Benvidos/as ó noso blogue. Nel, as integrantes desta asociación de Montederramo, pretendemos dar a coñecer tódalas actividades que se levan a cabo tal como excursións, cursos, festas...
Non deixedes de entrar, pois tedes a diversión garantizada.
Na reunión do sábado informóuse dos seguintes cursos que se van levar a cabo ata xuño: CURSO DE RESTAURACIÓN E PINTURA:
Tódolos venres de 18:30 a 20:30, ata o 5 de xuño. CURSO DE TAI CHI: Tódolos sábados de 18:00 a 19:00, dende o 28 de marzo ata o 30 de maio. CURSO DE BOLILLOS: Os mércores de 17:00 a 19:00, dende o 1 de abril ata o 27 de maio.
Anímate e participa. Só tes que apuntarte xunto de Meli.
O sábado día 14 ás 17:00 h, terá lugar no local da asociación, a reunión anual, para presentar o estado de contas, dar a coñecer as diferentes actividades previstas, así como organizar a excursión que tódolos anos se leva a cabo no mes de maio, e ademais atender ás distintas propostas feitas polas socias.
Con motivo deste día, fago esta entrada para que se vos suba a autoestima a tódalas mulleres estupendas que andades por aí , en especial ás "caracochudas" que, como o nome indica, xa a temos subidísima, pero non está de mais recordar certas cousas.
Que saibades que, a medida que envellecemos as mulleres, ganamos peso. Esto ocurre porque acumulamos moita información na nosa cabeza e chega un punto en que tanta información non cabe na nosa cabeza que se empeza a repartir por todo o corpo, entón o que pasa é que non sobran kilos senón que somos cultas, moi cultas, e ademais somos perfectas porque:
- Non nos quedamos calvas.
- Temos un día nacional e outro internacional.
- Podemos usar tanto color rosado como azul.
- Sempre sabemos que o noso fillo é noso.
- Temos prioridade nos naufraxios.
- Non pagamos a conta.
- Somos os primeiros rehéns en ser liberados.
- Se somos traicionadas, somos víctimas.
- Se traicionamos, eles son os cornudos.
- Podemos dormir cunha amiga sin ser chamadas homosexuais.
- Muller de embaxador, é embaxadora; marido de embaxadora ¿quén é?.
- Muller de presidente é a primeira dama; marido da presidenta ¿quén é?.
- Se decidimos facer traballos de homes, somos pioneiras; se un home decide facer traballos femeninos, é maricón.
E por último: Facemos toooodo o que o home fai e con TACÓNS MOI ALTOS...!!!
Coincidindo tamén con este día, hoxe ás 18:30 terá lugar no salón de actos do colexio de Castro Caldelas, a representación da obra de teatro: "Mulleres, Mulleres, Mulleres", feita polas mulleres do Castro en colaboración co C.I.M. O estreo foi en novembro e hoxe repítese. Estas mulleres ademais de traballadoras son tamén artistas.
Xa chegou o marzo e con moitos cambios, cambios no tempo, cambios na política, e cambios nos refráns.
Saquei esta idea de ir facendo unha entrada nova por cada mes, de Nito, un mestre de primaria que coñecín a través dun comentario que fixo no noso blogue na 1ª entrada dos refráns, e que tamén ten o seu: www.blogoteca.com/
galefas, no que podedes entrar, que está moi ben, e facer aportacións, onde veredes ademais o seu refraneiro popular.
Procuraremos non repetilos para que haxa mais variedade, anque a veces é difícil.
Estes son os de hoxe, outro día mais:
"Entre marzo e abril o cuco ha de vir, se o cuco non ven, o fin ten que vir".
"Marzo marzán á mañá cara de rosa e á noite cara de can".
"Marzo airoso, abril chuvioso, sacan a maio florido e fermoso".
"Se por marzo canta a rá, no maio xa calará"
"Cando en marzo maiea, en maio marcea".
"Entre marzo e abril sae o cuco do cubil que coa neve non quere vir".
Anímate, que seguro que algún sabes, e se non é de marzo, non importa, pon o que saibas anque sexa mezclado cos meses, eso sí os dos meses gardaos para ir metendo na súa correspondente entrada.
Na reunión do sábado informóuse dos seguintes cursos que se van levar a cabo ata xuño:
