Viveireando


Sitio onde se conserva algunha cousa e donde se propaga.

Contacta
viveireando@gmail.com
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

Dúbida
Feitas as prácticas pertinentes na exposición “Por narices” e despois dun paseo polos dominios dos contedores de lixo nas rúas de Viveiro, boto man dun glosario que me ilustra así:

ulir: verbo neutro que se define no diccionario da RAG como "v.t. 1. Aplicar o sentido do olfacto para percibir o olor de [algo]. Ulir unha rosa. // v.i. 2. Despedir olor. Non ole a nada. Ole a tabaco".

cheirar: verbo sinónimo do anterior, pero que pode ter significado neutro ou ben indicar connotacións negativas (ulir mal). Nalgunhas zonas úsase cheirar como se usa feder noutras.

feder: este é o verbo utilizado máis comunmente para dicir que algo cheira ou ule mal. Sinónimos: alcatrear, apestar, gafar, imbrar.

Que palabra empregarei para falar da forte sensación que unha recibe cando pasa ao pé dun destes contedores de lixo?

Categoría: Xeral - Publicado o 02-10-2009 20:20
# Ligazón permanente a este artigo
Velocidade
O concelleiro de Facenda, Policía e Romaxes do bo xantar, falaba da rapidez coa que se teñen retirado os restos da batalla dos campos d´ O Naseiro.
Este autobombo faime lembrar o Groucho de Unha noite en Casablanca.
“…Si un cliente pide un ovo cocido en 3 minutos, darémosllo feito en 2. Si o pide en 2 minutos, darémosllo en 1. E si o pide feito nun minuto, darémoslle a galiña e que se encargue do resto”.
E o Orzamento, para cando?
Si me piden que presente o Orzamento do Concello no prazo dun mes, fareino en 15 días. Si mo piden en 15 días, dareillo nunha semana. Si mo piden nunha semana, dareilles o programa informático e que se encarguen eles de facelo”. ( Da película Unha Casa sen blanca ).
Categoría: Xeral - Publicado o 23-09-2009 00:43
# Ligazón permanente a este artigo
A medio pintar

Agora que medra a noite e merma o día é cando máis se necesitan ben pintados. E non a medias como están nesta altura a maior parte deles. Ás veces non se sabe se o pixama é negro con raias brancas ou branco con raias negras.
E moito pedir que repinten os pasos de peóns?
Categoría: Xeral - Publicado o 22-09-2009 23:37
# Ligazón permanente a este artigo
Si home si
Algunhas lembraredes aquel estúpido slogan dos anos setenta “ Vivero, la ciudad que siempre ríe”. Vén isto a conto porque agora andan a espallar pola radio outra asneira polo estilo, supoño que referida á Calella do Muro. Disque temos “a rúa máis estreita de España”.
Si home si.
E vanlle instalar semáforos.
Como os radioouvintes son moi crédulos e empreñan polas orellas…

Categoría: Xeral - Publicado o 20-09-2009 12:57
# Ligazón permanente a este artigo
Queremos carril-bici
As que utilizamos este medio de transporte botamos de menos os carris reservados para bicicletas. Hoxe en Viveiro xa resulta perigoso viaxar en dúas rodas por moitos traxectos urbanos: unha porta dun auto que se abre xusto cando pasas, ese monstro de catro eixos que che adianta rozando…
Despois de que os de Costas perpetrasen tanto paseo marítimo, en nengún deixaron espazo para circularen con seguridade peóns e ciclistas.
Son paseos feitos de Costas... aos ciclistas.
Categoría: Xeral - Publicado o 20-09-2009 12:16
# Ligazón permanente a este artigo
De estatuas

Comenza a etapa da estatuaria. Instalado xa o canón ( lombarda ) na rotonda da Ribeira estúdanse ubicacións onde colocar novas esculturas. A seguinte está patrocinada pola empresa que xestiona as augas e vai ir nunha beirarrúa ( onde dificulte o paso pois así chamará máis a atención ). “Quer ser—dixo, tapándose o nariz, a concelleira de Estatuas, Parques e Xardíns—unha merecida homenaxe á empresa que tan eficazmente contribue nas rúas a estinular o noso sentido do olfato”.

