Blog do EDLg do Colexio Plurilingüe Divina Pastora Franciscanas de Ourense
O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Eira Losada: "As redes sociais son unha ferramenta moi boa para a normalización da lingua"
Decidín crear unha canle porque consumía moito contido en Youtube e porque sempre me gustou o tema de gravar vídeos. O obxectivo sempre foi crear contido que a min me gustase. Fago vídeos moi diversos pero os que máis me gustan son os de recomendacións de libros. Ademais, decidín levala en galego porque é a miña lingua e non a ía cambiar nos vídeos. Cando comecei case non había contido na rede en galego e debemos reivindicalo. Daquela só tiña 50 seguidores pero estes últimos anos fun medrando porque a xente comezou a consumir máis vídeos en galego. Hai un par de anos a súa presenza era case inexistente, pero agora están a nacer moitas canles novas que empregan a nosa lingua. Queda moito por avanzar, pero estamos no bo camiño.
A realidade é que os vídeos en castelán non só chegan ao público español, senón tamén a toda Latinoamérica. O problema cos vídeos en galegos é a existencia dunha barreira que provoca que este contido non chegue ao público portugués e viceversa. Ese é un grande impedimento, o tema do público. Por outra parte, unha realidade bastante habitual na Galiza é que se adoita buscar na rede en castelán. Por desgraza eu tamén me inclúo. Cando buscamos unha receita, un libro, ou mesmo un vídeo dunha temática concreta en Youtube, tendemos a buscalo en castelán porque inconscientemente pensamos que non vai estar en galego. Penso que é algo que debemos cambiar para dar pé á creación de máis contido na nosa lingua.

Ricardo Tornero Belloso - 2º BACH A
Comentarios (0) - Categoría Actividades EDLca - Publicado o 05-12-2020 11:36
# Ligazón permanente a este artigo
China desmantela unha rede de tráfico de órganos para transplantes e condena a catro médicos
En China, a demanda de órganos para transplantes supera con fartura á oferta e iso provocou un lucrativo mercado negro. Aínda que o Goberno está a tratar de regular estes procedementos con iniciativas como impedir a extracción forzosa de órganos en presos executados ou mortos, a desesperación de quen están dispostos a pagar moito diñeiro por salvar a súa vida continúa alimentando redes ilegais como a que onte descabezou un tribunal da provincia de Anhui, sentenciando a seis persoas.
Entre os condenados a penas de cárcere de entre 10 e 28 meses atópanse catro médicos (tres deles como responsables da rede oficial de transplantes nos seus respectivos hospitais) que se dedicaban a lograr de forma regular as autorizacións de doazón dos órganos pero que logo realizaban a extracción de forma irregular para transferilos a canles de tráfico ilegal.
Segundo o Tribunal Intermedio da cidade de Bengpu, os condenados lograron así facerse cos órganos de once pacientes, na súa maioría vítimas de accidentes de tráfico, entre o 2017 e o 2018.

Mercado negro
A información do caso non se coñeceu por canles oficiais senón a través do fillo dun dos pacientes, Shi Xianglin, que proporcionou os documentos do tribunal á prensa chinesa. Grazas a eles descubrir o modus operandi da banda: os médicos realizaban os test aos doantes, enviaban os resultados a outros membros da rede ilegal, que se encargaban de atopar aos receptores adecuados, e logo lograban as autorizacións dos familiares para a extracción dos órganos, que se realizaba nunha furgoneta camuflada de ambulancia. Algúns familiares recibían unha compensación económica e logo os órganos vendíanse no mercado negro.
O caso volve pór o foco no sistema de transplantes chinés, que provocou soados escándalos. Un tribunal en Londres afirmou o ano pasado que «hai evidencias de que a extracción forzosa de órganos realízase desde hai anos a unha escala significativa», e a revista BMC Medical Ethics engadiu que China «falsifica de forma sistemática os datos sobre as doazóns de órganos e as operacións que se realizan».

Paula Rey-Stolle González, nº 20
Comentarios (0) - Categoría Xeral - Publicado o 05-12-2020 11:34
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0