A.V.V. A Cutareira de Torás-A Laracha



acutareira@yahoo.es
 CATEGORIA
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

II Mostra de Teatro




































A Asociación Veciñal "A Cutareira" da Laracha, presenta a II Mostra de Teatro mañán sábado, 12 de xullo, ás 20:00 na Casa da Cultura da Laracha.


O Taller de Teatro ven funcionando desde hai dous anos, baixo a dirección do actor e director Francisco Alvarellos e nel participan 18 mulleres da nosa asociación.

Nesta ocasión preséntannos unha serie de pezas curtas inspiradas nos entremeses clásicos que recollen diferentes aspectos da vida cotiá, porque a vida.... é teatro, puro teatro.


Desde a directiva da Cutareira, convidamos ás veciñas e veciños a compartir unha hora de espectáculo e humor.

Comentarios (0) - Categoría: Actividade - Publicado o 11-07-2014 18:34
# Ligazón permanente a este artigo
Apagouse a cachela do San Xoán 2014
Rematou o San Xoán, unha das noites máis máxicas e especiais do ano, e a máis curta. A demais de limparnos os meigallos e celebrar a chegada do verán, fixemos una festa veciñal. Un plan moi animado ao que se sumou máis xente da que agardabamos para, finalmente, saltar a cachela un número impar de veces, que non fose nin unha nin tres, e dende lados distintos cada vez.
Dicindo o consabido “cachela de San Xoán, que non me morda nin cobra nin can" tivemos coidadiño cos chimpos pois a cachela, aínda que xa tiña pouco lume, estaba acesa. E fume das herbas menciñeiras e aromáticas tamén colaboraba...
Na cachela queimáronse cousas que xa non facían falla e até alguén (Antón do Dantón) fixo fotos e vídeo dun moble do seu local reformado e do que quería facer a súa historia.
Agora, as veciñas e veciños xa están pensando na cachela do San Pedro.
Comentarios (0) - Categoría: A Laracha - Publicado o 24-06-2014 20:43
# Ligazón permanente a este artigo
Domingo de teatro do escracho coa nosa asociación de veciñ@s
Esta actividade espertou moito interese n@s soci@s da A.VV. de veciñ@s do noso concello.Cun amplo abano na idade d@s participantes, que poden chegar até 99 anos, pretendemos reivindicar a xustiza social tamén facendo teatro e mantendo o sorriso.
O domingo 30, ás 9 da noite, actuaremos na casa da cultura da Laracha.


Nesta nova actividade, impartida por Paco Alvarellos, descubrimos que a risa é unha potente ferramenta curativa. Ríndonos con todo o corpo provocamos a participación de 400 músculos, liberamos endorfinas, segregamos adrenalina, ventilamos os pulmóns (tamén chamados alegrías), relaxamos os músculos, tranquilizamos os nervios, evitamos os resfríos e aumentamos a vitalidade xeral.
Decatástesvos de que, entre todas e todos, cantos músculos facemos traballar?
Pois iso, xa que a risa é un estímulo eficaz contra o estrés, a depresión e a preocupación que provocan as medidas restritivas do goberno da Xunta de Galiza e de Madrid, continuamos ríndonos na actividade de teatro do escracho que organizamos nA Cutareira, único pase ás 9 da noite.
Comentarios (0) - Categoría: Actividade - Publicado o 29-06-2013 14:44
# Ligazón permanente a este artigo
O teatro: a nova actividade da A.VV. para adultos é un éxito incuestionábel.
O teatro é unha actividade que espertou moito interese das veciñas e veciños do noso concello.

Os martes, de 19:00 a 20:30 horas ensaiamos no escenario da salón de actos da casa da cultura.
Cun amplo abano na idade dos participantes, que pode abarcar dende os 18 aos 99 anos, pretendemos reivindicar a xustiza social tamén facendo teatro e mantendo o sorriso.
Comentarios (0) - Categoría: A Laracha - Publicado o 14-10-2012 17:11
# Ligazón permanente a este artigo
PROGRAMA PERCORRENDO GALIZA (Vigo, Pontevedra, Costa da Vela)
ASOCIACIÓN VECIÑAL A CUTAREIRA- A LARACHA

EXCURSIÓN PONTEVEDRA –VIGO
COSTA DA VELA.

