A.V.V. A Cutareira de Torás-A Laracha



acutareira@yahoo.es
 CATEGORIA
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Sabemos realmente que pasou o 11-S?
Desde a A Cutareira pretendemos dar a posibilidade, ás mentes máis inquedas e incorformistas, de coñecer distintas versión ao ocorrido hai agora 10 anos nos titulados “Atentados do 11-S”. A globalización informativa, case sempre ao servizo dos intereses de grandes poderes económicos, ofrecen puntos de vista que en moitas ocasións distorsionan a realidade, monopolizando a información negándonos o dereito a una información veraz.
Facemos fincapé, una vez máis, en que o que pretendemos e dar a coñecer un punto de vista distinto que os medios convencionais non dan. Que cada quen forme a súa propia opinión.


Xa pasaron 10 anos desde que aconteceron os tráxicos sucesos do 11 de setembro 2001. A maioría da opinión pública é unánime: o goberno dos Estados Unidos deixou claro que había algo que ocultar. Moita xente, sexan funcionarios da Casa Branca ou encargados da loita contra o terrorismo, antigos membros da Comisión Nacional de Investigación, moitos deles, foron pouco a pouco desvinculándose dunha versión oficial que simplemente non ten sentido. O analista norteamericano Wayne Madsen, antigo experto en intelixencia do goberno de EEUU na National Security Agency (NSA) relata esta ampla operación de encubrimento. Ler máis...



Thierry Meyssan, presidente da Red Voltaire, periodista e autor do Best Seller traducido a 27 linguas «La Gran Impostura. Ningún avión se estrello en el Pentágono»: "No atentado sobre o Pentágono, hai tantas contradicións na versión oficial, que tememos que ela tende a ocultar outra realidade". Ler máis...
Comentarios (0) - Categoría: Queremos saber - Publicado o 11-09-2011 11:47
# Ligazón permanente a este artigo
A reforma da Constitución
MANIFESTO "NON A ESTA REFORMA DA CONSTITUCIÓN"

O acordo alcanzado para acometer unha reforma constitucional “exprés” vén precedido dunha actividade especulativa desmedida contra as emisións de débeda pública, e de requirimentos formulados desde o Banco Central Europeo, unha institución monetaria cuxo funcionamento e sistema de escolla dos seus representantes carecen de lexitimidade e control democráticos.

Ao longo dos últimos anos vimos sufrindo as consecuencias que a ríxida política de redución do gasto público provoca ás persoas en situación máis desfavorecida e no deterioro de servizos públicos básicos, como a sanidade, os servizos sociais ou o ensino, ben como á nula contribución para a recuperación económica.


Ler máis...


Asinar o manifesto
Comentarios (0) - Categoría: Queremos saber - Publicado o 01-09-2011 21:56
# Ligazón permanente a este artigo
Debe haber un referendum?
Vicenç Navarro promove unha acción de recollida se sinaturas para solicitar un referendum para ratificar a Reforma da Constitución que acordaron mutuamente o goberno do estado (PSOE) xunto co PP.

VicenÇ explica que unha décima parte dos Deputados ou dos Senadores pode solicitar un referéndum vinculante sobre o estabelecemento dun límite ao déficit público e afirma que “limitar o déficit é limitar a inversión na sociedade. Con isto, o Goberno poderá deixar a persoas coma ti na cuneta. Pero podemos deter esta iniciativa.”

O Catedrático pensa que é moi importante a mobilización da cidadanía porque esa medida afectaría moi negativamente ao Estado do Benestar español que está hoxe financiado predominantemente a nivel das CCAA, e que limitar o seu gasto implicaría limitar o pouco desenvolvido Estado do Benestar. Tamén nos lembra que o estado español é un dos que menos gasto público social ten da Unión Europea.

Ler máis…

Vicenç Navarro foi Catedrático de Economía Aplicada Na Universidade de Barcelona. Actualmente é Catedrático de Ciencias Políticas e Sociais da “Universidade Pompeu Fabra” (Barcelona, España). É tamén profesor de Políticas Públicas en “The Johns Hopkins University” (Baltimore, EEUU) onde impartiu docencia durante 35 anos. Dirixe o Programa en Políticas Públicas e Sociais patrocinado conxuntamente pola Universidade Pompeu Fabra e The Johns Hopkins University. Dirixe tamén o Observatorio Social de España.
Comentarios (0) - Categoría: Queremos saber - Publicado o 27-08-2011 09:59
# Ligazón permanente a este artigo
17 de agosto, Día da Galiza Mártir
A Fundación “Alexandre Bóveda” fará entrega do premio “Galiza Mártir”, este mércores 17 de agosto a Xosé Álvarez Castro, da asociación pontevedresa de recuperación da memoria histórica “Sempre con vós, cidadanía pola verdade”, e autor do blog “Pontevedra nos anos do medo".

