A.V.V. A Cutareira de Torás-A Laracha



acutareira@yahoo.es
 CATEGORIA
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Cartaz do acto de presentación de Unha volta polo pasado

Comentarios (0) - Categoría: Actividade - Publicado o 11-03-2011 21:25
# Ligazón permanente a este artigo
Unha volta polo pasado

Desde “A Cutareira”, conscientes da necesidade e da importancia de conservar e facer visíbel a memoria colectiva da nosa parroquia e do concello da Laracha, decidimos tomar a iniciativa para crear un arquivo fotográfico que reflectira o patrimonio humano e cultural da parroquia. Deste xeito poderemos coñecer parte do noso pasado máis inmediato a través das imaxes que foron recollidas durante as décadas dos 50 aos 70 e observar como en poucos anos foi mudando o aspecto do noso concello, costumes e tradicións.

Por todo isto, o pasado ano comezamos a traballar na edición dun libro que finalmente fica composto por 399 instantáneas da parroquia de Torás procedentes, case todas elas, dos albums que a propia veciñanza nos prestou.

Poderemos observar como en poucos anos o aspecto do noso concello foi mudando, así como os costumes e as tradicións. As imaxes trasládannos aos anos 50 e lémbranos como era antes A Laracha: os tendidos eléctricos dos antigos trolebuses, as tardes de fútbol no campo da Laracheira e no da Brea, as procesións, as multitudinarias romarías de San Roque, a emigración, as festas, as escolas, os oficios, os cambios do aspecto da parroquia...

Para a edición deste libro contamos coa especial colaboración de Xan Fraga, profesor, escritor e historiador carballés, que sitúa a obra no tempo mediante un escrito de introducción.

Do mesmo xeito María Rei, presidenta da asociación cultural larachesa "Quinta Feira" tamén escribe un artigo a xeito de introdución.

Venres 18, ás 8 da tarde, no Pub D'Antón.
Comentarios (0) - Categoría: Actividade - Publicado o 05-03-2011 08:37
# Ligazón permanente a este artigo
Xa temos portada para o libro.
Esta é a portada do libro que moi axiña verá a luz e no que levamos traballando dende o pasado ano. De momento non podemos dar máis información, tan só dicir que agardamos podelo presentar publicamente neste mes de marzo e que en breve periodo de tempo informaremos con todo detalle.


Comentarios (0) - Categoría: Actividade - Publicado o 03-03-2011 14:06
# Ligazón permanente a este artigo
Os prexuízos lingüísticos ao descuberto
Vídeo montaxe que compara a actitude acomplexada, froito de prexuízos, dunha participante de “Gran Hermano” cos resultados do célebre experimento: The Clark doll experiment.

Prexuízos lingüísticos - Prexuízos raciais.




Comentarios (0) - Categoría: Lingua - Publicado o 02-03-2011 22:56
# Ligazón permanente a este artigo
Reaccións á visita do Conselleiro de Educación ao Otero Pedrayo
A visita ao Otero Pedrayo feita onte polo Conselleiro de Educación non ficou indeferente para a veciñanza larachesa.

O BNG da Laracha cualifica de "propagandística" a visita do conselleiro de Educación ao Colexio Otero Pedrayo en plena precampaña de eleccións municipias e lembran que “nos orzamentos da Xunta non hai previsto nin un só euro, e as propostas do BNG para que se incluísen as partidas económicas foron rexeitadas polo PP".

A falta de concreción producida polo propio conselleiro ao non fixar prazos de execución, a falta de dotación orzamentaria para este proxecto así como as declaracións ultraconservadoras feitas aos medios que aparecen na foto xeneraron moitas dúbidas e desconfianza entre a propia veciñanza.

A ANPA denuncia que o centro non reune as condicións mínimas de habitabilidade. Entre as súas demandas están a construción dun novo edificio, a eliminación de barreiras arquitectónicas, instalación de pasarelas cubertas para a entrada ao comedor, unha rede WIFI, adquisición de equipos informáticos…

Varias décadas despois, o colexio aínda segue sen contar cun pavillón cuberto para un axeitado desenvolvemento das actividades escolares e os accesos exteriores ao centro carecen de beirarrúas até a entrada. Tampouco hai prazas de aparcadoiro suficientes.

