A NENA DO PARAUGAS


A miña debilidade é a miña fortaleza
Vivo pechada nunha gaiola de pensamentos, por vontade propia e gústame perderme entre as letras e os sons que me acompañan no meu encerro.

O meu perfil
meninhalf@gmail.com
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

I - EN BRANCO



Arrincou o vento
as follas do caderno,
levando consigo as palabras
que uns dedos inquedos
debuxaron
no seu inmaculado colo...
E voan as letras desordenadas
no aire inmenso do universo,
suspendidas nas nubes,
mudas, xordas
e cegas de destino...
Queixumes, bágoas,
xenreiras, soidades,
gratitudes, soños, esperanzas,
ledicias, sorrisos, aloumiños,
submisións, envexas...
Palabras, simplemente,
que espallan esencias
entre as dobreces
do silencio
das follas brancas.

Concha L. F.
Comentarios (0) - Categoría: Aros de fume-Brétemas - Publicado o 22-12-2009 19:49
# Ligazón permanente a este artigo
Chuza! Meneame
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal
Concha L. F.