O premio que ven outorgando a Fundación desde o ano 2006 obedece ao fin de lle recoñecer a unha persoa, grupo de persoas ou entidades o labor de recuperación da memoria histórica no noso país. O acto de entrega levarase a cabo durante un xantar no Pazo da Cultura en Pontevedra após os actos de homenaxe que se lle tributan a Alexandre Bóveda ao longo da mañá na Caeira, lugar onde foi asasinado ese mesmo día hai agora 75 anos.

Alexandre Bóveda foi un dos grandes impulsores do Estatuto de Autonomía do 36 que o golpe de Estado do Xeneral Francisco Franco impediu que se fixera efectivo esmagando así os desexos e as ilusións do Pobo Galego de contar cun Estatuto para o noso país. Mais canda os desexos de prosperidade para a Galiza tamén foron truncadas as vidas de moitos galegos por defenderen as ideas de progreso e liberdade que promovía unha república votada democraticamente.

Bóveda foi detivo polos militares sublevados contra República, acusado de “traizón” o 20 de xullo e condenado a morte o 13 de agosto dese ano cando contaba con tan só 33 anos. Na súa declaración final que lle obrigaron a asinar transcrita ao castelán, dicía:
"A miña patria natural é Galiza, ámoa fervorosamente. Endexamais a traizoaría aínda que me concedesen séculos de vida. Adóroa máis alá da miña morte. Fixen canto puiden por Galiza e faría máis se puidese".


Vídeo do acto de homenaxe na Caeira coas Intervencións de Silvia Díaz (Concelleira de Cultura de Poio), Fernando Quintela (Presidente da Fundación "Alexandre Bóveda"), Amalia Bóveda (Filla de Alexandre Bóveda) e Xosé Luís Bóveda (Fillo de Alexandre Bóveda)
Comentarios (0) - Categoría: Queremos saber - Publicado o 16-08-2011 21:02
# Ligazón permanente a este artigo
Non somos mercadorías en mans de políticos e banqueiros
Baixo o lema “Non somos mercadorías en mans de políticos e banqueiros”, a cidadanía organízase e fai un chamamento para acudir ás distintas convocatorias previstas para o vindeiro 15 de maio ás 18:00h en distintas cidades do estado español. Recentemente no país veciño, Portugal, tivo lugar un movemento social que foi que de convocar milleiros de persoas que en todo Portugal se manifestaron pacificamente contra as políticas aplicadas polos gobernos neoliberais xerando cada vez máis desigualdade social, ricos máis ricos pobres máis pobres.

Nestes actos preténdese denunciar os abusos ao que nos someten os poderes económicos e financieiros aliados cos partidos políticos maioritarios provocando a precaria situación en que nos encontramos actualmente a clase traballadora. Ante este futuro dasalentador esixirase un cambio de rumbo.

MANIFESTO


“Somos persoas normais e correntes. Somos coma ti: xente que se levanta polas mañás para estudar, para traballar ou para buscar traballo, xente que ten familia e amizades. Xente que traballa arreo todos os días para vivir e darlles un futuro mellor a quen nos rodea.”

"Os cidadáns somos parte da engrenaxe dunha máquina destinada a enriquecer unha minoría que non sabe nin das nosas necesidades. Somos xente anónima, pero sen nós, nada disto existiría, pois nós movemos o mundo."

"É necesaria unha revolución ética. Puxemos os cartos por riba do ser humano, mais temos que pólos ao noso servizo. Somos persoas, non produtos do mercado.
" Ler o manifesto completo aquí

Comentarios (1) - Categoría: Queremos saber - Publicado o 26-04-2011 21:24
# Ligazón permanente a este artigo
Outro mundo é posíbel: Marinaleda.
Marinaleda é unha vila andaluza, concretamente da provincia de Sevilla. Está gobernado por xente de esquerdas e republicana. Nesta reportaxe, o seu alcalde Juán Manuel Sánchez é entrevistado para o programa "Salvados" de "La Sexta" e este vídeo ofrécenos a posibilidade de comparar o sistema de goberno deste concello con calquera dos demais.