No seguinte vídeo, elaborado con recortes de prensa, fica de manifesto o desmantelamento a que se ven sometidos os centros públicos de ensino dende comezo do curso; un dos máis conflictivos que se recordan.


Comentarios (0) - Categoría: A Laracha - Publicado o 02-03-2011 13:25
# Ligazón permanente a este artigo
Anuncian melloras no Otero Pedrayo
Jesús Vázquez anunciou que a Consellería de Educación e Ordenación Universitaria vai realizar un proxecto para dotar a este centro educativo cun novo edificio no que serán habilitadas nove aulas, o que permitirá renovar as instalacións e aumentar o espazo dispoñible para os perto de cincocentos alumnos que anualmente cursan os seus estudos no CEIP Ramón Otero Pedrayo. A ese novo módulo sería trasladada a actividade que actualmente se desenvolve no edificio número 1, que foi construído a mediados dos anos ’70.

Ler máis...
Comentarios (1) - Categoría: A Laracha - Publicado o 01-03-2011 11:49
# Ligazón permanente a este artigo
Axudas para fillas/os menores de 3 anos
A Xunta de Galiza ven de publicar no DOG as bases para a concesión de axudas para quen teña fillas/os menores de 3 anos de idade.
A contía da prestación será de 360€ por cada filla/o.

DESTINATARIAS/OS (entre outras): a quen teña fillas e fillos menores de tres anos a data 1 de xaneiro de 2011 e que ningún membro da unidade familiar estivesen obrigados a presentar a declaración polo IRPF correspondente a este período, nin a tivesen presentado de xeito voluntario aínda sen estar obrigados a iso.

DOCUMENTACIÓN A PRESENTAR
-Fotocopia do libro de familia ou certificación literal de nacemento do Rexistro Civil de cada un das fillas ou fillos menores de tres anos.

-Certificado de empadroamento conxunto de toda a unidade familiar.

-Copia da sentenza de nulidade, separación ou divorcio e do convenio regulador, de ser o caso.

- Nos supostos de adopción ou acollemento, copia da resolución xudicial ou administrativa que a declare.

-Fotocopia da folla da cartilla de aforros na cal figure o número de conta en que se desexe recibir o ingreso, e na cal deberá figurar como titular a persoa que asina a solicitude.

-Unha declaración do conxunto de todas as axudas solicitadas ou concedidas por este mesmo concepto por calquera administración pública, ou calquera dos seus organismos, entes ou sociedade (anexo II).

Podes completar a información dende aquí: Diario Oficial de Galiza
Comentarios (0) - Categoría: A Laracha - Publicado o 15-02-2011 18:31
# Ligazón permanente a este artigo
A capitalidade do concello está situada no lugar da Laracha, parroquia de Torás
Torás é unha das trece parroquias que forman o Concello da Laracha. Cunha superficie de 5 Km2 é a parroquia máis poboada con 3.083 habitantes (a 8 de marzo de 2007). Consta dos seguintes lugares: A Barreira, O Campo, A Cheda, Estramil, O Froxo, Gabenlle, A Gándara, A Ganduma, Guilfoi, A Laracha, Leborís, A Miñoteira, Mirón, A Ponte, A Portela, Riotorto, Torás, As Torres de Cillobre, Troa e Vilasuso.

Linda ao norte coa parroquia de Lendo e co Concello de Arteixo, ao sur coas parroquias de Vilaño e Golmar, ao leste con Lestón e Coiro e ao oeste con Cabovilaño e Vilaño. É precisamente nesta parroquia onde se encontra a capital municipal, A Laracha.

A familia dos Mariñas, exerceu o seu dominio na Laracha, desde o século XIV, boa parte do territorio que hoxe é o noso Concello. Desta época son as desaparecidas Torres de Cillobre, que nun principio eran unha construción defensiva e que se converteron, posteriormente, en casa señorial.

