"Galiza é unha nación. Temos dereitos. Fagamos ouvir a nosa voz", sinalaba a portavoz de Vía Galega María Xosé Bravo ao inicio da marcha que desde as 11.30 horas deste domingo, 18 de abril, percorreu as rúas de Compostela para reclamar o dereito de autodeterminación e "a necesidade de Galiza gobernarse por si mesma" e "das galegas e dos galegos seren donos dos seus destinos", tal e como apuntou o outro portavoz da plataforma, Anxo Louzao.

"Diante desta crise, económica, social e sanitaria que padecemos cómpren respostas galegas", incidiu Bravo. "Cómpre que os galegos e as galegas decidamos nós sobre o noso, busquemos nós solucións aos nosos problemas", engadiu.

"Iso é o que nos move ás case 70 organizacións e 1.500 persoas a título individual que quixemos hai tres anos crear esta plataforma. Para defender os intereses de Galiza. Para que alí onde se decida sobre o noso estea Galiza con voz e con voto para decidir sobre cuestións que son básicas. Iso é do que falamos cando falamos do dereito a decidir", concluíu a portavoz.

Os centos de persoas que participaron na manifestación ─máis de mil, segundo a organización─ marcharon desde a Alameda da capital galega polas rúas do centro compostelán até chegaren á Praza da Quintana. "Galiza é unha nación, un pobo con dereitos" foi o lema elixido e que se podía ler na faixa de cabeceira. E "Avante sen tregua, República Galega", foi un dos cánticos escoitados durante o percorrido, onde en todo momento se cumpriron cos protocolos anticovid-19.

"España é a nosa ruína", "Goberno aquí e non en Madrid", "Con soberanía, ninguén en minoría" foron algunhas das outras consignas cantadas na manifestación, en que participaron diferentes personalidades do nacionalismo, entre estes o deputado do BNG no Congreso, Néstor Rego, ou o secretario nacional da CIG, Paulo Carril. Tamén estiveron as actrices Neves Rodríguez e Isabel Risco, e o escritor Suso de Toro.

Risco, precisamente, foi a encargada de conducir o acto final, que contou coa actuación musical de Jasper e Rodrigo Ramos. Tamén, coa intervención de María Xosé Bravo, en tanto que De Toro e Rodríguez. Deron lectura ao manifesto. Ao remate interpretouse o himno nacional.

Unha Facenda Galega

Así, María Xosé Bravo lembrou os inicios de Vía Galega en 2018 que, tres anos despois, é quen de xuntar e de organizar máis de 65 asociacións "que partillan que Galiza é unha nación, que temos dereitos como pobo e que debemos facer ouvir a nosa voz para construír unha república galega soberana, democrática feminista".

Fronte aos mecanismos de desprestixio deste país, de que Galiza é un país pobre e subsidiado polo Estado, Vía Galega "pon as contas claras" porque este é "un pobo rico cheo de xente traballadora que quere vivir do seu traballo e queremos responsabilizarnos".

Desta maneira, a portavoz reclamou ferramentas como "a posta en marcha dunha Facenda Galega", como instrumento esencial do novo modelo de financiamento. Tamén, dunha Tarifa Eléctrica Galega que baixe o prezo da enerxía e considere a electricidade como ben básico para a poboación; a recuperación das concesións dos encoros, en moitos casos outorgadas durante o franquismo; e unha verdadeira política de reindustrialización.

Fixo alusión ademais ao problema demográfico agudizado pola sangría da emigración "que afectou a 100.000 mozos e mozas desde a chegada de Feixoo ao Goberno da Xunta", e á necesidade de "defender nós os nosos intereses como a participación directa de Galiza na reforma da Política Pesqueira Común e na Política Agraria Común", advertiu.

"E fronte a eses que din que as nacionalistas non facemos máis que queixármonos e pedir, nós somos moi claras, moi rotundas: non pedimos nada a Madrid só queremos buscar nós as solucións para os nosos problemas, só queremos vivir do noso traballo", explicou. "Non queremos roubarlle nada a ninguén mais tamén temos o dereito a exixir que ninguén entorpeza o noso camiño, que ninguén nos roube o futuro".

