|
|
|
|
|
|
| DQL: dalleQlibras (o sitio é pequeno, pero libramos) |
|
Nace en Oleiros a primeira empresa galega especializada en produción de eventos multimedia, monumentais e de grande formato.
Este xoves, 11 de febreiro, ás 19.15 horas, o Castelo de Santa Cruz (Oleiros) acolle a gala de presentación deste novo proxecto empresarial, que contará con diversas performances artísticas, música en directo e un cóctel para as persoas asistentes. Representantes galegos do mundo da cultura, do tecido empresarial e das institucións participarán neste acto acompañando aos responsables de dalleqlibras, que nace en Galicia con vocación internacional, sen medo a competir nun mercado global con produtos de identidade galega modernos e espectaculares, únicos e creativos.
Na gala proxectarase un audiovisual da empresa, realizarase un espectáculo aéreo coa trapecista Sue Moreno, haberá un cóctel ambientado polo dúo de Jazz formado por Simón García e Roberto Beceiro, e unha performance exlusiva de danza co grupo Entrecaixas. Todo acompañado de espectaculares xogos de luces en pantalla ecolóxica de Led´s de última xeración, efectos de iluminación en láser e novas tecnoloxías.
DQL convértese así na primeira empresa galega que é quen de organizar, producir e xestionar xigantescas proxeccións arquitectónicas, en láser, en 3D e impresionantes cortinas de auga acompañadas de creacións artísticas e sons deseñados especificamente para cada evento. Aplicamos as novas tecnoloxías multimedia de imaxe e son aos espectáculos e, ao mesmo tempo, poñémolos en valor desde a nosa propia identidade.
Facemos real o incríbel, facemos visíbel o imaxinario.
www.dalleqlibras.com
dalleqlibras@dalleqlibras.com |
|
|
|
|
| CONSORCIO 2010: CERO EUROS PARA INVESTIMENTO |
|
 Celebrouse o pasado Venres pola mañán a asamblea xeral do Consorcio Galego de Servizos de Igualdade e Benestar, na que se aprobaron os orzamentos para este ano cos votos favorábles do PP e co voto en contra dos alcaldes de PSOE e BNG.
Capítulo de investimentos: 0 (cero) euros, o que supón que ningún novo centro de día, ningunha oficina de I+B, ningún novo centro Quérote, ningunha Galescola... nada de nada.
Un alcaldde comentou que si se lle ocurrira a él aprobar un orzamento sen investimento no seu concello, teríano corrido a gorrazos...
Convén lembrar agora a promesa electoral de Feijoo na pasada campaña: "Todos os concellos de máis de 1.000 habitantes terán un centro de día".
Tamén é certo que non dixo cando...
|
|
|
|
|
| DAVID MECA 99.000€, EVA CASTRO 0 (CERO) EUROS |
|
 O xacobeo, como non hai cartos, só lle puido pagar 99.000 euros ao nadador catalán David meca por vir a montar un lamentábel espectáculo de bómitos nunha suposta ruta xacobea entre Vilagarcía e pontecesures.
Un grande acerto apostar por un deportista catalán, condenado por dopaxe, para un evento de promoción puntual de un só día e de unha máis que discutíbel repercusión mediática.
Mentras, numerosos deportistas galegos de elite lamentanse da falta de apoio da Xunta, e asisten a esta "antridada" do conselleiro Varela coa complicidade da secretaría xeral para o deporte que depende directamente do presidente Feijoo.
Eva Castro, muller deportista non profesional paro sen embargo medallista europea de BMX na modalidade de Four Cross queda sen os 12.000 euros que en anos precedentes lle permitiron a acudir ás probas da Copa do Mundo en catro continentes, acadando importantes éxitos e levando o nome de Galicia e do Xacobeo por canales de televisión e internet.
99.000€ pagados a un deportista de fora mentras se desprecia ao deporte galego, que para este goberno non debe merecer representar o propio País.
