|
|
|
|
Eleccións Europeas 2014 |
|
|
|
|
|
|
é a hora do pobo |
|
 |
|
|
|
|
| Normas e mesas de votación do referendo das europeas de Anova-IN |
|
O proceso electoral interno de escolla de representantes de ANOVA-IN para a candidatura galega que concorrerá ás Eleccións Europeas 2014, realizarase con votación da militancia en urna debidamente selada en cada mesa electoral. O escrutinio global é público. Será no Espazo de Co-Working ?DoutroXeito? (R/Hórreo, 22 - 3º, Compostela), a partir das 20:00 h.
As mesas de votación pódense consultar baixando o seguinte documento: Mesas_votacion.pdf
Normas do proceso electoral e aclaracións: Normas_proceso_electoral.pdf
O escrutinio global é público. Será no Espazo de Co-Working ?DoutroXeito? (R/Hórreo, 22 - 3º 15701. Praza de Galiza, Santiago de Compostela), a partir das 20:00 h.
|
|
|
|
|
| Anova fixa o 23 de febreiro para o referendo sobre as Europeas |
|
A militancia de Anova Cambre está chamada a votar o vindeiro domingo 23 de febreiro, de 12 h a 21h, no local sociocultural da Barcala, na rúa Río Barcés, podendo escoller entre as seguintes opcións:
1). que Anova participe integrada en coalición coa esquerda federal.
2). que Anova conforme unha coalición con forzas políticas da esquerda nacionalista das nacións sen estado e/ou plataformas cívico-políticas de esquerda e rupturistas.
3). que Anova non concorra ao proceso electoral.
Unha vez pechadas as urnas, ás 21 horas, realizarase o reconto global, que será público
Os resultados publicitaranse de inmediato na web de ANOVA.
|
|
|
|
|
| A Coordinadora Nacional de Anova convoca un referendo para decidir o programa e o xeito de participar nas eleccións europeas |
|
Reunida en Santiago de Compostela, a Coordinadora Nacional de Anova acordou celebrar un referendo entre toda a súa militancia para decidir o xeito de concorrencia ás vindeiras eleccións europeas e o programa para as mesmas.
Este proceso, que calculamos poida rematar na primeira quincena de febreiro, pasará previamente por un debate nas asembleas locais e un debate nacional nunha Conferencia Nacional a tal efecto, que aprobará as cuestións programáticas, prevista para finais de xaneiro aproximadamente.
Para este debate, as asembleas contarán cunha información actualizada sobre a marcha dos diversos contactos que Anova está a realizar para conseguir a fronte ampla non excluínte nestas eleccións europeas e como ensaio da creba democrática do réxime.
No tocante ás liñas de traballo de Anova nos vindeiros meses, a Coordinadora Nacional acordou marcar como prioritarias a defensa da soberanía enerxética e alimentaria do pobo galego, nun contexto de agresión contra o territorio, de espolio das terras agrarias para proxectos enerxéticos e mineiros. Así mesmo, será 
prioritaria a defensa de alternativas de emprego
para a comarca de Ferrol, que se atopa nunha gravísima situación de desemprego e retroceso demográfico.
A respecto dos expedientes abertos pola Comisión Ética e de Garantías en Redondela, a Coordinadora Nacional, nun punto introducido na orde do día a petición de varias persoas da Coordinadora Nacional sobre as funcións e competencias da Comisión Ética e de Garantías, a Coordinadora Nacional acordou que: "A Coordinadora Nacional entende que non é competente para enxuizar actuacións de órganos soberanos elixidos pola Asemblea Nacional: Comisión Ética e de Garantías e Portavocía Nacional".
|
|
|
|
|
|
|
|
