Viveireando


Sitio onde se conserva algunha cousa e donde se propaga.

Contacta
viveireando@gmail.com
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

Antes / Despois

O superdelegado de obras y deportes, empeñado desde hai algún tempo en nos ilustrar nun semanario local coas súas fazañas de campo ( así estaban antes las conetas, mírenlas ahora como relocen, etc…), non dá feito. Por unha indiscreta colaboradora súa veño de me enteirar que este home vai dar unha sorpresa no agardado e orixinal Mercado Renacentista. Está a restaurar nada menos que… La Mona Lisa!
Na miña louca carreira de maldades non me resisto a incluir esta: chafarlle a exclusiva ao semanario local colgando nesta páxina a Gioconda remozada pola brigada municipal.
Estache bo o conto!
Categoría: Xeral - Publicado o 09-05-2009 11:52
# Ligazón permanente a este artigo
Probando, probando...

Aí temos a unha autoridade local renacentista probando o traxe para entrar mesmamente pola Porta de Carlos Uve.
Presume máis que un rato enriba dun queixo!
Categoría: Xeral - Publicado o 08-05-2009 21:25
# Ligazón permanente a este artigo
Febre renacentista
Elévanse as temperaturas. Xa chegou a febre renacentista e todas somos Carlos Uve. A edila que ten por lema “la cultura me persigue, pero yo soy más rápida” prepara o desembarco. Calzas, panos, veludos e brocados para todas. Por agora conformémonos coas chocolatiñas CARLOS UVE. A recreación dunha importante transnacional deseñada en exclusiva para os vilegos. Repartiranse gratuitamente na Praza Maior. “Te es para ambientar” disque dixo a edila.

E eu, sen bombachas!
Categoría: Xeral - Publicado o 08-05-2009 21:04
# Ligazón permanente a este artigo
De museos

Unha senadora anda a laiarse nos papeis porque nunca consegue atopar abertas as portas dos virtuais museos de Roel. Comparto a súa desgracia. Eu tampouco cheguei a coñecer esa rede museística tan publicitada. Nunca puiden entrar no Etnográfico da Misericordia, nen no de Arte Sacro en San Francisco, nen sei onde fica o dedicado a M. Mallo que seica apadriñou o ex ministro Molina.
Tampouco a señora senadora—figurinista ela—puido nunca participar nas edicións da Bienal M. Mallo. Non atopa as Bases, nen os prazos. Debe telas o pai da criatura ainda no forno ( É ceramista ).
Menos mal que contamos coa infraestrutura museística criada nos vinte anos de mandato do ex -cenador Aja Mariño: A Casa Rosada, A Casa dos Leóns, A Casa da Árbore da Misericordia…
Hai que ter confianza en Deus que é santo vello!

Categoría: Xeral - Publicado o 26-04-2009 18:39
# Ligazón permanente a este artigo
A Banda de Música estrea novo uniforme
O prometido cumpriuse. Dínme que a concelleira remata de facer a presentación dos novos uniformes para a esforzada Banda de Música. Son orixinais, a verdade. Non teñen abrigo mais teñen unha capa que é máis practicabel. Tamén me contan que un músico melenudo protestou polo deseño do casco.” Non teñen remedio. Non querían uniformes? Pois aí os teñen”—dis que dixo a edila—“Ademais no verán poden descapotarse”, concluiu a cumpridora señora.

Categoría: Xeral - Publicado o 06-04-2009 14:06
# Ligazón permanente a este artigo
Fósil
Os formidabeis cadros pendurados das fachadas de Viveiro nestes días da Semana da Paixón non son—ainda que proceden da Idade Media—os vestixios máis antigos. O Gabinete de Estudos T. de V. demostrou que o fósil atopado a semana pasada intra murallas—un trompeteiro do Encontro—permite datar as primeiras procesións arredor do ano 34 ( d. C. ). Os prestixiosos investigadores de Terrícolas de Viveiro manifestaron que a Sevilla do Norte pode estar tranquila. “Ninguén antes que nós, ninguén mellor que nós”, dixeron.
E eu, machiños, doume por satisfeita.
Categoría: Xeral - Publicado o 06-04-2009 11:56
# Ligazón permanente a este artigo
Zapatería para penitentes
Dín que os levadores que procesionan na Semana da Paixón van ter asistencia técnica gratuita. Un equipo de fisioterapeutas estará disposto a intervir en calquer momento e de balde. Todo un avance importado da paixón andaluza.
Tamén van estar de estrea os penitentes. Nada de pés descalzos. O cómodo modelo que ilustra este comentario vai ser distribuido gratuitamente entre os arriscados cofrades.
Así, calquera!
Categoría: Xeral - Publicado o 12-03-2009 19:35
# Ligazón permanente a este artigo
Desafortunado deseño
Ainda ben non arrefriaron as brasas do Enterro da Sardiña e xa andan os de Viveiro presentando a Semana da Paixón.
Despois da carallada vén o sofrimento.
É por iso polo que o inxénuo deseñador participante no concurso para promocionar a Semana non tivo sorte con este traballo.
" Ímoste premiar—dixéronlle os das Cofradías—cando San Xoán baixe o dedo, rapaz”.
O dito: despois da carallada…
Categoría: Xeral - Publicado o 27-02-2009 17:55
# Ligazón permanente a este artigo
César Aja pide asilo...político
Envíanme un dossier cheo de informacións non moi contrastadas. Nel manteñen que o pasado luns César Aja, amadriñado por dona Ana Pastor entrou na Residencia Betania de Viveiro—si, no Asilo—pedindo praza. Nada máis lonxe da realidade. O Ex entrou, nen máis nen menos, seguindo a Pastor, para solicitar asilo. Asilo político, pois, disque o 1 de marzo, hai peregrinatione.
Categoría: Xeral - Publicado o 18-02-2009 17:50
# Ligazón permanente a este artigo
Corredor da Costa ( II )

Nunha das últimas roldas coas chicas da prensa perpetrada por Falabarato deixouse cair, como quen non quer a cousa, esta primicia. Trátase do deseño do Monumento ao Corredor da Costa financiado pola Consellería de Infra Estruturas. Rumoréxase que nolo van colocar no alto do Cruceiro, perto do apeadeiro do AVE do Cantábrico.
Ai logo! E diciades que non tiñamos Corredor…
Categoría: Xeral - Publicado o 13-02-2009 18:52
# Ligazón permanente a este artigo
© by Abertal