"No conxunto do Estado español dáse o debate sobre o recoñecemento da existencia de distintas nacións e dos dereitos colectivos e máis cedo que tarde vai haber modificacións na estrutura territorial do Estado e Galiza ten que estar aí", afirmou.

Sobre a celebración do 40º aniversario da promulgación do Estatuto de Autonomía, María Xosé Bravo destacou que é "un corsé que nos impide resolver os problemas do presente, e non vai ser con reformas desa ferramenta como atopemos as respostas que este país precisa".

Idioma e cultura de seu

Pola súa banda, a actriz e comunicadora Neves Rodríguez destacou que Galiza é unha nación porque reúne todos os trazos que conforman unha unidade nacional. "O propio Castelao, no Sempre en Galiza, amósanos a condición nacional de Galiza, por ter idioma propio, territorio diferente, unha vida económica peculiar coa súa estrutura social diferenciada, hábitos psicolóxicos colectivos e unha cultura de seu", explicou.

"Como pobo temos dereito a autodeterminación, a decidir o noso futuro como galegas e galegos", engadiu.

Riqueza e potencialidades

E o escritor Suso de Toro emprazou a "decidir o noso futuro", pois tórnase "imprescindíbel para impedir o espolio e dispoñer dos nosos recursos e enerxía; para paralizar a eucaliptización do país e a contaminación do noso medio". A soberanía tamén é necesaria para poder combater con maior eficacia esta pandemia, para dispoñer do noso aforro, para dotármonos dun sistema financeiro público e propio, para gozar duns servizos públicos de calidade e para desenvolver a nosa base produtiva e os sectores estratéxicos da nosa economía, sinalou.

"Só con plena soberanía política, a riqueza, o excedente que xeramos e as grandes potencialidades do país estarán ao servizo de todos galegos e galegas", explicou o escritor. "Temos dereito e queremos responsabilizármonos do noso futuro como pobo para conseguir maior benestar social, rematar coa emigración, crear emprego digno e normalizar a nosa lingua e cultura". "En definitiva, para termos unha Galiza para construír unha sociedade libre, máis democrática, xusta e igualitaria", concluíu.

O dúo revelación do panorama musical galego, Verto, confirmou onte a súa presenza
na quinta edición do festival Vive Nigrán o 15 de xullo. Fer e Berto, os membros do
actual grupo musical, acaban de publicar un disco, “Embora”, escrito en galego e con
claras influencias da música pop, o trap e o R&B máis moderno. Compartirán escenario
cos Locoplaya, dos primeiros en unirse á formación xunto con Natalia Lacunza e
Sidecars.
Os Verto pertencen á nova xeración de mozos galegos que buscan revivir a música na
lingua nativa con sons e letras actuais. Son composteláns e entraron no mercado
musical con forza. Aínda que afirmaron en numerosas ocasións que só queren facer
música que faga bailar aos seus compañeiros e non a tomen demasiado en serio, pero
xa acumulan unha base de fans sólida cunha media de 62.444 oíntes mensuais en
Sptoyfy, sendo, unha sátira xeracional sobre Galicia, os seus costumes e
os seus habitantes, a súa canción máis coñecida ata o momento cun total de 467.657
reproducións. Tanto é así que ata o interpretaron no emblemático programa musical
da TVG.

A provincia de Ourense pechou a semana con 220 casos activos de coronavirus, catro menos que os rexistrados o sábado. E é que, aínda que nun día rexistráronse 6 novas infeccións, no mesmo período de tempo houbo 10 altas.

Cando comezou a Semana Santa, o 29 de marzo había 127 casos na provincia, o número máis baixo da terceira onda. Polo momento hai case cen máis.

