ANPA PEDRAS BRANCAS


Blog para comunicar novas e informacións de interese para as nais e pais dos alumnos do CEIP Fogar de Carballo.

 CATEGORÍAS
 FOTOBLOGOTECA
 ENLACES
 BUSCADOR
 ARQUIVO
 ANTERIORES
 DESTACADOS

Fondo solidario de libros de texto
A Orde de 21 de maio do 2015 regula o Fondo solidario de libros de texto destinado ao alumnado matriculado en 3º e 5º de E. Primaria e en 2º e 4º de Educación Secundaria no curso escolar 2015/16.

Todos os centros deberán dispoñer dun fondo solidario de libros de texto, que estará integrado todos os libros de texto e/ou material reutilizable adquirido coas axudas do curso pasado, o 2014/15, que o alumnado beneficiario está obrigado a devolver antes do 19 de xuño. Tamén se poderán entregar voluntariamente os libros que se desexen ceder ao Centro.

A continuación vos deixamos os enlaces coa información completa de esta proposta da Consellería.

O prazo de solicitude remata o 30 de xuño.
Información xeral
Formulario de solicitude
Convocatoria publicada (DOG)
Categoría: Axudas - Publicado o 04-06-2015 09:53
# Ligazón permanente a este artigo
Axudas para adquisición de libros de texto
No Diario Oficial de Galicia do 1 de xuño de 2015 publícase a ORDE do 22 de maio pola que se convocan axudas para a adquisición de libros de texto destinadas ao alumnado matriculado en 1º, 2º, 4º e 6º de educación primaria, 1º e 3º de educación secundaria obrigatoria ou educación especial, en centros sostidos con fondos públicos, para o seu uso no curso escolar 2015/16.

Nestes enlaces podedes obter información relativa ás axudas para adquisición de libros de texto, a convocatoria publicana no DOG e o formulario de solicitude.

Para as alumnas e os alumnos de primaria o prazo será do 2 de xuño ao o 1 de xullo, ambos incluídos.
Convocatoria das axudas (DOG)
Formularios de solicitude
Información xeral
Categoría: Axudas - Publicado o 04-06-2015 09:33
# Ligazón permanente a este artigo
Avaliación individualizada de 3º curso de educación primaria
É un feito que a comunidade educativa anda desacougada pola Avaliación individualizada de terceiro curso de educación primaria que se realizarán os días 27 e 28 de maio.
Para que as familias poidan ter unha informaciópn detallada sobre a proba e con esa información tomar as decisións que consideren oportunas, a continuación deixámosvos os seguinte enlaces:

- RESOLUCIÓN do 24 de abril de 2015, da Dirección Xeral de Educación, Formación Profesional e Innovación Educativa, pola que se ditan instrucións para o desenvolvemento da avaliación individualizada dos alumnos e alumnas de terceiro curso de educación primaria na Comunidade Autónoma de Galicia para o curso 2014/15 (DOG núm. 81, 30.04.2015).

- Documento da Confederanción Anpas Gapegas: Qué é a avaliación-reválida de 3º de primaria?

- Nota informativa da Consellería de Cultura, Educación e Ordenación Universitaria.

Así mesmo, a Federación de ANPAs da Costa da Morte, da que formamos parte, convoca a unhas asembleas abertas para nais e pais co obxectivo de informar sobre as reválidas. En Carballo a xuntanza será na Casa da Xuventude, o venres 22 ás 19.00 horas.
Nota informativa da Consellería
Documento da Confederación Anpas Gaelgas
Instruccións da Consellería
Categoría: Novas - Publicado o 20-05-2015 10:51
# Ligazón permanente a este artigo
Programa de Familias Acolledoras
O pasado 14 de abril tivemos unha interesante charla co Equipo Técnico de Acollemento da Cruz Vermella no CEIP FOGAR.
O acollemento familiar é un proxecto da Xunta de Galicia que xestiona a Cruz Vermella. O seu obxectivo é axudar a aquelas familias que atravesan unha situación de crise ou dificultade que lles impide atender correctamente, de xeito temporal, ás súas fillas e fillos.
Este programa busca que estes menores sexan acollidos por unhas persoas que lles ofrezan o seu fogar , que lles dean os coidados, a seguridade e a educación que precisan e que lles permita manter, se é posible, o contacto cos seus pais, nais ou con outros familiares.
Se estades interesados neste programa e queredes ampliar a información, aquí vos deixamos o enlace.
Programa de Familias Acolledoras
Categoría: Novas - Publicado o 23-04-2015 20:16
# Ligazón permanente a este artigo
HABITOS DE ESTUDO

Éste venres 24 DE abril, ás 10:00h, teremos unha nova charla na aula de usos múltiples do CEIP FOGAR, que leva por título: “HÁBITOS DE ESTUDO”. A charla impartiraa a psicóloga e logopeda ADELA RODRIGUEZ NUÑEZ, na que nos dará unhas pautas sobre a mellor maneira de coller e mellorar hábitos para a súa etapa de estudo dende o inicio escolar.
Categoría: Aula de Nais e Pais do Fogar - Publicado o 23-04-2015 19:54
# Ligazón permanente a este artigo
CAMPAMENTOS DE VERAN 2015
Convocatoria de prazas en campamentos de verán da Campaña de verán-2015.

