A. C. Irmáns Suárez Picallo - Sada


Este blogue nace co obxecto de difundir a actividade da A. C. Irmáns Suárez Picallo, así como de recuperar e por a disposición do público diversos materiais de interese sobre o noso pasado,ao tempo que damos a coñecer os artigos escritos por Ramón Suárez Picallo e outros autores sadenses.
Estruturamos o blogue en varias seccións, nas que terán cabida noticias de actualidade sobre as nosas actuacións, artigos, textos históricos, fotografías...


Visitas (desde o 05/08/2010)





Únete a nós!
comisionsuarezpicallo@gmail.com
 CATEGORÍAS
 GALERÍAS FOTOGRÁFICAS
 RECOMENDADOS
 BUSCADOR
 BUSCAR BLOGUES GALEGOS
 ARQUIVO
 ANTERIORES
 DESTACADOS

PRESENTACIÓN ESTE VENRES DUN LIBRO EN SADA

Comentarios (0) - Categoría: Actividades - Publicado o 12-06-2014 11:00
# Ligazón permanente a este artigo
ACTO EN SADA CON MOTIVO DAS LETRAS GALEGAS 2014

Imaxes do acto organizado pola A. C. Irmáns Suárez Picallo con motivo do Día das Letras Galegas 2014 sobre as figuras de Xosé María Díaz Castro e Moncho Valcarce, e que contou coa intervención de Victorino Pérez Prieto.
Comentarios (0) - Categoría: Actividades - Publicado o 17-05-2014 16:01
# Ligazón permanente a este artigo
ACTO HOXE EN SADA (Sobre Moncho Valcárce)

Comentarios (0) - Categoría: Actividades - Publicado o 15-05-2014 20:04
# Ligazón permanente a este artigo
Presentación do libro A IDEA NA PALABRA
Ver resumo da RAG
Comentarios (0) - Categoría: Actividades - Publicado o 27-04-2014 13:53
# Ligazón permanente a este artigo
PRESENTACIÓN DO Nº 8 DE AREAL
Comentarios (0) - Categoría: Actividades - Publicado o 22-04-2014 22:42
# Ligazón permanente a este artigo
ACTO DO 14 DE ABRIL EN SADA

Comentarios (0) - Categoría: Actividades - Publicado o 13-04-2014 17:12
# Ligazón permanente a este artigo
XANTAR CON NEIRA VILAS
Onte, 23 de marzo, unha nutrida representación da A. C. Irmáns Suárez Picallo desprazouse a Gres -Vila de Cruces- para facerlle entrega a Xosé Neira Vilas do diploma de Socio de Honra da entidade, compartindo logo un xantar con autor de Memorias dun neno labrego.


Comentarios (0) - Categoría: Actividades - Publicado o 24-03-2014 10:17
# Ligazón permanente a este artigo
A ASOCIACION SUAREZ PICALLO VISITA A NEIRA VILAS EN GRES
COMPARTINDO MESA E MANTEL, EN GRES, CON NEIRA VILAS


Membros e simpatizantes da Asociación Cultural "Irmáns Suárez Picallo" desplázanse hoxe a Gres (Vila de Cruces) para saludar a Xosé Neira Vilas, visitar a sua Fundación e compartir mesa mantel na localidade ao tempo que lle testimoniamos unha vez máís o agradecemento pola amizade, xentil colaboración e singular consideración que manifesta coa nosa Asociación.
Comentarios (0) - Categoría: Actividades - Publicado o 23-03-2014 00:20
# Ligazón permanente a este artigo
DÉCIMO ANIVERSARIO DA MORTE DE LUISA VILLATA
Dez anos sen Luísa Villalta

Sermos Galiza


De repente, conmocionando o mundo literario no que ela estaba tan inmersa, morría o 6 de marzo de 2004 na Coruña a escritora e música Luísa Villalta. Autora dunha obra que visita poesía, narrativa, ensaio, teatro e xornalismo, o nome de Luísa Villalta agromaba nun sinfín de iniciativas que reclamaban dereitos e liberdades sociais e nacionais.
C.V.

No ámbito literario, social e político, Luísa Villalta implicaba o seu nome en causas que reclamaban a xustiza e a igualdade, de maneira singular, aquelas que defendían os nosos dereitos culturais e lingüísticos. Comprometida co movemento nacionalista, era fácil atopala recitando ou en reflexións compartidas en actividades organizadas por asociacións e entidades, entre elas, a Asociación de Escritores e Escritoras en Lingua Galega, da que formou parte da directiva, ou a Mesa pola Normalización Lingüística, á que tamén pertencía.

A súa participación activa no Foro Negro da cultura, nacido despois de que o Prestige atacara o país, foi un dos último exemplos da súa maneira comprometida de entender a cultura. Pouco antes, o seu era o nome dunha das persoas promotoras do Foro da Cultura Galega, coordinando a área de “Revisión Histórica e Análise Crítica da Cultura”, canda outros intelectuais e amigos como Xosé Mª Álvarez Cáccamo ou Ánxel Huete.