DOMINGO 7 DE OUTUBRO.

09:00 horas

* Saída da explanada do Instituto.
* Visita á cidade de Vigo.
* Xantar no Pazo da Cultura de Pontevedra.
* Roteiro polo casco histórico de Pontevedra.
* Percorrido pola Costa da Vela.

21:00 horas

* Chegada á Laracha.

PREZO:

Autobús + xantar: socias/os 23 euros
(non socias/os 26 €, menores de 12 anos autobús gratis)

Reserva de praza:
Tlfnos:679 45 71 05 (Antón)
650 42 69 53 (Fernando)
981 60 50 30
Comentarios (0) - Categoría: A Laracha - Publicado o 01-10-2012 21:09
# Ligazón permanente a este artigo
Nova actividade de teatro e excursión
Benquerida veciña/o:

O vindeiro Martes 25 de Setembro celebraremos na casa da cultura do concello da Laracha unha asemblea extraordinaria da asociación, ás 20:00h en primeira convocatoria e ás 20:30h en segunda convocatoria, coa seguinte orde do día:

1. Actividade de teatro

(nova actividade para adultos)pretendemos reivindicar a xustiza social tamén facendo teatro e mantendo o sorriso. Porque? Pois porque nesta nova actividade, impartida por Paco alvarellos, descubriremos que a risa é unha potente ferramenta curativa. Ríndonos con todo o corpo provocamos a participación de 400 músculos, liberamos endorfinas, segregamos adrenalina, ventilamos os pulmóns (tamén chamados alegrías), relaxamos os músculos, tranquilizamos os nervios, evitamos os resfríos e aumentamos a vitalidade xeral.

Decatástesvos de que, entre todas e todos, cantos músculos faremos traballar?

Pois xa que a risa é un estímulo eficaz contra o estrés, a depresión e a tristura que provocan as medidas restrictivas do goberno da Xunta e de Madrid, imos rirnos na nova actividade de teatro que estamos organizando!

2.Excursión a Pontevedra

Hai dúas alternativas que rematan nun roteiro polo casco histórico de Pontevedra e xantar no Pazo da Cultura. Xa iremos concretando, pero adiantamos que o xantar costa 10 euros + IVE por persoa e o transporte outros 10 euros.

3.Varios

propostas, preguntas...


Agardando a túa asistencia, recibe unha forte aperta.

A Xunta Directiva
Comentarios (0) - Categoría: A Laracha - Publicado o 21-09-2012 17:36
# Ligazón permanente a este artigo
A cachela de San Xoán 2.012
Chegou o San Xoán unha das noites máis máxicas e especiais do ano, e a máis curta. Limpamos os meigallos, celebramos a chegada do verán e fixemos una paparota veciñal nunha leira da avda. López Astrai. Un plan completo ao que se pode sumou quen quixo.
Podes acceder aquí á galería de fotos.

Cousas a facer polo San Xoán:

Primeiro de todo, cómpre limpar os meigallos. Non se pode comezar o verán sen levar o corpo inmaculado, deixando lonxe de nós as meigas, os trasnos e os aparecidos, que no solsticio saen dos seus agochos para apoderárense da noite, tal e como conta a tradición.

O primeiro é achegarse a unha cachela aceso e saltala. Cómpre facelo un número impar de veces, que non sexa 1 nin 3, e dende lados distintos cada vez. Dicindo o consabido “cachela de San Xoán, que non me morda nin cobra nin can" e coidadiño cos chimpos pois a cachela, aínda acesa, pero con pouco lume, máis ben fume.
Nas cachelas poden queimarse todo do que queiras desfacerte, entre eles os meigallos hai que afumalos para liberarse deles.

A fecundidade e as herbas 'menciñeiras:

Porén, contra estes males da noite máxica non só se loita co lume, a natureza ofrece tamén valiosos antídotos: a auga e as plantas. As fontes coñecidas como milagreiras ven aumentados os seus poderes esta noite e o mar, ademais de librarte do mal de ollo ten facultades fecundadoras nunha noite coma hoxe.