Participantes:
1.Poden solicitar a súa participación nas actividades ofertadas nesta convocatoria os/as mozos/as galegos/as residentes en Galicia, nacidos/as no ano sinalado para cada quenda.
2. En canto a idade mínima e máxima para participar na Campaña de verán 2015 destacar o seguinte:
- Os/as nacidos/as no ano 1997 non poderán cumprir 18 anos antes da finalización do campamento
- Os/as nacidos/as no ano 2006 deberán ter cumpridos 9 anos ao inicio do campamento.
3.O incumprimento destas normas dará lugar á non admisión da solicitude
4.Ningún/ninguna participante poderá ser admitido/a en máis dun campamento por ano.

Persoas con discapacidade:
As persoas que teñan unha discapacidade igual ou superior ao 33% e inferior ao 65% poderán participar nesta convocatoria sempre que teñan capacidade de integración no grupo e as súas limitacións e/ou necesidade especiais deben permitirlles manexarse nas instalacións do campamento que elixan e participar e beneficiarse das actividades que nel se van a desenvolver.
As características das instalacións e a programación dos distintos campamentos, poderanse consultar na páxina web de xuventude ( www.xuventude.net).


PRAZO DE PRESENTACIÓN DE SOLICITUDES: ATA O 8 DE ABRIL.
Enlace á páxina web de Xuventude
Orde da convocatoria
Categoría: Novas - Publicado o 26-03-2015 14:01
# Ligazón permanente a este artigo
APERTURA DO PROCESO DE ADMISION PARA O CURSO 2014-15
Iniciouse o procedemento de admisión de alumnos, e no CEIP Fogar ofértanse 50 prazas de 4º, 3 en 5º de Educación Infantil e 18 en 1º de Educación Primaira, entre outras vacantes.

A continuación relacionamos os principais pasos do procedemento:

1.PRESENTACIÓN DA SOLICITUDE DE ADMISIÓN NOS CENTROS: dendo o día 2 de marzo de 2015 ao 23 de marzo do mesmo mes e ano.

2.Cando a demanda de prazas sexa superior á da oferta do centro, poderáse achegar a documentación xustificativa dos criterios de baremo, ata o 9 de abril (dez días hábiles, contados a partir dos 2 días seguintes ao remate do prazo para presentar as solicitudes de admisión).

3.Antes do 25 de abril publicaránse as listaxes provisionais das persoas admitidas e non admitidas.

4.O prazo para presentar reclamacións ante o Concello Escolar contra a listaxe provisional e de cinco días hábiles contados a partir do seguinte ao da publicación das listaxe provisionais.

5.Antes do 15 de maio, publicacion das listaxes definitivas das persoas admitidas e non admitidas.

6.No prazo dun mes a partir da publicación das listaxes definitivas poderáse presentar un recurso de alzada ante a persoa titular da xefatura territorial da Consellería de Cultura, Educación e Ordenación Universitaria.

Nos enlaces podedes aceder á información do colexio e ao anuncio da consellería.
Información facilitada polo centro
Anuncio da Consellería de Cultura, Educación e Ordenación Universitaria
Categoría: Novas - Publicado o 04-03-2015 13:38
# Ligazón permanente a este artigo
AXUDAS POR FILLAS E FILLOS MENROES DE 3 ANOS
O DOG nº 21 do 2 de febreiro de 2015, publica a ORDE pola que se establecen as bases polas que se rexerá a concesión da prestación económica de pagamento único por fillas e fillos menores de tres anos para o ano 2015.
Esta axuda está dirixida a persoas que teñan fillas ou fillos menores de tres anos o 1 de xaneiro de 2015 incluído, e que, durante o ano 2013, nin elas nin ningunha das persoas que compoñen a unidade familiar estivesen obrigadas a presentar a declaración polo IRPF correspondente a este período, nin a presentasen de xeito voluntario, aínda sen estaren obrigadas a facelo.

O prazo para a súa solicitude remata o 14 de marzo de 2015.

Para ampliar a información prema o enlace que se xunta.
DOG
Axudas menores de tres anos
Categoría: Axudas - Publicado o 09-02-2015 13:52
# Ligazón permanente a este artigo
Entroido 2015
Circo
Este ano no Colexio Fogar escollemos como lema do entroido “o mundo do circo”, e iremos disfrazados de pallasos, de trapecistas, de domadoras, …

Anticipando a festa o Rei Meco ditou o seguinte mandado:

O luns: Para o mundo do circo pertencer unha garabata has traer.
O martes: Pon hoxe un calcetín de distinta cor para que o pallaso non te molle coa súa flor.
O mércores: Un pucho has de traer se malabares queres facer
O xoves: Se no mundo do circo has traballar algo na túa cara has de pintar.
O venres: Agora ti decides o que queres !!! Pallaso, funambulo, trapecista, domador, … Arránxate para a ocasión!!!

Coa Colaboración do Departamento de Cultura do Concello de Carballo.
Categoría: Actividades - Publicado o 04-02-2015 11:33
# Ligazón permanente a este artigo
Participación da comunidade educativa en materia de convivencia escolar
O Diario Oficial de Galicia do martes 27 de xaneiro de 2015 publica o DECRETO 8/2015, do 8 de xaneiro, polo que se desenvolve a Lei 4/2011, do 30 de xuño, de convivencia e participación da comunidade educativa en materia de
convivencia escolar.

No enlace adxunto poderás descargar o contido completo do Decreto.
Decreto 8/2015
Categoría: Novas - Publicado o 28-01-2015 12:24
# Ligazón permanente a este artigo
© by Abertal
Rúa Vila de Ordes, s/n
15100 - Carballo (A CORUÑA)
Telf.:610873310
e-mail:info@anpapedrasbrancas.org
web:www.anpapedtrasbrancas.org
http://www.facebook.com/anpapedrasbrancas.org