A. C. Irmáns Suárez Picallo - Sada


Este blogue nace co obxecto de difundir a actividade da A. C. Irmáns Suárez Picallo, así como de recuperar e por a disposición do público diversos materiais de interese sobre o noso pasado,ao tempo que damos a coñecer os artigos escritos por Ramón Suárez Picallo e outros autores sadenses.
Estruturamos o blogue en varias seccións, nas que terán cabida noticias de actualidade sobre as nosas actuacións, artigos, textos históricos, fotografías...


Visitas (desde o 05/08/2010)





Únete a nós!
comisionsuarezpicallo@gmail.com
 CATEGORÍAS
 GALERÍAS FOTOGRÁFICAS
 RECOMENDADOS
 BUSCADOR
 BUSCAR BLOGUES GALEGOS
 ARQUIVO
 ANTERIORES
 DESTACADOS

PRESENTACIÓN DE MEIRÁS. UN PAZO, UN CAUDILLO, UN ESPOLIO

Hoxe, na capela de San Roque, terá lugar a presentación do volume Meirás. Un pazo, un caudillo, un espolio, da autoría de Carlos Babío Urkidi e Manuel Pérez Lorenzo.
Intervirán, ademais dos autores, Rafael Carballeira e Amable Carballeira en representación da nosa asociación (coorganizadora do evento), Isabel Reimúndez (Concello de Sada), Juan Pérez Babío (veciño de Meirás) e Manolo Monge (expresidente da CRMH).
Partillamos a sinopse do libro:

Unha das imaxes que máis asociamos á ditadura de Franco é a da silueta do Pazo de Meirás. Residencia de verán do Xefe do Estado durante case catro décadas, o edificio, construído pola escritora Emilia Pardo Bazán, chegaría ás mans do ditador nun proceso marcado polas coaccións e os abusos sobre unha poboación sometida ao aparello represivo do réxime.
O presente volume estuda e documenta eses procedementos e analiza a actuación das administracións en Meirás, co investimento continuado de fondos públicos nunha propiedade que, á morte de Franco, ficaría nas mans da súa familia.
Un relato que vén botar luz sobre unha historia que o franquismo nos transmitira en termos ben diferentes. O relato dun tempo que axuda a explicar, en boa medida, o noso presente.


Agardámosvos!
Comentarios (0) - Categoría: Actividades - Publicado o 01-12-2017 11:14
# Ligazón permanente a este artigo
Conferencia na Coruña

O mércores día 8 de novembro, ás 20.00 horas en Portas Ártabras, rúa Sinagoga, na Cidade Vella da Coruña, presentamos o Caderno de Estudos Xerais sobre Julio J. Casal e Galiza. O poeta Julio J. Casal exerceu de cónsul de Uruguay na cidade. Xosé Maria Monterroso Devesa, autor do caderno, dará unha charla sobre "A revista artistico- literario Alfar".
Comentarios (0) - Categoría: Actividades - Publicado o 07-11-2017 21:53
# Ligazón permanente a este artigo
RAMÓN SUÁREZ PICALLO, 123 aniversario do seu nacemento
Hoxe lembramos o 123 aniversario do nacemento de Ramón Suárez Picallo (04-11-1894)no lugar de Veloi (Sada)e que faleceu en Buenos Aires o 14 de outubro de 1964.
Dende hai nove anos as súas cinzas están connosco, como era o seu desexo, no cemiterio de O Fiunchedo en Sada.
Comentarios (0) - Categoría: Actividades - Publicado o 04-11-2017 10:30
# Ligazón permanente a este artigo
PRESENTACIÓN DO Nº 15 DE AREAL
Comentarios (0) - Categoría: Actividades - Publicado o 18-10-2017 10:51
# Ligazón permanente a este artigo
14 DE OUTUBRO, OFRENDA FLORAL NO FIUNCHEDO

