Reunida hoxe en Santiago de Compostela a Coordinadora Nacional de ANOVA para avaliar o proceso electoral e os resultados das Eleccións Autonómicas do 21 de Outubro, acordou facer público o que segue:
1. Agradecer á cidadanía galega o seu apoio masivo, a ilusión e a confianza depositada na coalición Alternativa Galega de Esquerda, que se configura así como oposición xenuína ao desgoberno do PP.
2. Felicitar publicamente a Xosé Manuel Beiras polo seu magnífico labor de campaña desenvolvido e por saber representar e concitar co seu discurso os anceios de rebeldía dunha parte moi importante da cidadanía.
3. Facer mención expresa do labor realizado pola militancia de ANOVA e do conxunto de simpatizantes que colaboraron voluntariamente en levar a bo porto esta campaña, salientado a magnífica actividade dos mesmos nas redes sociais.
4. Valorar como excelentes o resultado electoral da nosa coalición malia que o descenso de máis de 500.000 votos das tres forzas presentes até agora no Parlamento Galego deu a maioría ao PP aparentando en escanos un avanzo que non tivo na sociedade.
5. Valorar como un grande acerto a decisión de ter feito un chamado a todas as forza nacionalistas e de esquerda para a conformación da unidade de acción para o Parlamento Galego, e que deu como resultado unha coalición con EU, Equo e Espazo Ecosocialista, e un Grupo Parlamentar comprometido como di o seu programa na ?Liberación nacional e social de Galiza?, en ?avanzar no exercicio da autodeterminación
... reivindicando a nación dos galegos e galegas como suxeito único da soberanía nacional?, que defenderá os intereses da maioría social e servirá de altofalante ás voces da rúa na cámara galega.
Noutra orde de cousas, acordouse tamén a posta en marcha do traballo de
consolidación e organización de ANOVA acordado na súa asemblea constituínte do 14 de xullo, e adiado pola convocatoria electoral, que deberá estar rematado no mes de xaneiro
e como estaba previsto desencovará nunha Asemblea Nacional da nova organización
nacionalista de esquerda.
A Coordinadora Nacional acordou tamén neste encontro apoiar a folga xeral do vindeiro 14 de novembro.
Por último, ANOVA quere felicitar e solidarizarse co Fiscal xeral de Galicia o señor Varela polas súas declaracións nas que criticou os recortes sociais e denunciou a blindaxe dos mercados e a actitude dos gobernos que priorizan o ?mundo dos negocios? fronte as persoas.
Beiras asegura en Cambre que a ?rebelión cívica? está en
marcha e varrerá ao PP
Cambre, 9 de outubro de 2012
O portavoz nacional de Alternativa Galega de Esquerda, Xosé Manuel Beiras, afirmou no mitin celebrado hoxe en Cambre (A Coruña) que ?o PP perdeu definitivamente a credibilidade e o respeto da cidadanía do común?(Máis)
Constituirase o vindeiro luns, día 1, no Centro Sociocultural do Graxal, ás 20 horas
Cambre, 28 de setembro de 2012.- En Cambre se constituirá un Comité de Apoio á candidatura da Alternativa Galega de Esquerdas encabezada na Coruña por Xosé Manuel Beiras e Yolanda Díaz. Así o confirmaron fontes das direccións locais de Anova Irmandade Nacionalista (Anova) e de Esquerda Unida (Eu) de Cambre.
Logo de manter varios encontros nos últimos días entre as dúas forzas para trasladar os acordos da coalición á localidade, os mesmos portavoces indicaron que está decisión veu dada ao recibiren numerosas mostras de simpatía e apoio de persoas que sen ter militancia activa en ningunha das organizacións desexaban ter un papel activo neste proceso electoral.
Neste sentido, dende EU e Anova, anunciouse que este Comité constituirase o vindeiro luns, día 1 de outubro durante a Asemblea Aberta que terá lugar no Local Sociocultural do Graxal, na Rúa Alvaro Cunqueiro, ás 20h.
Dende as dúas organizacións salientaron, ademais, a súa satisfacción polo doado que lles resultou chegar a acordos. A agardan, comentaron, que esta convocatoria sexa un éxito de participación e un indicativo do que resultará das vindeiras eleccións do 21 de outubro. ?Os cidadáns non están dispostos a renunciar a uns servizos públicos universais e gratuítos nin ao recorte dos seus dereitos?, afirmaron.