As Torres de Cillobre e os seus donos, a familia Pardo das Mariñas, xogaron un papel determinante na historia medieval e moderna da bisbarra. O primeiro señor de Cillobre do que se ten constancia foi Martín Sánchez das Mariñas, que aparece nun documento de 1416, cando o rei Juan II tomou baixo a súa protección ao mosteiro de Soandres a petición do seu abade Fernán García. A intención do rei era que tanto este nobre como o seu fillo, Ares Pardo das Mariñas, deixasen a encomenda dos bens que tiñan do mosteiro polos abusos cometidos. Isto pon de manifesto a antigüidade das Torres de Cillobre, aínda que na actualidade só fiquen en pé parte dos muros da casa-pazo -cercada por unha parede de pedra-, e a capela de San Roque, que foi restaurada recentemente.

Outro dos cabaleiros desta liñaxe foi Diego das Mariñas, que levou o título de Señor de Cillobre. Foi o primeiro capitán xeral do Reino de Galicia, despois de que os Reis Católicos decretasen que ningún galego podía exercer este alto cargo. Ademais da familia dos Mariñas, habitaron esta casa a familia Bolaño, os Ribadeneyra, os Parragués, os Soutomaior e os Moscoso.

Precisamente o escudo do concello da Laracha fai referencia a estas antigas fortificacións (xunto coas Torres do Viso en Montemaior) lembrando así aos momentos máis significativos do noso pasado e proporcionan unha información relevante para coñecer mellora historia do concello.

Á época castrexa deixou unha acentuada presenza no noso concello. Actualmente dun total de 19 recintos castrenses distribuídos por todo o concello, dous están localizados nesta parroquia: O Castro de Gabenlle (Gabenlle) e Petón do Castro en Riotorto (Torás).

Fonte de información: Concello da Laracha


Comentarios (0) - Categoría: A Laracha - Publicado o 14-02-2011 21:04
# Ligazón permanente a este artigo
Outro mundo é posíbel: Marinaleda.
Marinaleda é unha vila andaluza, concretamente da provincia de Sevilla. Está gobernado por xente de esquerdas e republicana. Nesta reportaxe, o seu alcalde Juán Manuel Sánchez é entrevistado para o programa "Salvados" de "La Sexta" e este vídeo ofrécenos a posibilidade de comparar o sistema de goberno deste concello con calquera dos demais.

Se isto se pode facer dende un concello, que non se poderá facer dende o goberno dunha comunidade autónoma e xa nin digamos dende o goberno dun estado?

Comentarios (0) - Categoría: Queremos saber - Publicado o 02-02-2011 15:26
# Ligazón permanente a este artigo
Comprar, tirar, comprar.
Baterías que morren aos 18 meses de ser estreadas, impresoras que se bloquean ao chegar a un número determinado de impresións, lámpadas que se funden ao mil horas... Por que, a pesar dos avances tecnolóxicos, os produtos de consumo duran cada vez menos?

Hai moito tempo, os produtos de consumo masivo fabricábanse para durar. Pero cara á década de 1920, un grupo de empresarios déronse conta de que canto máis duraban os seus produtos, menos diñeiro gañaban eles. E así naceu o que se chama a obsolescencia programada, a redución deliberada da vida dun produto para incrementar o seu consumo. Desde entón, os fabricantes deseñaron os seus produtos para fallar.

O documental, dirixido por Cosima Dannoritzer e coproducido por Televisión Española, é o resultado de tres anos de investigación, fai uso de imaxes de arquivo pouco coñecidas; achega probas documentais e mostra as desastrosas consecuencias ambientais que se derivan desta práctica.

Comentarios (0) - Categoría: Queremos saber - Publicado o 27-01-2011 18:07
# Ligazón permanente a este artigo
[1] ... [4] [5] [6] 7 [8] [9] [10] ... [33]
© by Abertal