EDLfranciscanasOurense


Blog do EDL do Colexio Plurilingüe Divina Pastora de Ourense

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

A Deputación arranxa vías que unen A Pastoriza con Meira e Riotorto


O Goberno da Deputación mellora as comunicacións vitais nesta zona da Terra

Chá, que constantemente as empregan os veciños da Pastoriza, Meira e

Riotorto no o seu día a día, para traballar nas súas explotacións gandeiras ou

para momentos de xuntanza en calquera destes municipios, que son exemplo

de convivencia veciñal

Darío Campos Conde, xunto ao Alcalde da Pastoriza, Primitivo Iglesias Sierra,

supervisaron este luns as melloras en 11 quilómetros de dúas estradas que

unen este municipio cos de Meira e Riotorto. Son actuacións que financia o

Goberno Provincial con 400.200 euros e que están a piques de rematar, pois,

logo da limpeza de cunetas e taxeas realizada, estase a acondicionar o firme

con aglomerado en quente para, posteriormente, reforzar a sinalización

horizontal e vertical. Campos e Iglesias mantiveron encontros cos veciños para

coñecer o seu parecer sobre as obras.

Trátanse da LU-P- 4404 de Riocabo por Piñeiro e Aldurfe ás Rodrigas, onde se

arranxan case 10 quilómetros, dende o punto quilométrico 0 ao 9,825. Campos

Conde e Iglesias Sierra explicaron que as melloras nesta vía benefician

directamente a un terzo dos veciños da Pastoriza que a empregan a cotío, pois

son os que viven nesta zona, que é ademais a de maior carga gandeira deste

Concello chairego.

Hai que ter en conta que esta infraestrutura parte de Paraxes, o primeiro núcleo

pastoricense nada máis saír de Meira, a onde a diario acoden os veciños da

Pastoriza; e prosegue por Fonmiñá, San Cosme de Piñeiro, Gueimonde,

Aguarda, Álvare, Bretoña e ata os límites con Aldurfe, xa en Riotorto.

A outra estrada que se está a mellorar é a LU-P- 3006 de Meira á Pastoriza.

Arránxase o treito comprendido entre o punto quilométrico 1,920 ao 2,830, que

é o único que quedaba pendente por acondicionar para culminar a mellora

integral desta vía, que rexistra moito tránsito ao unir o municipio pastoricense

co polígono industrial e o centro médico de Meira.

Campos Conde subliñou a súa “satisfacción” polo arranxo destas estradas con

dita achega de 400.200 euros que decidiu facer o Goberno da Deputación no

marco do seu Plan Integral da rede viaria provincial. “Melloramos

comunicacións vitais nesta zona da Terra Chá, que constantemente as

empregan os veciños da Pastoriza, Meira e Riotorto para o seu día a día, para

traballar nas súas explotacións gandeiras ou para momentos de xuntanza en

calquera destes municipios, que son exemplo de convivencia veciñal”.

Wuimer Álvarez Célix 4º ESO B.
Comentarios (0) - Categoría Actividade En Ourense - Publicado o 04-06-2017 16:54
# Ligazón permanente a este artigo
Feijoo recupera a demanda de poñer en marcha un tren rápido entre Galicia e Portugal.


Anulado por Lisboa por mor da crisis O mandatario galego descartou que se poida pensar en

contar cun tren de alta velocidade como aquel a o que os dous países comprometeron no

2003.

A crise económica levou ao anterior Goberno de Portugal a anular no 2011 o proxecto de unir

Lisboa con Madrid e O Porto con Vigo mediante a alta velocidade ferroviaria. Nada apunta a

que dita idea vaia a ser recuperada, pero hai uns meses o primeiro ministro luso, Antonio

Costa, e o presidente da Xunta onte coincidiron en adiantar que a creación dun ferrocarril de

altas prestacións entre as dúas cidades do noroeste peninsular formará parte das súas

formulacións para a próxima década.Tras tomar posesión en Braga como presidente da

Comunidade de Traballo Galicia-Norte de Portugal, Alberto Núñez avanzou onte a súa

intención de reclamar aos Gobernos dos dous países que prolongue o tren que une A Coruña e

Vigo ata O Porto e continúe coas mesmas características ata Lisboa. «Será un plan para partir

do ano 2020, do que temos que falar cos nosos Gobernos desde a lealdade», anunciou Feijoo.

O mandatario galego descartou que se poida pensar en contar cun tren de alta velocidade

como aquel a o que os dous países comprometeron no 2003 para enlazar no 2012 o corredor

atlántico a 300 quilómetros por hora. «Pero se ferrocarrís de 160 ou 170 para que, igual que

unen Porto con Lisboa, prosigan cara arriba e permitan unha conectividade duna hora entre

Porto e Vigo», especificou Feijoo.

Sara González Belloso 4ºESO B,
Comentarios (0) - Categoría Actividade En Ourense - Publicado o 04-06-2017 16:52
# Ligazón permanente a este artigo
La Voz ofrece un suplemento especial sobre o homenaxeado.


