta máis universal de de o rural e nun lugar emblemático: A Escola da Liga Santaballesa.
Categoría: Xeral - Publicado o 05-02-2018 07:54
# Ligazón permanente a este artigo
A ESCOLA HABANEIRA DA CONCHADA DEBE SER RESTAURADA
Depois do acordo parlamentar para recuperar os frescos da igrexa do Século XVI, urxente acometer a posta em valor da escola Habaneira da Conchada nos Vilares.

A Asociación Socio-Cultural lareira de soños dos Vilares enviará um escrito aos grupos municipais do Concello de Guitiriz e aos grupos políticos da Deputación Provincial para reclamar o compromiso de todas formas de cara ao vindeiro mandato para acometer a reforma e posta en valor dun inmoble que cumprirá cen anos em 2023 e que foi levantado coa aportación dos emigrantes ao igual que outras escolas indianas en moitas parroquias de Lugo. Non hai mellor homenaxe a aqueles promotores da cultura desde a emigración que recuperar para uso social aquelas escolas. A escola Habaneira da Conchada nos Vilares foi protagonista dun libro do actual Deán da catedral de Compostela e ex párroco dos Vilares, Segundo Pérez. A mellora da habitabilidade, accesos, illamentos e calefacción, así como a dotación para o seu uso sócio cultural con mobiliário e equipamentos acaídos deben ser asumidos polos grupos municipais no seu programa e incluir proxecto e dotación económica para o mesmo, a reforma e a dotación de mobiliário e equipamentos.
A revitalización do rural non pode quedar em meras palabras e intencións senón tamén en dotacións que incentiven a participación social e a calidade de vida. Dotar ao rural con centros sociais dotados coas últimas tecnoloxías, habitables e funcionais é fundamental dada a actual situación de envellecimento e despovoamento. Si ademais desto falamos de património público e con tal carga histórica para a parroquia, que veu pasar a centos de veciños para aprender as primeiras letras entre as suas paredes, entre elas o poeta Diaz Castro, o compromiso de intervención e mellora, está mais que xustificado. Para esto, a Asociación Socio-Cultural lareira de soños elaborará um informe que fará chegar às diferentes formas políticas, coas que ademais solicitará reunións nas que de paso pmantexar outros asuntos relacionados coa parroquia.
Categoría: Xeral - Publicado o 23-01-2018 19:49
# Ligazón permanente a este artigo
Os frescos de Labrada e Os Vilares no Parlamento Galego
OS FRESCOS DAS IGREXAS DOS VILARES E LABRADA AO PARLAMENTO GALEGO.

.

Unha delegación do Bloque Nacionalista Galego con Olalla Rodil á cabeza visitou esta mañá as igrexas de San Vicenzo dos Vilares e Santa Maria de Labrada para coñecer "in situ" o estado das pinturas renascentistas de cinco séculos de antiguidade.
A delegación de cargos nacionalistas na que tamén estivo o portavoz local de Guitiriz estivo acompañada polo presidente da Asociacion Socio-Cultural Lareira de soños (promotora da iniciativa), Antón de Guizán e o vilarego Raúl Río que informaron á deputada da situación de risco de desaparición destas importantes pinturas murais que despois de tres anos demandando a súa reatauración ás diferentes administracións, estas (Deputación, Xunta e Concello) non foron quenes de actuar para evitar a súa degradación e perigo de desaparición definitiva. Será Olalla Rodil na Comisión de Cultura do Parlamento Galego a que demande unha urxente actuación, sobre todo nas pinturas dos Vilares pola situación de degradación e risco de desaparición irreversíbel das mesmas, dá autoría do mestre de Larga no S.XVI.
Agradecemos ao BNG o interese amosado poľa recuperación destas coisas do noso património e pola implicación no coñecemento. Xusto um dia antes da Comisión de Cultura do Parlamento Galego, coincidindo coa visita de Olalla Rodil a Os Vilares e Labrada co motivo de ver os frescos das igrexas, PP e PSOE presentar emendas á iniciativa do Bloque a instancias da Lareira de soños para propor unha negociación a três bandas entre Arzobispado, Xunta e Deputación para abordar o asunto da reatauración destas pinturas de 500 anos de antiguidade. Tres anos perdidos a pesares da nosa insistencia, reunións, visitas, proxectos... e 25 anos perdidos desde o seu descubremento. Os frescos dos Vilares corrente sério perigo e deve ser urxente a súa reatauración, xa o fizemos hai tres anos. Mágoa ver que só con presión se atende o património. Danos igual o que pacten e quen os restaure e cal sexta a fórmula de cooperación, quen leve os méritos e quen leve as culpas, pero cada ano que pasa corre na contra. Apuren, señor@s dos governos galego, provincial e arzobispado!
Categoría: Xeral - Publicado o 17-01-2018 21:33
# Ligazón permanente a este artigo
RAUL RIO, TRAPEIRO DE HONRA 2018
A Asociación Sociocultural Lareira de Soños vén de decidir que Raúl Río Díaz sexa distinguido co Premio Trapeiro de Honra 2018 na súa quinta edición como vilarego exemplar, sumándose así a Xosé María Díaz Castro, a Romaría Labrega da Chaira, Pepe de Cristos e Asunción dos Ares, galardoados nas anteriores edicións. Raúl, distinguido tamén no 2016 coa Navalliña de Manuel María, é un grande activista da nosa cultura e un home comprometido, amante das artes e das letras e un dos principais embaixadores de Diaz Castro e dos Vilares. Grande coñecedor da historia da parroquia, ademais de permanente colaborador de iniciativas culturais e políticas na Terra Chá e en Euskadi. Fachendoso das súas orixes, non perde a oportunidade de organizar en Euskadi, a súa segunda patria, actividades e eventos relacionados con Guitiriz e Os Vilares. Socio fundador da Asociación Sociocultural Lareira de Soños dos Vilares, a decisión unánime da propia asociación evidencia o cariño e recoñecemento xeral da veciñanza a este vilarego, obreiro, escultor, pintor, documentalista, fotógrafo, escritor e sobre todo grande persoa, e con grandes valores humanos.

