Viveireando


Sitio onde se conserva algunha cousa e donde se propaga.

Contacta
viveireando@gmail.com
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

Bocas rachadas
Aínda que estes días non ando nada católica, farei un esforzo para asistir á bendición urbi et orbi que imparten para toda A Mariña os recoñecidos politicólogos Caín e Abel, doutorados ambos e dous en Cainismo pola UDB ( Universidade de Beiramar ).
Segundo anuncian vai arder o eixo e o carro. Despois para apagar o lume han darse á bebida porque… “hai que mollalo, hai que mollalo”.
Na sobremesa disertará o doutor sobre a Unidade, ( “buena si es alavesa, pérfida si es do Povo Galego” ) e todas remataremos convencidas de que o catalán Joan Miró
(1893-1983 ) sería un ninguén de non se ter inspirado na obra do famoso ceramista e construtor de capelas sixtinas, don Sito O ´ Regal.

Non hai como darlle á lingua e, de cando en vez, mollar a palleta.
Categoría: Xeral - Publicado o 27-03-2010 13:12
# Ligazón permanente a este artigo
Non sería premiada
Dín que non, que a Semana da Paixón e a Prosperidade da Hotelaría nada teñen que ver. E por iso esta foto nunca resultaría apropiada para anunciar a intensa actividade procesional que nos vén enriba.
Categoría: Xeral - Publicado o 22-03-2010 21:25
# Ligazón permanente a este artigo
21 de marzo: Día das Tortillas
Envíanme o programa de actividades arredor da tradicional celebración viveiresa que, gostosa, reproduzo para as miñas seguidoras.

Día 15: PREGÓN-CHARLACOLOQUIO ( MONÓLOGO )
“As tortillas: unha tradición finesecular nesta Venecia do Norte”
Don Crónico Lo Cal

Día 17: MESA MUNICIPAL E GUBERNATIVA
-“A elaboración da tortilla ( Guía-burro)”
Excmo. Sr. Rexidor
-“Como separar o ovo da clara”
Sr. Leal ( Semiportavoz do PPOE )
-“Como separar a clara do ovo”
Sra. Gueimunde ( Cenadora e portavoz en prácti cas do PPOE )
-“Un bo cocido mellor que unha tortilla española”
Sr. Goás , concelleiro do Bloque.
-“ Melchor, bótolle cebola ou allo?”
Don Orlando, concelleiro de Izquierdas.

Día 20: MESA-CANTADA
-“A tortilla aventada ou sen aventar?”
Doctor O´Bígamo

( Todos estes actos desenvolveránse no Salón Multiusos do Concello e darán comenzo ás 20 horas, agás o Pregón… que dará comenzo ás 18 h. ( monólogo longo ) e a Mesa-Cantada que se perpetrará no Casino).

Que lles aproveite!
Categoría: Xeral - Publicado o 13-03-2010 13:10
# Ligazón permanente a este artigo
Explicación
Reaparece o concelleiro de asuntos de Interior e propón a disolución inmediata da sociedade TURVIVEIRO. Despois de profundar durante un sexenio no estudo das contas da sociedade, chegou á seguinte conclusión que explicou co gráfico que copiamos:
“A función f tende cara o límite L cerca de a si se pode facer que f (x) estea tan cerca como se queira de L, facendo que x estea o suficientemente cerca de a, mais sendo distinto de a
O que sabe, sabe.
Categoría: Xeral - Publicado o 12-03-2010 19:02
# Ligazón permanente a este artigo
Merchandising ( II )
...ou andar de gorra.

Hanche estar divertidas as procesións!
Categoría: Xeral - Publicado o 10-03-2010 18:48
# Ligazón permanente a este artigo
Merchandising ( I )
Nestes días de Cuaresma as penitentes atópanse na operación "Escolma de meus". Teñen que se decidir entre levar camisola...
Categoría: Xeral - Publicado o 10-03-2010 18:45
# Ligazón permanente a este artigo
Descontente do adestrador madriveirés
O adestrador madriveirés César Aja manifesta públicamente o seu descontente con parte do equipo que antes adestraba. Segundo parece un dos xogadores abusou dos pasteis de crema e agora é adicto ao San Marcos. En resume, non baila ao son que lle marca o adestrador e dálle á crema pola súa conta. ( Dín que come máis de cinco millóns de pasteis por temporada e por máis que o amenazan con ESTACA, non deixa de engordar en Lugo).
Triste papel. El, que tamén papou pastel en cantidade ( Pescanova era o seu favorito) vese, agora, fondón e pouco áxil e só é quen de bailar “pajaritos a volar” nas ceas-baile do partido.
Categoría: Xeral - Publicado o 07-03-2010 17:58
# Ligazón permanente a este artigo
Dálle que non ve!
Incrédulos hai que negan a existencia da Rede Museística Municipal.
E agora que a Xunta vén de recoñecer un novo Museo en Viveiro é o momento de pór ao día a estes impíos.
Ao Etnográfico da Misericordia, ao Nabal que comparte edificio, ao de M. Mallo no Pazo do Cristo dos Malates, e ao Centro de Interpretación da Semana da Paixón vense sumar agora o de Xunqueira.
Ao curtido promotor, parabéns, e… dálle que non ve!
Categoría: Xeral - Publicado o 07-03-2010 13:18
# Ligazón permanente a este artigo
Vista ( parcial ) de Canta-ra

Presentan o Plan de Ordenación do Litoral e, agora que o raposo volve estar ao coidado das galiñas, unha anda coa mosca tras da orella.
Esta vista ( parcial ) de Canta-rá lémbrame a desfeita que fixeron os mesmos que agora insisten en ordenar o litoral.
Categoría: Xeral - Publicado o 05-03-2010 19:16
# Ligazón permanente a este artigo
© by Abertal