A pesar de que a cifra está por riba da barreira dos douscentos casos (que se cruzou o 15, despois de dúas semanas de aumento progresivo), o certo é que os concellos máis afectados lograron, polo menos no que respecta ao balance do domingo, conteñen o virus. Na capital ourensá repetiuse a cifra de 68 infectados. No caso da comarca de Valdeorras - fóra da cidade, a máis afectada - O Barco repetiu por terceiro día consecutivo a cifra de 23 pacientes mentres que Carballeda (onde se aplican as restricións máis altas en Galicia) está en vigor dende o mércores 17. No último caso, hai que ter en conta que ademais de adaptarse ás restricións establecidas pola Xunta, o Concello e os veciños seguiron adiante cun autocluso que soubo contribuír ao control dos casos. En canto a Rubiá e A Rúa, teñen tres casos. Precisamente veciños de Rubiá asistiron o sábado, xunto cos do Barco, a unha proxección masiva, cunha participación superior ao 66%. Tiña a peculiaridade de que moitos dos asistentes o fixeron despois de rexistrarse voluntariamente. Das dúas mil probas realizadas, só unha foi positiva.

O vicepresidente primeiro da Xunta, Alfonso Rueda, explicou que se avalía a posibilidade de
realizar experiencias piloto «no horizonte dun mes» para abordar «con que condicións»
podería permitirse a reapertura de locais de lecer nocturno «a principios de verán».
Nunha entrevista concedida á Radio Galega, recollida por Europa Press, Rueda lembrou que
as discotecas, pubs, cafés-espectáculo, salas de festas e salas de concertos e outros negocios
de lecer nocturno permanecen pechados desde agosto de 2020. Así, indicou que se estuda
unha posible desescalada neste sector, que, polas súas características, require dar «pasos
especialmente coidadosos» para garantir a seguridade en locais. Respecto a a hostalería,
indicou que, tras o atraso do toque de queda e a ampliación do horario dos restaurantes, «o
seguinte paso» pasará por estender a apertura doutros establecementos de hostalería. Con
todo, apostou por flexibilizar as restricións «aos poucos» co obxectivo de evitar un novo peche
dos interiores dos locais, como se realizou noutras comunidades.
Ademais, augurou que, se a situación epidemiolóxica «segue mellorando», o sector turístico
gozará de «un verán bastante aceptable» grazas ao «enorme atractivo do Xacobeo», para o
que a flexibilización das restricións de mobilidade representaría un «impulso importante».
Neste sentido, o tamén conselleiro de Presidencia, Xustiza e Turismo reivindicou Galicia como
«un destino seguro» que lembrou que pode ofertar espazos naturais e «sen masificación»,
polo que confiou en que os datos turísticos do segundo semestre de 2021 sexan «mellores do
esperado».
Precisamente, avanzou que o bono turístico # QuedamosEnGalicia21 poderá utilizarse «no
prazo dun mes» e #ante o esgotamento de todos os dispoñibles nun prazo de 12 horas debido
a un «sorprendente» volume de solicitudes, recoñeceu que «sería planteable» ampliar os
dispoñibles. SEGUNDO PLAN DE RESCATE DA XUNTATambién destacou que se abonou o 75%
do importe correspondente ao segundo plan de rescate da Xunta dirixido a autónomos e
microempresas e confiou en que o pago das axudas conclúa entre «finais de abril» e
«principios de maio».
En relación ao plan de axudas para autónomos e pemes do Goberno que xestionarán as
comunidades, lamentou que se sigan «esperando concrecións» e sinalou que a lista dos
sectores que poderán acollerse a esta liña debería «ampliarse», así como que sería preciso
«eliminar burocracia» ligada á mesma. Ademais, criticou que o Executivo central non
determinase cal será a súa achega ao Xacobeo, o que se anunciou que se trasladaría de fronte
ao verán. Alfonso Rueda tamén sinalou que a Xunta descoñece «en que consiste» o plan de
recuperación que debe remitir a Bruxelas o Executivo central, ao que afeou que non trasladase
os criterios que se utilizarán para a repartición dos fondos europeos que se articularán
mediante o Plan de Recuperación, Transformación e Resiliencia, «fundamentais para todos os
territorios». Así, confiou en que Galicia reciba «unha cantidade importante» destes fondos
#ante os proxectos tractores presentados.

[1] ... [5] [6] [7] 8 [9] [10] [11] ... [17]