Non lles serve agora David Cal despois de telo utilizado politicamente contra o bipartito?, e os medallistas olímpicos Perucho ou Antón Paz? e o nadador recordman, e medallista Chano Rodríguez? e os triatletas Raña e Gómez Noya? e Teresa Portela, etc, etc?
Preparemonos porque o paseo de deportistas alleos para cobrar do xacobeo aínda non rematou; Gasol, casillas, Nadal e outros virán un día, cobrarán abultadas cifras e marcharán mentras os nosos siguen a agardar axudas como quen agarda limosna do seu goberno... esto é o que hai, que nos representen e se aproveiten de nós os de fora. |
|
|
|
|
| DQL: dalleQlibras!! servizos multimedia |
|
 DQL: dalleQlibras
Servizos Multimedia
Realizamos un estudo pormenorizado do evento a realizar, supervisamos o espazo onde se desenvolverá o espectáculo, documentámonos sobre o motivo da celebración e creamos un proxecto a medida con e para o cliente, valorando as técnicas a utilizar.
Proxeccións arquitectónicas
A utilización de proxectores de alta potencia permítenos transformar as fachadas de edificios e monumentos en pantallas xigantes, creando espectáculos audiovisuais que proxectan imaxes do noso pasado, presente e futuro, ou sinxelamente as transforman en grandes lenzos de cor.
Fontes cibernéticas programables
As coreografías acuáticas, danza da auga sincronizada coa música, os seus cambios de cor, proxeccións de vídeo sobre cortinas de auga, chorros de máis de 30 metros de altura, colectores con máis de vinte tipos diferentes de efectos,... En definitiva, a posibilidade de gozar dun grande espectáculo acuático en calquera espazo, prazas, pavillóns, etc. Montaxes modulares de ata 150 metros de ancho.
Láser
A reinvención deste medio como ferramenta de traballo en espectáculos permítenos crear fantásticos efectos de volume no aire, proxección de animacións multicor sobre edificios, pantallas de auga, e incluso proxectar sobre montañas, cantís, etc.
Iluminación artística
Descubrir a beleza de edificios, xardíns e monumentos durante a noite, crear ambientes, transformalos con cambios de cor, ou iluminar de forma especial para destacar as súas cualidades. Estudamos e realizamos proxectos a medida das súas necesidades.
Performances artísticas específicas
Producións teatrais e circenses deseñadas específicamente para cada evento multimedia. Recreacións históricas e performances únicas de gran formato con artistas galegos de contrastada calidade, tanto no teatro, coma no circo e no audiovisual. Acompañamos estas producións con guindastres de distinto tamaño, maquinaria de gran volume e mesmo figuras xigantes, pantallas de cinema de alta resolución ou pantallas flotantes. Todo deseñado para as necesidades concretas de cada cliente.
Servizos de Comunicación
Xestionamos e tratamos a información xerada por cada envento, creamos unha estratexia de comunicación específica para cada cliente, fomentando o interese informativo nos medios de comunicación e a máis ampla cobertura posible do acontecemento. Contamos con axendas mediáticas por seccións temáticas e por localidades, que poñemos ao servizo de cada cliente xunto coa profesionalidade e a experiencia que nos avala.
|
|
|
|
|
| O DÍA 11 DE FEBREIRO: DALLEQLIBRAS!!! |
|
DQL: dalleQlibras
Isabel Risco, Ledicia Trillo, Jesús R. Arias e Antón Tenreiro somos DQL (dalleQlibras):
O xoves, 11 de febreiro, ás 19:00 horas no Castelo de Santa Cruz, en Oleiros, gala de presentación do proxecto empresarial DQL (dalleQlibras), na que contaremos cunha performance artística e un cóctel para as persoas asistentes.