Profesora de Lingua e Literatura Galega, Luísa Villalta tíñase formado en Filoloxía Galego-Portuguesa e Filoloxía Hispánica na Universidade de Santiago mais tamén rematara estudos superiores de violín, chegando a formar parte, entre outras, da Xove Orquestra Galega. Desa unión entre a música e a poesía partirían varias das súas obras literarias, tanto líricas como ensaísticas, entre elas, O outro lado da música, a poesía, ou A lingua dos sons.

Letras de intervención

O carácter de intervención co que Luísa Villalta entendía a cultura agroma de maneira especial na súa presenza con artigos en diversas publicacións periódicas, entre elas, Man Común, a Festa da Palabra Silenciada, Tempos Novos, Grial, Luzes de Galiza, A Trabe de Ouro, Enclave e, moi especialmente A Nosa Terra, semanario no que mantiña presenza periódica que logo se recollería en Libro das columnas.

O seu último libro, En concreto (2004) recibira o Premio Espiral Maior e o Premio da Crítica, xa a título póstumo. Despois da súa morte aparecería Papagaio (2006), un volume no que os seus versos publícanse a carón das imaxes de Maribel Longueira retratando a decadencia do barrio da Coruña.

Ademais destes títulos, a obra de Luísa Villalta visita a poesía con Música reservada ou Ruído, ; a narrativa con Silencio, ensaiamos ou Teoría de xogos; o teatro con Concerto para un home só, , O paseo das esfinxes ou As certezas de Ofelia e o ensaio cos títulos O don Hamlet de Cunqueiro, unha ecuación teatral e O outro lado da música, a poesía.

Homenaxes nos dez anos

A Asociación de Escritores e Escritoras dedicaralle en breve unha homanaxe de lembranza no décimo aniversario da súa morte, e o próximo día a Comisión de Igualdade do Consello da Cultura Galega celebrará a xornada Xela Arias e Luísa Villalta: Letra,s inetrartes, proxectos na fin de século, dedicada ás dúas peotas mortas con moi poucos meses de diferencia e coordinada por Ana Romání e Arturo Casas. O Álbum de Mulleres recolle documentación sobre a súa vida e a súa obra e a Biblioteca Virtual Galega ofrece a posibilidade de achegarse a algúns dos seus textos.

No seu texto escrito á maneira dunha poética e titulado “Sobre un certo estado de conciencia”, Luísa Villalta anota: “Os temas son moi poucos. A vida e a morte. Talvez só a vida (ou só a morte). Sexan os que foren, nas súas infinitas variacións poden encontrarse nas Enciclopedias, nos libros de Historia ou (e non é raro) de Teoría Matemática, na información diaria que nos fai deglutir a realidade, en cada ocasión en que se ten a certeza de estar vivindo. Os temas non son meus, son o mundo mesmo. E, á vez, o mundo mesmo son eu. O tema é o que me fai a min comunidade: unha preocupación polo devir da humanidade, unha maneira galega de ser humana, unha preocupación polo devir de ser galega”.

Voces que a coñeceron, imaxes do seu arquivo, fragmentos da súa obra e unha viaxe a través da súa biografía son os elementos que constrúen o documental "Luísa Villalta. Paixón e compromiso", elaborado polo alumnado do centro no que a escriotra e música deu clases antes da súa morte que se estreou o pasado ano.


Comentarios (0) - Categoría: Actividades - Publicado o 06-03-2014 09:36
# Ligazón permanente a este artigo
ASEMBLEA XERAL ORDINARIA DA A.C. IRMÁNS SUAREZ PICALLO
Convócase Asemblea Xeral Ordinaria, a celebrar o vindeiro día 21 de febreiro -venres- ás 19:30 h. en 1ª convocatoria e ás 20:00 h. en 2ª convocatoria, e que terá lugar no local do Coffe Bar CHIC KARNOEDO en Carnoedo e coa seguinte orde do día:

- Lectura e aprobación, se procede, da acta da asemblea anterior.

- Memoria de actividades realizadas no ano 2013.

- Informe do Tesoureiro (contas e balance do año 2013).

- Presuposto de ingresos e gastos para o o ano 2014. Cotas dos socios.

- Ano Cultural Manuel Lugrís Freire actividades pendentes.

- PXOM defensa do patrimonio artístico, natural-mediambiental e popular de Sada.

- L aniversario do pasamento de Ramón Suarez Picallo e 120 aniversario do seu nacemento.

-Colaboración coa Casa Museo Emilia Pardo Bazán e con entidades culturais e sociedades ou asociacións sadenses e da bisbarra.

- Avance do contido de AREAL Nº8, que sae en abril.

-Rogos e preguntas.


A continuación celebrarase unha Asemblea extraordinaria para por os cargos a disposición según establecen os Estatutos da Asociación e nomear nova persoa para ocupar o cargo de secretario e incorporar novos vocais.
Comentarios (0) - Categoría: Actividades - Publicado o 21-02-2014 01:03
# Ligazón permanente a este artigo
[1] ... [7] [8] [9] 10 [11] [12] [13] ... [23]
© by Abertal