Viveireando


Sitio onde se conserva algunha cousa e donde se propaga.

Contacta
viveireando@gmail.com
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

Cagada
Verídico. Así cachamos a este animal nun espazo público de Viveiro. Antes facíano os donos. Agora recollen eles.
Animaliño!
Categoría: Xeral - Publicado o 15-06-2009 21:56
# Ligazón permanente a este artigo
Tempada de baños ( e III )
....sometido a un cursiño intensivo de Urbanidade na afamada Academia Minerva.
E aí o teñen, de bañista na praia de Seiramar, tomando o té das cinco e convertido nun refinado
voyeur.
Estar está como un rei nunha cesta!
Categoría: Xeral - Publicado o 04-06-2009 18:34
# Ligazón permanente a este artigo
Tempada de baños ( II )
E dos primeiros días do século pasado aos anos oitenta. Si, queridas, cando lles entrou a febre de canalizar ríos e regatos. Estas fabulosas obras de enxeñaría facilitan refrescantes actividades como a captada pola cámara na populosa Cantarrá ( Canal Cachelo I ) .
Despois…interviron as Policías todas, os Grumires, os Voluntarios de Protección Civil e Militar, os da Cofradía dos de Dentro… e levantou acta o Crónico Oficial de Ourol (vive no barrio).
O porco foi reducido e…
Categoría: Xeral - Publicado o 03-06-2009 19:09
# Ligazón permanente a este artigo
Tempada de baños ( I )
Agora que principiamos a tempada de baños nos areais, non está demais mergullarse no pasado.

“Art.28. No podrán bañarse juntas personas de diferente sexo. Entre los puntos en que lo verifiquen, habrá doscientos pasos. Vuelta la cara al mar ó rio, los varones se bañarán á la derecha y las hembras á la izquierda.”

( Concello de Viveiro. Ordenanzas municipais de 1902. Moral pública. )

Categoría: Xeral - Publicado o 02-06-2009 18:02
# Ligazón permanente a este artigo
Entre lusco-fusco

Facer a paseata, entre lusco-fusco, ao pé do mar calmo. Ficar con esta imaxe libre de recheos de cemento nesta tarde de xuño. Viveirear así paga a pena.
Categoría: Xeral - Publicado o 01-06-2009 23:45
# Ligazón permanente a este artigo
Véndese tandem

( Da sección de anuncios dun xornal)
"PoPulares venden tandem por non poder amañalo. Guiadores enfrontados. A dirección non responde (non é Leal ).Informa César, no Río dos Foles".
Categoría: Xeral - Publicado o 29-05-2009 17:41
# Ligazón permanente a este artigo
Camisola
Recibo correos nos que me preguntan onde venden a camisola de moda.
E, queridas amigas, confeso que non volo sei.
Probade pola Praza Maior…
Categoría: Xeral - Publicado o 27-05-2009 18:24
# Ligazón permanente a este artigo
A gravata ata
A carta, queridas, principia así:
“Después de tantos viajes juntos, tantos ratos conversando, compartiendo hotel, compartiendo mesa y mantel, departiendo entre cañas o vinos, comunicándonos los pequeños detalles cotidianos o políticos, después de compartir aquellas vespertinas pizzas, o de lucir tu primera corbata de mi ropero…”
E, queridas miñas, remata así:
“Tu antiguo amigo, al que no has dejado de perseguir y pronto vas a tener la oportunidad de encontrar “
CESAR AJA MARIÑO
Non. Non é esta a carta de César Aja a Leal. Esa publicaráse máis adiante. Esta fermosa epístola, publicada hoxe no semanario local, comenza así: “Estimado Melchor”.
Acudo ao refraneiro e atopo:
“Xa o decía o señor Aja: a gravata ata”
Categoría: Xeral - Publicado o 22-05-2009 20:52
# Ligazón permanente a este artigo
Non é unha escultura

Agora xa se sabe. Os artefactos que hai anos decoran a Travesía , fronte ao edificio do Conservatorio de Música, non son parte dunha escultura postmoderna como sostiñamos daquela. Son contedores de lixo soterrados.
Cando ninguén o agardaba apareceron traspapelados nun caixón do Concello uns planos que resultaron ser os duns contedores soterrados.
O concelleiro do Lixo ( RSU din os finos ) está que bota foguetes.
Agora, a agardar uns aniños máis. Que os técnicos interpreten os planos. Que a alcaldía elabore a correspondente “guia-burro”, que se perpetre a indispensábel roda coa Prensa …e o día menos pensado sorprenderános coa posta en marcha destes sofisticados equipos nunca vistos no hemisferio norte.
Como en moitas cousas: seremos os primeiros!
Categoría: Xeral - Publicado o 19-05-2009 19:36
# Ligazón permanente a este artigo
Melloramos

Aleluia! Xa podemos viaxar pola Mariña en globo, helicóptero ou submarino. Din que o presidente da Deputación de Lugo abriu hoxe estas novas posibilidades para nos comunicar por via aérea ou marítima. O corredor da costa xa é unha vía obsoleta. Melloramos.
Os servizos que funcionarán desde o mes de setembro ( horario de verán ) serán os seguintes:
En Globo (sempre que as condicións metereolóxicas o permitan ).
-Viveiro-Xove ( Residencia ): 9:30h./ 12:30h./ 16:30h e 18:30 h.
-Viveiro-Burela: (Hospital) : 9:30h./ 12:30h./ 16:30h e 18:30 h.
-Viveiro-Foz ( Marzán ): 9:30h./ 12:30h./ 16:30h e 18:30 h.
-Viveiro-Ribadeo (Alfándega): 9:30h./ 12:30h./ 16:30h e 18:30 h.
En helicóptero:
A partir das 9 horas e de cada 15 minutos desde o heliporto de Celeiro.
( Só Viveiro-Burela. Foz e Ribadeo non teñen heliporto)
En submarino:
Partirán da base de Bares de cada hora facendo escala en Celeiro, Portocelo e Burela.
( Nen Foz nen Ribadeo terán este servizo por carecer de calado nos seus portos).

Ainda hai quen pensa que estamos incomunicados!
Categoría: Xeral - Publicado o 12-05-2009 19:19
# Ligazón permanente a este artigo
© by Abertal