DQL (dalleQlibras) é a primeira empresa galega especializada en produción de eventos monumentais e de grande formato. Xigantescas proxeccións arquitectónicas, en láser, en 3D e impresionantes cortinas de auga acompañadas de creacións artísticas e sons deseñados específicamente para cada evento. Aplicamos as novas tecnoloxías multimedia de imaxe e son aos espectáculos e, ao mesmo tempo, poñémolos en valor desde a nosa propia identidade.
Nacemos en Galicia con vocación internacional, sen medo a competir nun mercado global con produtos de identidade galega modernos e espectaculares, únicos e creativos. Facemos real o incríbel, facemos visíbel o imaxinario.
Xa non é preciso buscar fóra grandes producións monumentais: Royal de Luxe, Fura dels Baus, Els Comediants... tremede! Chegou DQL!
Na presentación contaremos con persoeiros politicos, do mundo artístico, da empresa e do espectáculo. Proxectaremos un audiovisual da empresa, realizarase un espectáculo aereo coa trapecista Sue Moreno, un coctel ambientado por Simón García e Roberto Beceiro Jazz dúo, unha performance exlusiva de danza Entrecaixas e espectaculares xogos de luces en pantalla ecolóxica de Led´s de última xeración ademáis de efectos de iluminación en laser e novas tecnoloxías.
www.dalleqlibras.com
dalleqlibras@dalleqlibras.com
|
|
|
|
|
| LETE LASA NON ASISTE Á FINAL DA COPA GALICIA DE FUTBOL SALA |
|
 Hoxe domingo celebrouse a final da Copa Galicia de Futbol Sala entre o Lobelle de Compostela e o Azkar de Lugo, coa destacada ausencia do Secretario Xeral para o Deporte da Xunta de Galicia José Ramón Lete Lasa (amigo dos Gürtel).
Supoño que os responsábeis do Xacobeo, da Secretaría Xeral para o Deporte e o propio conselleiro Roberto Varela estarán cabreados pola lóxica reacción de numerosos deportistas galegos de élite indignados por contratar ao dopado David Meca para promocionar con paga secreta un acto do xacobeo.
Mentras deportistas como Cal, Perucho, Eva Castro, e moitos outros se queixan da falta de apoio; mentras que o deporte galego adoece de politicas decididas de apoio e promoción, ou mentras se deixa de convocar os partidos das seleccións galegas, o goberno galego contrata deportistas de fora (algúns condenados por dopaxe) para promocionar o Xacobeo e de paso os seus petos con diñeiro público de todos os galegos.
Non hai 12.000 euros para que Eva Castro poida participar en unha Copa do Mundo, non hai diñeiro para as seleccións galegas, non hai diñeiro para os nosos olímpicos, pero hai diñeiro (non sabemos canto) para David Meca, Nadal, Gasol, Casillas... todo moi galegos!
Non hai diñeiro pero tampouco hai tempo para sisitir á final dos dous millores equipos galegos de futbol sala na Copa de Galicia. Pero que deporte goberna esta xente? desde logo o deporte galego e os seus intereses non. |
|
|
|
|
| SOCIEDADE GASTRONÓMICA NAZONALISTA "NÓS" |
|
 Hai arredor de cinco anos, militantes e simpatizantes do BNG de Oleiros criaron a Sociedade Gastronómica Nazonalista "NÓS", a partires de un xantar campestre organizado en unha finca de Antón Sanchez Cacheiro na parróquia de Nós.
A idea era xuntarse para degustar productos de época e así se veu facendo en numerosas ocasións con laconadas, xardiñadas polo San Xoán, magostos ou simplemente churrascadas cando apetecía celebrar unha xuntanza arredor de unha mesa con productos do País.
Criouse tamén un caderno dixital (www.blogoteca.com/sociedadenos).
Agora, este clube gastronómico pasa a depender da Agrupación Socio Cultural VIEIROS das Mariñas, que reinicia a súa segunda etapa con un programa de actividades intenso e cheo de éxito.