Categoría: Xeral - Publicado o 31-08-2009 20:55
# Ligazón permanente a este artigo
Na Retorta

Da prensa de hoxe:
O concelleiro do BNG vén de se interesar pola situación na que se atopa o Souto da Retorta. Segundo o nacionalista a paraxe está abandonada, con árbores derrubadas e con estragos nalgunhas partes do camiño paralelo á canle.

Hai pouco, un veciño reclamaba na prensa intervir n´Os Castelos, no areal de Covas, para refacer con cemento as pontes do que un día quixo ser Club Náutico.

Que se amañe canto antes o do Souto da Retorta.
Que ninguén interveña n´Os Castelos de Covas.

Basta xa de cemento!
Imaxinan, amigas, a O Avó da Retorta furado como a árbore da foto?


Categoría: Xeral - Publicado o 28-08-2009 21:09
# Ligazón permanente a este artigo
Bruto ( II )

Continuamos coa historia
Bruto, como outros catro pretores locais, non estaba satisfeito co estado da República. César seguía aínda como ditador perpetuo e tiña aprobado varias leis que concentraban o poder nas súas mans. Bruto organizou unha conspiración xunto co seu amigo Cayo P. Longino e outros ediles. Nos idus de marzo, na Curia de Río dos Foles, un grupo de pretores intentaron eliminar a César…
.................................................
Na Hemeroteca do The Vivarium Herald puidemos ler varios capítulos dunha obra drámatica por entregas, da que non se coñece a autoría e que está incompleta, inspirada nestes tristes sucesos. Nunha destas entregas ( a XXVIII, concretamente ) figura a famosa frase Tu quoque, Brute, fili mi ( Ti tamén, Bruto, fillo meu ).
Ao carecer de datos sobre o remate desta historia , queridas miñas, deíxovos polo momento co suspensus. Aló polos idus de outubro, se os deuses nos son propicios, poñerémoslle o ramo.
Categoría: Xeral - Publicado o 28-08-2009 18:26
# Ligazón permanente a este artigo
Bruto ( I )
Recibín moitos emails comentando a reseña que fixen sobre A cava de Illán. Tantos, que unha está sopesando o de se dedicar por enteiro á crítica tabernaria. Algunhas destas lectoras pídenme que as ilustre sobre a historia de Bruto. Recurro á Wikipedia ( xa saben, non é moi fiable ) e copio:

Bruto ( circa 1950 d. d. C. ), xestor de Vivarium na etapa final da República. Foi un dos conspiradores que intentaron, mais semella que sen éxito, a eliminación de César nos idus de marzo do 2009 d. d. C.

Logo da batalla do Folgueiro entre os seguidores de Bruto e Estacus ( que aspiraba a vexetar como pretor en San Marcos ), Bruto escribeu a César pedíndolle clemencia e este perdonouno e mandouno a África a facer fotocopias.
( Continuará )
Categoría: Xeral - Publicado o 28-08-2009 15:07
# Ligazón permanente a este artigo
Máis retretes!
Envíame un correo unha reivindicativa romeira d´ O Naseiro. Trascribo: " Menos watios e más wateres".
Fago as miñas xestións coa Policía Local encargada do evento e confírmanme que para o ano vindeiro o modelo de escusado vai ser o da foto.
"Co papel que aforramos dos sobres das tómbolas--dinme un alto mando da organización--o servizo vai estar garantido e van ter papel dabondo".

A xestión está feita, señora.
Categoría: Xeral - Publicado o 27-08-2009 13:03
# Ligazón permanente a este artigo
© by Abertal