ANPA PEDRAS BRANCAS


Blog para comunicar novas e informacións de interese para as nais e pais dos alumnos do CEIP Fogar de Carballo.

 CATEGORÍAS
 FOTOBLOGOTECA
 ENLACES
 BUSCADOR
 ARQUIVO
 ANTERIORES
 DESTACADOS

A FAMILIA COMO CONTEXTO SOCIALIZADOR
O venres 21 de novembro, ás 20.30 no Forum de Carballo, Mª Luísa Abad impatirá unha charla sobre a familia como contexto socializador.

A Anpa Pedras Brancas como colaboradora do evento a través da Federación de Anpas Costa da Morte, invíta a toda a comunidade educativa do CEIP Fogar a esta charla, que se integra nos espazos formativos que organiza a Asociación Sociopedagóxica Galega (ASPG), coa colaboración da Deputación da Coruña.

O papel das familias é fundamental para educar, para combater calquera tipo de vilolencia. As criaturas aprenden dentro da familia a integrar as súas relacións, absorben como esponxas os xeitos de se comportaren das persoas adultas.
Como nais e pais temos unha grande responsabilidade no establecemento de boas pautas para que as relacións que establezan con posterioridade as nosas fillas e fillos sexan as axeitadas.
Folleto
Categoría: Aula de Nais e Pais do Fogar - Publicado o 18-11-2014 14:14
# Ligazón permanente a este artigo
A PRESENZA DO MENORES NA REDE

O venres 14 de novembro, ás 20.30 no Forum de Carballo, Jorge Castro Ruso impatirá unha charla sobre a presenza dos menores na rede.

A Anpa Pedras Brancas como colaboradora do evento a través da Federación de Anpas Costa da Morte, invíta a toda a comunidade educativa do CEIP Fogar a esta charla, que se integra nos espazos formativos que organiza a Asociación Sociopedagóxica Galega (ASPG), coa colaboración da Deputación da Coruña.

O programa da charla é o seguinte:
- As principais ferramentas que usan, principalmente a través do mobil
- Os principais riscos aos que están expostos
- O moito positivo que a Rede lles achega

Folleto da actividade
Categoría: Aula de Nais e Pais do Fogar - Publicado o 11-11-2014 08:44
# Ligazón permanente a este artigo
Asemblea xeral
Para hoxe venres 26, está convocada a Asemblea xeral ordinaria de socias e socios da Asociación de Nais e Pais Pedras Brancas, ás 20 horas (20.30 horas en segunda convocatoria), coa seguinte orde do día:

1º.- Lectura e aprobación do acta anterior.
2º.- Rendición de contas do curso pasado e aprobación presuposto 2014/15.
3º.- Ampliación de membros da xunta directiva
4º.- Novidade do curso (Uniformes, actividades, ...)
5º.- Rogos e Preguntas.
Categoría: Novas - Publicado o 26-09-2014 11:57
# Ligazón permanente a este artigo
Seguro escolar
Co inicio do curso de novo temos a proposta de adhesión á póliza de seguro de accidentes colectivo que temos suscrita con ALLIANZ coa mediación de Seguros Toñito.

No enlace adxunto podedes descargar toda a información e o Boletín de Inscripción.
Boletin de inscripción
Categoría: Novas - Publicado o 23-09-2014 21:50
# Ligazón permanente a este artigo
Axudas escolares do Concello de Carballo
O Concello de Carballo publicou as bases e a convocatoria para presentar as solicitudes das Axudas e Bolsas de Estudos e Transporte e de Conservatorio do Curso 2014-2015.

Estas bolsas están dirixidas a alumnos de:
- 2º ciclo de Educación Infantil
- Bacharelato e Ciclos Formativos
- Estudos Universitarios
- Conservatorio Profesional de Música de Carballo

O prazo de presentación de solicitudes está aberto ata o sábado 27 de setembro.

As solicitudes para concorrer a esta Convocatoria deberán presentarse no Rexistro Xeral do Concello, preferentemente no Rexistro situado no 1º andar do Pazo da Cultura. O horario de atención ao público, nas oficinas da Concellería de Cultura, para recoller o impreso e recibir a información que se precise sobre esta convocatoria será de luns a venres de 10.00 a 13.00 horas.

Nos enlaces adxuntos poden descargar as bases, así como o impreso modelo de solicitude.
Bases
Solicitude
Categoría: Axudas - Publicado o 19-09-2014 14:03
# Ligazón permanente a este artigo
HORARIO DA OFICINA DA ANPA
Dende o 10 de setembro estamos a vosa disposición nas oficinas da ANPA os MARTES e XOVES de 9.30h a 10.30h, e os LUNS de 17.30 a 19.00.

Tamén podedes escribirnos ó seguinte correo electrónico: info@anpapedrasbrancas.org

O teléfono da ANPA é o 610 873 310.
Categoría: A asociación - Publicado o 10-09-2014 13:48
# Ligazón permanente a este artigo
Currículo da educación primaria
O Diario Oficial de Galcia do martes nove de setembro de 2014 publica o DECRETO 105/2014, do 4 de setembro, polo que se establece o currículo da
educación primaria na Comunidade Autónoma de Galicia.

No enlace adxunto podes descargar o documento.
Currículo de educación primaria
Categoría: Novas - Publicado o 10-09-2014 13:46
# Ligazón permanente a este artigo
ACTIVIDADES EXTRAESCOLERES 2014-15
Carballo Deporte
A continuación vos facilitamos a información básica das actividades extraescolares para o curso 2014-15. Cómo no curso pasado, as actividades divídense entre as que se ofertan a tódolas alumnas e alumnos e as dirixidas so a usuarios de comedor. Á súa vez as actividades están organizadas por cursos (infantil, 1º e 2º de primaria, 3º e 4º de primaria e 5º e 6º de primaria).

