Foi o primeiro libro, e saiu grazas a obter o premio de poesía "O Grelo". Publicouno a Deputación de Lugo, tivo unha distribución estraña. No ano 1991 chegou estar entre os finalistas do premio Esquío, cun título diferente. A portada é unha ilustración de Tokio e ten prólogo de Bernardino Graña.

Reseña de Miro Villar.

Un poema do libro:

Un poema de sangue non se fai nun minuto,
coma guerra que estoupa, enxéndrase nos anos,
cada dorido golpe arrinca do granito
das nosas mans as liñas que denuncian palabras.

Cada palabra un golpe e cada letra sangue,
cada paso na frente un século de ira,
cada morte de home, esperanza prometida
con base no vento que lle levou a fala.

E estes os alicerces da débil poesía;
estes os cimentos en que non construímos nada;
para que estas vigas de pesados cadáveres,
para que ser fillos de guerras acabadas.