Viveireando


Sitio onde se conserva algunha cousa e donde se propaga.

Contacta
viveireando@gmail.com
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

Cousas que leva o Landro ( II )
A algún dos Concentrados en Naseiro chegoulle ao vivo tanta sobredose de radio-cassette e farto de escoitar millenta veces A Cabritiha guindou o aparato ao río.
E aí temos, outravolta, ao sofrido pescador convertido en recolledor de lixo.
Categoría: Xeral - Publicado o 19-01-2009 22:00
# Ligazón permanente a este artigo
Cousas que leva o Landro ( I )
Navegando pola rede localizo unhas fotos. Son cousas que leva o río Landro. Maiormente despois da concentración de Naseiro. Desta vez o paciente pescador atopou mesa para catro.
Se picaron ou non os peixes nada soubemos. Iso si, o home xa ten mesa.
Categoría: Xeral - Publicado o 19-01-2009 21:02
# Ligazón permanente a este artigo
E tí de quen vés sendo?

Iso é o que algún visitante se pregunta. Outro—dínme—xa botou contas e coida que despexou o camiño.
Non o deixan a un viveirear en paz!
Categoría: Xeral - Publicado o 14-01-2009 20:20
# Ligazón permanente a este artigo
Fuxindo d ´O Bígamo

Así de relaxadas están elas. Parte da congregación ( non vou dicir a cal pertencen ) decansa na cafetaría da Estación de Autobuses. Fuxen da presentación-conferencia do cargante doctor Mosqueira ( alias O bígamo ) que se perpetra nun Ateneo próximo.
“Por onde veu que vaia!”, dixeron. Listas que son elas.
Categoría: Xeral - Publicado o 10-01-2009 16:43
# Ligazón permanente a este artigo
A Local xa ten vehículo novo
Comenza o novo ano e xa temos de que presumir. Pasados moitos meses do debate da proposta do concelleiro nacionalista para equipar á Policía Local con motocicletas ( o inxénuo de Goás Basanta mantén que así se melloraría o tráfico rodado ), xa temos vehículo novo. Houbo que agardar á subvención, mais aí está. Aparcado fronte ao edificio de Correos. Rápido, ecolóxico e manexábel. Nada de motos, que os axentes teñen que andar ao quente! Un vehículo para tempos de crise.
Que se amolen os do Bloque!
Categoría: Xeral - Publicado o 10-01-2009 15:13
# Ligazón permanente a este artigo
Acuso recibo
Quero compartir cos escasos seguidores que viveirean neste blog a felisitasión que oportunamente me chega da Consistorial.
Estámosche bos!
Categoría: Xeral - Publicado o 10-01-2009 13:51
# Ligazón permanente a este artigo
Nova escultura en Viveiro
Non. Non é unha nova figura do Belén de Viveiro. Trátase nen máis nen menos que do incansábel executivo da Empresa X que leva varios meses intentando cobrar. E así ficou na fachada da nova Consistorial. Despois de moito ir e vir, agarde que vén agora, volva vosté mañá e de escoitar a famosa canción na barra do bar : “ la culpa no es del cha-cha-chá, es del interventor ”.
Todo pola pasta. “Estálle ben—din no Concello—por meter os fociños onde non debe!".
Categoría: Xeral - Publicado o 29-12-2008 18:55
# Ligazón permanente a este artigo
ApoIU
Remata o ano é, aleluia!, o de IU xa pode demostrar que o seu apoio aos orzamentos do seus ex está xustificado. Estes días concluiron os traballos de pintado da nova instalación deportiva que servIU para que o excompañeiro lles dera o seu voto. Vaia esta imaxe como demostración. Non é a pista que el pidIU, mais é un magnífico campo de fútbol non moi lonxe de onde el a quería.
Nunca tal se vIU!
Categoría: Xeral - Publicado o 24-12-2008 12:57
# Ligazón permanente a este artigo
Que me baixo!
Andan a voltas agora cos pasos elevados para peóns. Que si están mal construidos, que si provocan desperfectos nos autos...Dín nos papeis que un concelleiro do PPOE ( sector PP ) vai levar o asunto ao salón de plenos. Tremendo debate. Mentras seguen a discutir sobre o sexo dos anxos, Viveiro soporta unha rede viaria do século XIX. Non hai circunvalacións e todo o tráfico rodado pasa pola Travesía. Onde vai o prometido desdobre da Variante? E a vía de alta capacidade Ferrol-San Cibrao?
Que paren o mundo, que me baixo!
Categoría: Xeral - Publicado o 17-12-2008 22:15
# Ligazón permanente a este artigo
A cabalo por Celeiro
Leva moito tempo a rúa Lavandeiras de Celeiro empantanada cunhas obras interminábeis. Meses e meses con valados amarelos por todas partes e tapas dos rexistros sen colocar. Tanto abandono ten obrigado a unha das dúas conserveiras a
volver a utilizar as súas antigas carruaxes de reparto para así poder superar mellor a carreira de obstáculos. Compróbeno nesta fotografía feita hai quince días.
Despois de tanta promesa incumprida os chilindrís téñeno claro. Disque moitos xa non se fían de Melchor e só se queren cartear con Gaspar e Baltasar.
Arre cabalo!

Categoría: Xeral - Publicado o 14-12-2008 13:06
# Ligazón permanente a este artigo
© by Abertal