Pregamos ás familias que sexan consecuentes coas decisións que toman ao inscribir às súas fillas e aos seus fillos nas actividades e os envíen de xeito regular, pois as faltas de asistencia repetidas e aleatorias, prexudican á calidade da actividade e non axudan aos participantes a reforzar a noción de responsabilidade nas eleccións/decisións que se toman.


ACTIVIDADES E CURSOS
(de 16.15 a 17.15 h)

ACTIVIDADES EDUCACION INFANTIL
CULTURAIS: Pintura.
DEPORTIVAS: Escola Predeportiva, Escolas Patinaxe.
ACTIVIDADES 1º E 2º PRIMARIA
CULTURAIS: Pintura.
DEPORTIVAS: Escola Predeportiva, Escola Patinaxe
ACTIVIDADES 3º E 4º PRIMARIA
CULTURAIS: Pintura, Música (guitarra).
DEPORTIVAS: Escola Deportes de Raqueta, Escola dePatinaxe, Xadrez, Escolas Deportes Loita
ACTIVIDADES 5º E 6º PRIMARIA
CULTURAIS: Pintura, Música (guitarra).
DEPORTIVAS: Escola Deportes de Raqueta, Escola de Patinaxe, Xadrez, Escolas Deportes Loita
BAILE DEPORTIVO
Desta actividade enviarase cumprida información no mes de setembro. Como adianto podemos informar que variará o seu horario e pasará a desenvolverse dous días á semana.

Recordade que para participar en estas actividades hai que ser socio da ANPA e adherirse à correspondente póliza de seguro de accidentes.

ACTIVIDADES DIRIXIDAS AUSUARIOS DE COMEDOR
(de 15.15 a 16.15 h)

ACTIVIDADES EDUCACION INFANTIL
CULTURAIS: Pintura.
DEPORTIVAS: Escola Predeportiva.
ACTIVIDADES 1º E 2º PRIMARIA
CULTURAIS: Pintura.
DEPORTIVAS: Escola Predeportiva.
ACTIVIDADES 3º E 4º PRIMARIA
TALLER ESTUDO
CULTURAIS: Pintura.
DEPORTIVAS: Escola Multideportiva
ACTIVIDADES 5º E 6º PRIMARIA
TALLER ESTUDO
CULTURAIS: Pintura.
DEPORTIVAS: Escola Multideportiva, Xadrez

Actividades extraescolares
Actividades para usuarios de comedor
Categoría: Actividades - Publicado o 09-07-2014 10:44
# Ligazón permanente a este artigo
Programa Concilia
O Concello de Carballo quere continuar para o curso 2014-15 co Programa “Concilia”. Este programa ofrece atención aos escolares antes do inicio das clases polas mañás ( de 7:30 a 9:30), inclúe a acollida, protección, vixilancia ao tempo que participan en actividades didácticas e de ocio. Pode incluír optativamente o almorzo.

Se algunha familia está interesada en participar no programa deben contactar co Concello no Departamento de Servizos Sociais na súa sede da Avenida do Ambulatorio, s/n, ou nos teléfonos 981 700 688 / 981704 706.

Está previsto que o prazo de matricula para o curso 2014-15 comece o 1 e remate o 22 de agosto.

No enlace adxunto podedes ver a ordenanza reguladora dos servizos do “Programa Concilia” e dos seus prezos públicos, publicada no BOP de 19 de xuño de 2013.
Ordenanza municipal del Programa Concilia
Categoría: Novas - Publicado o 09-07-2014 09:09
# Ligazón permanente a este artigo
Festa de Fin de Curso
O venres 20 no CEIP Fogar temos preparada unha festa de Fin de Curso con teatro, títeres, actividades culturais, lúdicas e deportivas.

Entre elas teremos "Nun recuncho do monte...", un espectáculo de guiñol e contacontos de Ti e mais eu Teatro, montada a partires da obra orixinal de Josefa Deibe Pico. Fala do respecto ao medio natural e cultural que nos rodea a través da historia dunha dedaleira (estraloque) e un cardo, xunto cunha araña, unha libélula e unha bolboreta, agochados nun recuncho dun monte. Está orientada ao alumnado de infantil.

Tamén contaremos coa Tropa de Trapo co seu espectáculo Cores, unha chea de contos, música obxetos reciclados e cotiás cobrando unha nova vida e facendo ao público cantar e bailar. Esta representación está dirixida a alumnos de 1º e 2º de primaria.

Os monitores da actividades extraescolares téñennos preparadas unha chea de actividades en función das idades dos rapaces, como frontonmán, a silla con aros e picas, comba individual e en grupo, carreiras de habilidade, balonmán e baloncesto, así como un taller de pintura. Os alumnos da escola de Baile farannos unha exhibición do que aprenderon neste curso.

Os asistentes tamén disfurtarán dunha merendiña ás 11.30 ou 12.30, dependendo das idades.

Para a realización de este programa de actividades, a ANPA conta coa colaboración da Deputación da Coruña e do departamento de cultura do Concello de Carballo.
Categoría: Novas - Publicado o 19-06-2014 08:58
# Ligazón permanente a este artigo
© by Abertal
Rúa Vila de Ordes, s/n
15100 - Carballo (A Coruña)
Telf.:610873310
e-mail:info@anpapedrasbrancas.org
web:www.anpapedtrasbrancas.org
http://www.facebook.com/anpapedrasbrancas.org