Se isto se pode facer dende un concello, que non se poderá facer dende o goberno dunha comunidade autónoma e xa nin digamos dende o goberno dun estado?

Comentarios (0) - Categoría: Queremos saber - Publicado o 02-02-2011 15:26
# Ligazón permanente a este artigo
Comprar, tirar, comprar.
Baterías que morren aos 18 meses de ser estreadas, impresoras que se bloquean ao chegar a un número determinado de impresións, lámpadas que se funden ao mil horas... Por que, a pesar dos avances tecnolóxicos, os produtos de consumo duran cada vez menos?

Hai moito tempo, os produtos de consumo masivo fabricábanse para durar. Pero cara á década de 1920, un grupo de empresarios déronse conta de que canto máis duraban os seus produtos, menos diñeiro gañaban eles. E así naceu o que se chama a obsolescencia programada, a redución deliberada da vida dun produto para incrementar o seu consumo. Desde entón, os fabricantes deseñaron os seus produtos para fallar.

O documental, dirixido por Cosima Dannoritzer e coproducido por Televisión Española, é o resultado de tres anos de investigación, fai uso de imaxes de arquivo pouco coñecidas; achega probas documentais e mostra as desastrosas consecuencias ambientais que se derivan desta práctica.

Comentarios (0) - Categoría: Queremos saber - Publicado o 27-01-2011 18:07
# Ligazón permanente a este artigo
Memorias dun neno labrego cumpre 50 anos
O máis vendido entre os mellor vendidos. Se a literatura galega ten un best-seller de seu, ese é “Memorias dun neno labrego”, saído do prelo na Arxentina tal día coma onte, un 5 de xaneiro, do ano 1961.
Medio século despois da súa publicación, a obra de Xosé Neira Vilas despachou 600.000 exemplares, foi traducida a 14 idiomas, entre eles o chinés, o ruso, o alemán ou o inglés, e coñeceu 31 edicións, a máis recente a que, co gallo da conmemoración dos 50 anos do texto, Galaxia ofrece coa cuberta orixinal de Luís Seoane.


Xosé Neira Vilas, di que "...cando un libro galego se traduce a outra lingua, por exemplo ao alemán ao inglés, importa pouco o autor,o que importa é que se diga, que se saiba, que eses lectores alemáns, ou ingleses, ou chinos, ou que sei eu, ou rusos,...que saiban que esa obra é traducida dun país desta esquina verde de Europa que ten unha lingua de seu, unha cultura de seu..."
Comentarios (0) - Categoría: Queremos saber - Publicado o 06-01-2011 12:57
# Ligazón permanente a este artigo
O Apalpador, o Papa Noel galego.
Desde distintos puntos do país estase traballando na recuperación e divulgación da figura do Apalpador. O vello Apalpador, ou Pandegueiro como se lle chama en partes do oriente ourensán, é unha figura lendaria galega que achega os agasallos aos nenos polas datas de nadal. Este xigante, de oficio carboeiro, baixaba das devesas e apalpaba as barriguiñas dos cativos. Se estaban cheas dicía: «así, así esteas todo o ano» e deixáballes unha presa de castañas. Senón calaba, pero deixáballes tamén as castañas.

O mito foi estudado por José André Lôpez Gonçález nalgunhas comarcas da alta montaña luguesa: no Courel, en Lóuzara e no Cebreiro.

Ligazón á páxina do APALPADOR

Descargar o APALPADOR en PDF

Comentarios (0) - Categoría: Queremos saber - Publicado o 21-12-2010 18:46
# Ligazón permanente a este artigo
S.O.S Sanidade Pública
A política sanitaria da actual Xunta de Galicia está a deteriorar e facer inviable economicamente o sistema sanitario público galego como paso previo a súa privatización.

Co argumento de que a crise económica obriga a reducir gastos e a buscar apoio no sector privado, a Consellería de Sanidade tomou dúas importantes decisións que supoñen un punto de inflexión para o futuro da sanidade pública galega:

Reducir o orzamento sanitario e dar entrada ao capital privado no financiamento e xestión das novas infraestruturas sanitarias recorrendo a...
ler máis.
Comentarios (0) - Categoría: Queremos saber - Publicado o 18-11-2010 19:10
# Ligazón permanente a este artigo
© by Abertal