La Voz de Galicia entregará co seu exemplar de mañá un suplemento especial sobre a figura

de Carlos Casares. Trátase dunha publicación de 24 páxinas que abrangue tanto a súa faceta

literaria -analizada por xéneros, dende a narrativa ao ensaio, do xornalismo aos libros para

lectores novos e mozos- como os seus cometidos na xestión cultural e na política, ademais dun

retrato íntimo do escritor, a través dos puntos de vista dos seus fillos Christian e Hakan, xunto

cunha reportaxe sobre as súas afeccións, como por exemplo os trens eléctricos en miniatura.

«O neno que quería xogar co mundo», a biografía do autor

La Voz ofrece aos seus lectores o vindeiro mércores a biografía Carlos Casares. O neno que

quería xogar co mundo, escrita polo tamén escritor Antón Riveiro Coello.



Aitana Lanzós Gómez, 4ºESO
Comentarios (0) - Categoría Actividade En Ourense - Publicado o 04-06-2017 16:50
# Ligazón permanente a este artigo
Dous incendios en O Incio e Rianxo arrasan máis de 100 hectáreas.

Dous incendios activos este xoves nas localidades do Incio (Lugo) e Rianxo (A

Coruña) arrasaron máis de 100 hectáreas, segundo informa a Consellería do

Medio Rural. No primeiro deles resultou ferido un traballador do servizo de

extinción. Iniciado na parroquia de Trascastro, queimou máis de 50 hectáreas e

para apagalo traballaron catro axentes, 14 brigadas, cinco motobombas, dúas

pas e cinco helicópteros.

Unhas 50 hectáreas tamén leva arrasadas o lume de Rianxo, na parroquia de

Isorna, que comezou ás 14,51 horas e onde participaron oito axentes, 11

brigadas, nove motobombas, unha pa, seis helicópteros e un avión. As chamas

extinguíronse, pola súa banda, en avión (Ourense), ás 18,32 horas, tras

calcinar 40,54 hectáreas, 29 delas de monte raso e 1,54 de arboledo. Empezou

en Nieva e neste punto traballaron un técnico, oito axentes, 17 brigadas, 10

motobombas, dúas pas e catro helicópteros.

Aitana Almarcha 4º ESO B.
Comentarios (0) - Categoría Actividade En Ourense - Publicado o 04-06-2017 16:49
# Ligazón permanente a este artigo
O METEORITO QUE ILUMINOU GALICIA O DÍA DAS LETRAS DO 2016, ESTASE POR ATOPAR.


Entre os municipios pontevedreses de Arbo e As Neves; nalgún lugar entre as

vides dos viños Albariño e Condado e a desembocadura do Miño, onde reina a

lamprea, a un tiro de pedra de Portugal. Aí é onde os científicos sitúan os

restos do meteorito que iluminou o ceo do sur de Galicia o 17 de maio do ano

pasado.

A bóla de luz foi vista por un home que tomaba o sol tombado nunha praia de

Vigo e por numerosas persoas máis situadas a quilómetros de distancia: no

Parque Natural do Xurés (Ourense), en localidades de Lugo e por polo menos

unha persoa sentada nunha terraza na mesma capital galega na que o poeta e

músico Xurxo Souto deixara horas antes no aire os versos de Manuel María.

Un ano despois de que aquela pedra cósmica brillante penetrase nas capas

baixas da atmosfera, investigadores do Observatorio Astronómico Ramón

María Aller (OARMA) da Universidade de Santiago de Compostela (USC) e da

Rede Española de Bólidos e Meteoritos presentaron un estudo científico que

sitúa os restos do meteorito nos municipios de Arbo e As Neves. Houbo que

afinar moito a traxectoria, porque se ía movendo na liña mesma que separa

nesa zona Galicia de Portugal, explica José Ángel Docobo, un dos

investigadores do observatorio universitario.

Comezaron a solicitar a información da que partiu o estudo ao que un veciño

incorporou unha fotografía do tramo final do bólido. ?Desprazouse desde unha

atura de 95 quilómetros a unha de 26 ao longo da fronteira con Portugal

durante uns tres segundos, explican os investigadores.

Agora exponse a procura do meteorito. Mentres os científicos propóñense xa

comezar a peitear a zona pateando e contando coa axuda de colaboradores,

recoñecen os riscos do anuncio público. En teoría o propietario dos meteoritos

é o Estado, pero na práctica calquera pode levarllo á súa casa sen que ninguén

se decate.

Non é desatinado desexar un anaco de galaxia. Hai un mercado mundial no

que o pedrusco como o que caeu en Galicia, e que os investigadores estiman

que pesará ao redor dun quilo, ten valor económico. Tamén o ten científico: o

seu estudo ofrece información sobre como é o sistema solar no momento no

que se orixinou. E ese é o ciclo que os profesores da Universidade de Santiago

queren completar.

Ester Barreira Cartelle 4ºESO B.
Comentarios (0) - Categoría Actividade En Ourense - Publicado o 04-06-2017 16:46
# Ligazón permanente a este artigo
© by Abertal