acuática



Xanela de Marta Dacosta
acuatica07@gmail.com
 CONTIDOS
 OBRA
 ANTERIORES
 Arquivo
 BUSCADOR
 outras xanelas

non debería escribir un día coma onte

non debería escribir un día coma onte
posibelmente tampouco debería falar dun día coma onte

as sementes dos umeiros medrando canda a luz
e a primavera anunciándose insolente

o cansazo podía coas palabras, ou cos xestos
unha conversa era un traballo insoportábel

unha gota para estoupar pantanos

así que debería ter dado coa porta contra o día
trancando os corredores á luz dos que se achegan
pechando os ollos aos avisos inocentes
que se cravaron como cristais entre os dedos

non debería lembrar un día coma onte
posibelmente tampouco
debería falar
dun día coma onte
Comentarios (0) - Categoría: Dun lago escuro - Publicado o 02-09-2013 08:07
# Ligazón permanente a este artigo
Chuza! Meneame
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal
Acuática