Como ven sendo habitual, a nosa asociación organiza este sábado 14 de outubro unha ofrenda floral a Ramón Suárez Picallo ás doce da mañá no cemiterio do Fiunchedo (Sada), onde descansan os seus restos. Ademais da ofrenda, haberá a presentación e reparto de balde dun número dos Cadernos de Estudos Locais dedicado a Xosé Neira Vilas, no que participarán os autores (José Martinez Romero e Alfonso Blanco Torrado) e unha lectura breve de textos de Ramón Suárez Picallo sobre Xosé Neira Vilas e viceversa. Agardamos contar coa túa presenza.
Comentarios (0) - Categoría: Actividades - Publicado o 12-10-2017 21:43
# Ligazón permanente a este artigo
PRESENTACIÓN EN SADA DO LIBRO DE VANESA SANTIAGO
Hoxe venres, día 21 de xullo, ás 20,00 horas, na Capela de San Roque, en Sada, temos unha cita, pois presenta o seu libro, "A vida sinxela de Marcelo Firmamento", a nosa compañeira Vanesa Santiago. Este libro ten unha especial relación coa vila sadense, e foi galardonado pola editorial Galaxia co Premio Illa Nova de Narrativa 2017. Agardámosvos!
Comentarios (0) - Categoría: Actividades - Publicado o 21-07-2017 10:47
# Ligazón permanente a este artigo
O 30 DE XUÑO PRESENTAMOS "OS SEIS POEMAS GALEGOS DE LORCA", Nº 10 DOS CADERNOS DE ESTUDOS XERAIS

O vindeiro venres, día 30 de xuño, terá lugar na Capela de San Roque (Sada), a presentación do nº 10 dos nosos Cadernos de Estudos Xerais, "Os seis poemas galegos de Federíco García Lorca", de Luis Pérez Rodríguez.
No acto, que terá lugar ás 20.00 horas, contaremos coa presenza do autor, e ao remate do mesmo repartiranse exemplares do caderno presentado. Agardámosvos!
Comentarios (0) - Categoría: Actividades - Publicado o 28-06-2017 11:41
# Ligazón permanente a este artigo
NOVA DATA E LUGAR DA CHARLA SOBRE ENERXÍA ALTERNATIVAS

Este venres, día 2 de xuño, ás 20.00 horas, realizarase a charla informativa sobre "Enerxías alternativas. O caso da enerxía eólica en Galiza", que impartirá o investigador e profesor da Universidade de Santiago de Compostela Pedro Varela Vázquez.

Atención ao lugar: será na nova sala La Fábrica de la Imagen, rúa Bergondo nº 2. Sada.

Esperamos contar con todxs vós!
Comentarios (0) - Categoría: Actividades - Publicado o 01-06-2017 22:05
# Ligazón permanente a este artigo
Charla "Enerxías alternativas. O caso da enerxía eólica en Galiza"

Este xoves 25 de maio, en Sada, teremos unha interesante charla: o profesor Pedro Varela falaranos das enerxías alternativas e do caso concreto da eólica en Galiza.


AVISO


Por causas alleas a nosa vontade ao non poder utilizar as instalacións da Capela de San Roque á hora prevista, vémonos na obriga de cancelar dita charla que se celebrará noutra data e lugar nos vindeiros días e do que informaremos próximamente.


Pedimos disculpas.
Comentarios (0) - Categoría: Actividades - Publicado o 23-05-2017 00:20
# Ligazón permanente a este artigo
PRESENTACIÓN DE AREAL Nº 14 E UN CADERNO SOBRE MARUJA MALLO

Temos o pracer de lembrarvos que hoxe venres é a presentación da revista Areal, que alcanza xa o número 14.
Ademais, sae con ela do prelo un novo número dos nosos Cadernos de Estudos Xerais: "Maruja Mallo, vida no exilio dunha artista universal". Contaremos para amenizar o acto coa actuación musical de "Os dous de sempre", Alberto Carbonell (acordeón) e Manolo do Val. (gaita e guitarra). Será ás 20.00 horas, na Capela de San Roque (Sada). Agardamos contar coa vosa presenza!
Us saúdo
A.C.Irmáns Súarez Picallo
Comentarios (0) - Categoría: Actividades - Publicado o 21-04-2017 10:17
# Ligazón permanente a este artigo
© by Abertal