Na tradición galega, a maternidade e o matrimonio teñen un papel moi importante nunha noite coma a de San Xoán, no mar cóntanse diversas tradicións para potenciar a fecundidade da muller, como a de bañarse á media noite ou deixarse mollar por nove ondas.

As herbas menciñeiras e aromáticas teñen tamén un papel importante e forman parte do último ritual da noite. Hai que recoller as herbas (san xoáns, herba luísa, anises, fiuncho, codeso, malvas, artemisa, etc.) antes do remate do día, póñense en auga e déixanse toda a noite 'ao sereo' para pola mañá, logo de que o orballo caese sobre a auga, empregala para lavar a cara e librarse así dos males que puidesen afectar, a pesar de todas as precaucións tomadas.

E a paparotas:

logo tamén están as paparotas para continuar coa tradición. Ás sardiñas asadas pingando o pan bergantiñán, podéndose engadir o, relativamente recente, churrasco e grolos de viño.
Comentarios (1) - Categoría: Actividade - Publicado o 16-06-2012 00:28
# Ligazón permanente a este artigo
A LINGUA a reflexión_un documentario de Xosé Bocixa


O que podemos resumir do video d@s representantes da Cultura Galega que subimos aquí e que é necesario mudar as condicións para deter os ataques contra o idioma que nos une, que nos identifica.
Comentarios (0) - Categoría: A Laracha - Publicado o 17-05-2012 01:30
# Ligazón permanente a este artigo
Un espectacular roteiro de 12 horas pola Costa Ártabra

Un espectacular roteiro de 12 horas pola Costa Ártabra, realizado pola nosa asociación, entre as rías de Ares e a de Ortigueira. Cen quilómetros de liña costeira coas combinacións paisaxísticas de mar e terra máis espectaculares do arco atlántico: tres rías (Ares, Ferrol e Cedeira), areais xenerosos en ondas e dunas, lagoas litorais e cantís.

Na ría de Ferrol, cabo Prioriño e un pouco máis ao norte o cabo Prior. Entre eles sitúase a praia de Doniños, que posúe a primeira das lagoas litorais características desta zona.

A meirande é a lagoa da Frouxeira, a única de augas salobres, situada na praia de Valdoviño. Alí fixemos un descanso para xantar.

Rematamos,despois da visita obrigada ás Fragas do Eume, cun relaxante paseo polo bonito casco histórico de Pontedeume.

Resumo da viaxe en fotos AQUÍ

Comentarios (0) - Categoría: Actividade - Publicado o 30-04-2012 19:56
# Ligazón permanente a este artigo
Novo roteiro: Costa Ártabra
ASOCIACIÓN VECIÑAL A CUTAREIRA- A LARACHA

PROGRAMA PERCORRENDO GALIZA:
EXCURSIÓN Á COSTA ÁRTABRA.


O Magnus Portus Artabrorum é o nome con que os romanos denominaron un lugar do ángulo noroeste da costa de Galiza, entre as rías de Ares e a de Ortigueira. Cen quilómetros de liña costeira coas combinacións paisaxísticas de mar e terra máis
espectaculares do arco atlántico: tres rías, areais xenerosos en ondas e dunas, lagoas litorais e cantís.

DOMINGO 29 DE ABRIL


PROGRAMA:

Este roteiro, de intenso contido, divídese en dúas sesións:

09:00. Saída da explanada do Instituto.

Pola mañán:
Visita a Ferrol e arredores (cabo Prior e Prioriño)

14:30 Xantar
(restaurante en Valdoviño)

Pola tarde:
Percorrido pola costa de Valdoviño:
Lagoa da Frouxeira, Pantín, Vilarrube,....
Visita a Moeche,Pontedeume, Parque Natural Fragas do Eume.
21:00 Chegada á Laracha.

PREZO:
Autobús: 8 euros (menores de 12 anos gratis).
Xantar: 12 euros.

Reserva de praza:
Tlfnos:679 45 71 05 (Antón)
650 42 69 53 (Fernando)
981 60 50 30
Comentarios (0) - Categoría: A Laracha - Publicado o 16-04-2012 18:14
# Ligazón permanente a este artigo
© by Abertal