Viveireando


Sitio onde se conserva algunha cousa e donde se propaga.

Contacta
viveireando@gmail.com
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

Non á guerra!
As novas destes últimos días téñenme aterrada. A catástrofe do Xapón, o cinismo dunha guerra polo control do petróleo…
Nen sequer as brincadeiras dos piedosos confrades levadores dos santos—e ben que o podía facer a retórica carta publicada en Viveiro-- me libran deste desacougo.
Así que hoxe, como onte, manteño o meu berro: non á guerra!
Categoría: Xeral - Publicado o 25-03-2011 20:42
# Ligazón permanente a este artigo
GPS
Estou impaciente. Desde que anunciaron as obras para ampliar a ponte de Verxeis, ando a estudar rotas alternativas para entrar e sair da Vila, non vaia ser que o comezo das obras me colla de surpresa.
E coñecedora das miñas preocupacións a miña filla maior, que é toda unha experta nas novas tecnoloxías, agasalloume hai uns días un práctico GPS ( Global Positioning System ) e agora conduzo con moita máis seguridade.

Que principien as obras cando queiran!

Categoría: Xeral - Publicado o 13-03-2011 12:21
# Ligazón permanente a este artigo
Tamboriladas
Coa publicación dunha carta no xornal veño de me inteirar de que as tamboriladas e cornetadas perpetradas no Pazo da Misericordia foron motivo de queixa dun veciño con consulta médica no edificio colindante.
Segundo conta, as súas queixas cairon en saco roto pois seica cada vez que o paciente sofredor se entrevistou co alcalde este o obsequiou cunha “milonga”. E foron varias.
Pois teno claro o paciente médico. Seguirá soportando o pomporrompón cuaresmal todiñas as semanas, sexan santas ou non. Os cofrades levan en gosto esas prácticas e non hai ninguén en Viveiro que ouse limitar tan delicadas interpretacións procesionais.
Así que o queixoso ten dúas saídas: ou reconciliarse coa música celestial ou ir ao consistorio e que lle canten outra milonga.
-“Compañeiro sei tocare…”
-“Compañeiro que sabes tocare?”
Categoría: Xeral - Publicado o 02-03-2011 22:19
# Ligazón permanente a este artigo
"Tamén a choiva"
Poden pasar moitos días e mesmo meses sen que poidamos ver nas tres salas de Multicines A Mariña de Viveiro unha película que pague a pena. Estes días tivemos a oportunidade de ver o filme de Iciar Bollaín que veu paliar algo este estado de abandono que padecemos en Viveiro.
Para poder ver “ 18 comidas”, a película de Coira, tiven que aproveitar unha viaxe a Lugo pois ás salas de Viveiro non deu chegado. Ás veces indago na carteleira comercial e nada atopo de interese. Abondan, iso si, películas ianques para estupidizar adolescentes…
Por iso aproveito para lles recomendar a última obra de Bollaín. A película dentro da película. A colonización americana por parte do imperio español e a guerra da auga, na Bolivia do ano 2000. Unha mistura da colonización imperial do XV coa do XXI.
Non perdan a ocasión e vaian ao cine.
Categoría: Xeral - Publicado o 20-02-2011 13:09
# Ligazón permanente a este artigo
Aja e a Coca ( e II )
E que dí Víctor J. Sanz? Lemos en “ A edulcorada publicidade de Coca-Cola”
“Por cada persoa corrupta hai 8.000 doando sangue”.
"Novamente estamos diante duna comparación desafortunada… e falsa. Segundo un informe da Organización Mundial da Saúde, en 2007 recolléronse 85.000.000 doacións de sangue en todo o mundo. Polo tanto, segundo Coca-Cola, en todo o mundo debe haber apenas unhas 10.600 personas corruptas. Ridículo, verdade?
(… ) sinxelamente, non saen as contas. Mesmo no caso de que cada persoa corrompíbel estivera emboscada por 15 individuos desa caste, os 10.600 contaríanse en EEUU e iso, desde o punto de vista estadístico e lóxico, é imposibel (…).
“Por outra parte, imaxínome á dirección o PP redactando agora mesmo un comunicado no que exprese a súa "oposición" a esta comparativa que ningunea a moitos dos seus dirixentes, deixandoos sen o seu merecido posto entre os 10.600”.
Categoría: Xeral - Publicado o 14-02-2011 22:10
# Ligazón permanente a este artigo
Aja e a Coca ( I )
Se o candidato Aja piratea o último vídeo da Coca-Cola e despois de o manipular colga o enxendro no seu blog co título " Viveiro necesita un cambio", a unha non lle queda outra que copiar e pegar o que dí Víctor J. Sanz sobre as comparanzas desatinadas e falsas que fai a multinacional e que espalla Aja.
E como unha non ten vocación de estupefaciente, nen colga aquí o vídeo da coca nen dá as señas do blog do ex.
Categoría: Xeral - Publicado o 14-02-2011 21:23
# Ligazón permanente a este artigo
A culpa foi do Cha-cha-chá
“La culpa fue del Cha-cha-chá,
si, fue del Cha-cha-chá
que me volvió un caradura
por la más pura casualidad “

( Gabinete Caligari, 1989 )

RECEITA:
Bótaselle a culpa ao outro. Propágase o embrollo. Os Medios, pican. Axítase uns cantos días e…xa temos un novo demo que se chama Interventor.

TRATAMENTO:
Absterse de informar sobre cantos cartiños se deben. Pasar de facer o obrigatorio Orzamento para saber o que se pode ingresar e gastar. Vivir de aclamación en aclamación. Distrair á parroquia en saraus. Berrar de cando en vez: “Ai vén o lobo!”.

- "E si facemos fresbanquin?"

Categoría: Xeral - Publicado o 05-02-2011 12:58
# Ligazón permanente a este artigo
Arrincada de cabalo...
...e parada de burro.

Con Álvarez Cascos falábase—lembran?—do AVE do Cantábrico. Despois os do $OE marearon a perdiz co do “mini-AVE” que disque ían duplicar a vía e a incrementar a velocidade do tren até os 160 Km/h.
E agora Fomento ( ola don Pepito!...) conxela o plan.

Tanta planificación para nada.
A esta xentalla do PPOE houbolles quedar o cu descansado.
Categoría: Xeral - Publicado o 01-02-2011 17:42
# Ligazón permanente a este artigo
Panexírico
Confésolles que son unha lectora ben anárquica. Vou do libelo á gabanza sen estación intermedia. E a última prosa laudatoria que caeu nas miñas mans lembroume os ripios de don Xan da Cova, perito agrimensor ourensano inventor do trampitán e do pirandárgallo.
( Algún día—prométollelo—hei escribir, máis polo miúdo, sobre este vate ).
Don Xan da Cova versificaba:

“El mundo está claudicante,
prevaricada la gente,
las virtudes en menguante
y los vicios en creciente”.


E por iso que son de agradecer, neste mundo claudicante, panexíricos como o publicado esta semana. O político louvado é un home leal é virtuoso. Merece unha estatua...

-Ecuestre?

-Cuestre lo que cuestre!
Categoría: Xeral - Publicado o 29-01-2011 15:21
# Ligazón permanente a este artigo
27 de xaneiro de 2011
Categoría: Xeral - Publicado o 26-01-2011 20:27
# Ligazón permanente a este artigo
© by Abertal