A figura de Raúl personaliza neste premio a homenaxe aos emigrantes daqueles anos 60 e 70 que se viron obrigados a sair a gañarse a vida polas dificultades de tempos escuros do franquismo abandonando o rural para buscar o sustento en zonas industrializadas; pero tamén a tódolos loitadores comprometidos coas súas orixes e coa súa cultura. Un premio que agradece a Raúl e á multitude de traballadores o seu amor pola patria e polo rural chairego e galego.O acto de entrega da V edición do Prémio Trapeiro de Honra ao vilarego Raul Rio, designado para este ano 2018. Na figura de Raúl simbolizamos a todos aqueles emigrantes que tiveron que marchar para sacar adiante as suas vidas pero que nunca abandonaron as suas raíces. No caso de Raúl, perfeitamente integrado na sociedade que o acolleu, é o perfecto exemplo de conexión entre ambas culturas. Os Vilares rinde asi tributo a un dos seus fillos mais comprometidos, co seu amigo o poeta Diaz Castro, coas súas xentes e história locais e con Galiza en xeral. Un acto que se celebrará na igrexa parroquial de San Vicenzo dos Vilares, o seu lugar de nacencia, coa presenza de numerosos amigos e veciños. Será o sábado 7 de Abril ás 18:00. Agardamosvos!!!

Categoría: Xeral - Publicado o 16-01-2018 09:12
# Ligazón permanente a este artigo
#CertameVilariñas2018
O sábado pechamos #PoemasPenduradosDeFarolas /LUMES NUNCA MÁIS! deste ano é o luns abrimos a convocatoria do
#CertameVilariñas de micro poesía 2018 (II edición), abaixo, as bases para este ano...
«VILARIÑAS» Concurso de micropoemas da NPG Nova Poesía Guitirica, CulturaliaGZ e Asociación Sociocultural Lareira de soños.

BASES.

Convocase o II Concurso de micropoesías ?Vilariñas" no que poden participar todos @s escritores/as que queiran.
A participación neste concurso é completamente de balde.
Os micropoemas presentados ao concurso serán inéditos, orixinais e non premiados nin publicados. Os autores son responsables tanto deste punto como da autenticidade dos seus propios datos.
O tema será ?Libre?. Cada participante podrá enviar un máximo de dous micropoemas que deben estar escritos en GALEGO en calquera das normativas, e presentarase ao concurso a través do correo electrónico
dosvilares@gmail.com ou info@culturaliagz.com en formato Word

Os micropoemas terán una extensión mínima de 2 versos e máxima de 3 versos sen incluir o título. Cada poeta poderá presentar un máximo de dous micropoemas a concurso e cada un deles serán xulgados individualizadamente e por separado. Cada micropoema debe ser apresentado por separado. Poderán cada un deles ir acompañado de imaxe si así l🏔️ quixera @ autor/a.
Admitiranse obras desde o 15 de xaneiro até o día 30 de abril de 2018 , ás 23.59 horas.
A organización do concurso reservase o dereito a eliminar aqueles micropoemas que podan ir en contra da protección da infancia, do respeto, ou induzan ou promovan actos delictivos, denigratorios ou violentos en cualquera das súas formas.
O xurado terá en conta a orixinalidade, técnicas empregadas, calidade e contenido do poema. O xurado estará composto por poetas da NPG Nova Poesía Guitirica. O fallo do xurado será inapelable e farase público a través dos distintos soportes dixitais de Os Vilares, lareira de soños, CulturaliaGZ e da NPG Nova Poesía Guitirica nas duas semanas posteriores ao peche do concurso.
Entre os micropoemas participantes, seleccionaránse os mellores que poderán integrar unha antoloxía, e entre eles escollerase aos gañadores co premio que consistirá no trofeo deseño exclusivo da artista Viki Rivadulla e edición das obraspresentadas no blog poético literário CulturaliaGZ. A edición da antoloxía do blogue poético será segundo criterio da NPG Nova Poesía Guitirica CulturaliaGZ e Os Vilares, lareira de soños. Farase un acto poético público cos premiados e poetas convidados.
Polo feito de participar, os premiados autorizan a NPG Nova Poesía Guitirica e á Lareira de soños a editalos nos soportes fisicos que considere oportunos.
Categoría: Xeral - Publicado o 10-01-2018 12:31
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0