Este mes de Febreiro celebrarase unha calÇotada na Casa da Silva, en Bastiagueiro e pola ansiedade demostrada pola xente que agarda por algunha comilona, terá un grande éxito de asistencia e de calidade culinaria.
Noraboa aos iniciadores, en especial Antón Cacheiro (presidente) e Loli Loureiro e aos continuadores, Rosa de Quercus e Alberte Oro. Bó xantar! e que aproveite! |
|
|
|
|
| VIEIROS MICRO TEATRO |
|
 AUDITORIO DO CENTRO CULTURAL "A FÁBRICA" DE OLEIROS, VENRES 29 ÁS 20:30 HORAS:
"Unha compañia de teatro chega os camerinos e no medio das súas disputas personais, representan pequenas pezas teatrais, Xenero Comedia-Drama, para todolos publicos"
No Reparto temos un dos compoñentes da Asociacion Vieiros: Xosé Eirin acompañado dos actores: Simón Iglesias, Lucía Sanchez, Pedro Peinado, Bráis Moran, Beatriz Barreiro e Ruben Espejo.
A Entrada de balde.
"Eu amo o teatro. É moito máis real do que é a vida".
Outra novidosa criación da AGRUPACIÓN SOCIO-CULTURAL "VIEIROS" DAS MARIÑAS. |
|
|
|
|
| AMOR E FLUÍDOS |
|
 Eran como as dúas españas que non acaban de reconciliarse. Ou como as dúas galicias esas que se ignoran. Pero esa noitiña, metidos no coche, estaban dispostos a aceptar calquera xesto amable. Ela miraba pola fiestra. El distraía a ansiedade tentando entender por que o contaquilómetros do coche anunciaba na parte máis alta 160 se a velocidade máxima permitida non pasa de 120. Sentiu un proer no nariz e cando botou o dedo con disimulo notou que volvía cun moco. Ela tomou a iniciativa a lanzou unha man como sonda. A el non lle quedou tempo de desfacerse da materia adherida e cagou no medo de que ela se decatase. Rexeitou a aproximación como se algo urxente e instintivo evitase o uso das mans. Ela, intuindo a negativa ou a derrota, finxiu o xesto contra a viseira do espello e, mentres comprobaba como as patas de galo marcaban o seu estado de ánimo, calculou: vai ser que non me quere.
Amor e fluídos, por Camilo Franco do libro Palabras contadas.
Atopei o texto nun salvamanteis de O DEZASEIS, casa de xantar. Grande idea de Suso e os seus. |
|
|
|
|
| DQL (dalleQlibras), un proxecto novidoso |
|
 DQL: dalleQlibras
Isabel Martinez-Risco. Ledicia Trillo Gonzalez, Jesús Rodríguez Arias e Antón Tenreiro Ferreiro somos DQL (dalleQlibras).
O Xoves 11 de Febreiro ás 19:00 horas no Castelo de Santa Cruz, en Oleiros, presentación do proxecto empresarial DQL (dalleQlibras) no que haberá unha performance artística e un coctel para os asistentes.
DQL (dalleQlibras) é a primeira empresa galega especializada en producción de eventos monumentais e de grande formato. Xigantescas proxeccións arquitectónicas, en laser, en 3D e impresionantes cortinas de auga acompañadas de creacións artísticas e sons deseñados específicamente para cada evento. Aplicamos as novas tecnoloxías multimedia de imaxe e son e ao mesmo tempo poñemos en valor as mesmas desde a nosa propia identidade.
Nacemos en Galicia con vocación internacional, sen medo a competir en un mercado global con productos de identidade galega modernos e espectaculares, únicos e creativos. Facemos real o incríbel, facemos visíbel o imaxinario.
Xa non se precisa buscar fora grandes produccións monumentais: Royal de Luxe, Fura dels Baus, Els Comedialts... tremede! Chegou DQL!
www.dalleqlibras.com
dalleqlibras@dalleqlibras.com |
|
|
|
|
|
|
|
|
|
