A NENA DO PARAUGAS


A miña debilidade é a miña fortaleza
Vivo pechada nunha gaiola de pensamentos, por vontade propia e gústame perderme entre as letras e os sons que me acompañan no meu encerro.

O meu perfil
meninhalf@gmail.com
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

SOÑOS...



E se ela non acorda?

Onte vin un sinal. O seu rostro estaba escuro, a súa lingua calada, as súas mans corrían a ningunha parte. Todo nela era desorde, non obstante, a miña roupa estaba limpa e alisada. Estaba durmida, como se vivise máis alá das miñas propias frustracións, levándoas sobre os seus ombreiros.

Pero agora segue durmida. Dorme coma se xamais tivese durmido na súa vida. A súa pel está serena, pero as súas mans e o seu rostro loitan en silencio, sen máis estridencias ca as dun portazo esquecido. Quizais estea rota a botella da auga, ou as pantuflas rompesen… Pero agora dorme.

E se ela non acorda?

Todo pode fuxir nun segundo, nun so. Ás veces basta unha chamada, unha mensaxe nun papel enrugado. Pero non llo dixen. Ou si. Díxenllo alguna vez, pero nunca me parei a pensar como tiña que dicirllo. Nunca entendín a súa ansia por ter todo en orde e non entendo por que dorme cando todo está desdeixado.

Agora dorme. Deixareina descansar. Quizais sexa este o seu definitivo descanso…

E se non acorda?

Concha L. F.

Comentarios (3) - Categoría: Eu son... - Publicado o 30-01-2013 10:31
# Ligazón permanente a este artigo
Chuza! Meneame
3 Comentario(s)
1 Gustoume! Coma todo o que nos e#blgtk08#scribes, meniña.
Bicos.
Comentario por Xosé (30-01-2013 16:15)
2 Todo pode fuxir nun segundo... Hai anos que me aterra esa certeza, sempre penso#blgtk08# nesa chamada da que falas, case coma se a estivese a esperar.

Comentario por Mar e Lúa (02-02-2013 00:04)
3
Graciñas por pasar polo meu blog e deixarme o teu comentario.
Un texto descougante e de incerteza trá#blgtk08#xica, non? Ata certo punto pódese aplicar a calquera, cantas veces pensaríamos neso…

Bicos.
Comentario por balteu (26-03-2013 17:19)
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal
Concha L. F.