EDLfranciscanasOurense


Blog do EDL do Colexio Plurilingüe Divina Pastora de Ourense

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Crise no PSOE

Durante estes últimos tempo España vive una incertidumbre política debida á falta de goberno. No PSOE existe unha gran diferenza de opinión, uns pensan que mellor deixar gobernar a Mariano Rajoy e outros queren probar unha vía alternativa con Podemos. Esta gran diferenza se fixo máis notable no 27 de septembro cando 17 membros da cúpula do partido presentaron a súa dimisión co obxectivo de forzar a Pedro Sánchez a absterse nunha hipotética investidura de Rajoy ou a dimitir .

E cumpliron o seu obxectivo xa que debido á falta de cargos na directiva xeneral Pedro Sánchez tivo que dimitir e se convocaran novas primarias dentro do partido. Este feito provocou unha gran axitación nos medios de prensa, non só españois, xa que nesas primarias podría decidirse un hipotético pacto de futuro goberno ou outras elección.
Lucas Rodríguez Cancio 4B
Comentarios (0) - Categoría Xeral - Publicado o 09-10-2016 10:54
# Ligazón permanente a este artigo
Conmemoración do centenario da creación das Irmandades da Fala
O pasado 6 de outubro, no ourensán Centro Cultural Marcos Valcárcel, inagurouse a exposición conmemorativa do centenario das Irmandades da Fala “Saúde e Terra, irmá(n)s”.
A través desta mostra, podemos coñecer o labor realizado no seu día polas Irmandades en prol da lingua galega, nun momento fundamental na historia da nosa lingua.
Centenario das Irmandades da Fala
A mostra “Saúde e terra, irmá(n)s”, que abriu o pasado xoves a súa itinerancia na cidade das burgas logo de pasar pola Coruña, Santiago de Compostela, Vigo e Pontevedra, poderase ver ata o día 30 de outubro no Centro Cultural Marcos Valcárcel e proseguirá a partir de novembro polas cidades de Lugo e Ferrol.
A exposición, que está estruturada arredor de dez temas (”Da lingua á fala”, “A razón da causa galega”, “Letra a letra”, “Arte e galeguismo”, “Os medios necesarios”, “A nación galega”, “Nós sós”, “Subir a escena”, “Saber de nós” e “As mulleres erguen a voz”), contén documentos, publicacións, imaxes e obxectos, entre os que se poden encontrar curiosidades como os lentes de Vicente Risco, a máquina de escribir de Valentín Paz Andrade ou o violín de Antón Losada Diéguez. Ademais, durante a visita pódense escoitar gravacións musicais e discursos da época.
A exposición forma parte das actividades que diversas institucións culturais están desenvolvendo ao longo do ano 2016 para conmemorar o centenario da fundación da primeira Irmandade da Fala, fundada o 18 de maio de 1916 na Coruña.
O secretario xeral de Política Lingüística participou en Ourense na inauguración de 'Saúde e Terra, irmá(n)s'.



Lucía Alvarellos Garea, 4º B, ESO.
Comentarios (0) - Categoría Actividade En Ourense - Publicado o 09-10-2016 10:53
# Ligazón permanente a este artigo
DIANA QUER CONTINÚA DESAPARECIDA


Diana Quer é unha nova estudante madrileña desaparecida en Poboa do Caramiñal na pasada madrugada do 22 de agosto. A moza acudiu a unha festa. Non se sabe o que sucedeu ao seu regreso. Uns afirman que a moza volveu á súa casa e cambiouse de roupa, pero non levou o seu DNI, mentres que outros din habela visto ás 7.30 horas da mañá. Non hai evidencias de violencia nos rastreos e batidas realizadas, polo que nun principio pensouse nunha marcha voluntaria. Os axentes interrogaron ao seu círculo máis íntimo de amigos e familiares sen resultado algún.
A pegada que deixou o seu móbil na madrugada que desapareceu converteuse no centro da investigación.
Está confirmado que o teléfono da madrileña percorreu nun espazo curto de tempo o traxecto pola autovía do Barbanza. As últimas conexións sitúanse nalgún punto aínda por determinar con exactitude da parroquia de Taragoña.
Mentres avanza a investigación, os pais agradecen ás forzas de seguridade do Estado o enorme esforzo que realizan para esclarecer os feitos.

ALBA LOSADA ÁLVAREZ
4º B ESO
Comentarios (0) - Categoría Actividade En Ourense - Publicado o 09-10-2016 10:50
# Ligazón permanente a este artigo
Italia reconstrúe á escala real monumentos de gran valor histórico destruídos en Siria e Irak.
Tres reconstrucións a escala real de importantes monumentos destruídos ou severamente danados pola guerra ou o terrorismo en Siria e Iraq poderanse ver en Roma grazas a unha exposición, presentada este xoves, que conta co patrocinio da Unesco.
A mostra chámase 'Renacer das destrucións', abrirá as súas portas mañá e ata o 11 de decembro no Coliseo de Roma e presenta como foron o Toro androcéfalo do Palacio Noroeste de *Nimrud (Iraq), a Sala de Arquivo de *Ebla (Siria) ou parte do *techho destruído do milenario templo de *Bel en Palmira (Siria).
Trátase dunha iniciativa que foi posible grazas ás novas tecnoloxías e ao labor de tres empresas italianas, e o seu obxectivo é permitir que o público admire a grandiosidade e importancia destes monumentos danados ou destruídos por completo. Ademais, quere concienciar á poboación da necesidade de preservar o patrimonio cultural e favorecer o debate sobre a reconstrución do que foi esnaquizado, segundo os organizadores.
A exposición foi presentada hoxe e contou coa presenza do presidente da República de Italia, *Sergio *Mattarella, do ministro de Asuntos Exteriores, Paolo *Gentiloni, e do de Cultura, *Dario *Franceschini. Para o ministro de Exteriores italiano, é necesaria "a preservación do patrimonio arqueolóxico, cultural, de símbolos da civilización antiga" para así "defender algo de extraordinario valor que é o pluralismo, a realidade plural dos territorios que hoxe son obxectivo de guerras e conflitos".
Gentiloni, ademais, subliñou a relevancia deste proxecto polo "extraordinario traballo (realizado) desde o punto de vista tecnolóxico" e tamén polo seu valor "político e diplomático", porque Italia ofreceuse a restaurar dúas obras de Siria seriamente deterioradas. Estas dúas obras, que se poden ver na exposición xunto ás tres recreacións, son dúas altorrelieves provenientes de Palmira que, unha vez concluída a exposición, pasarán a disposición do Ministerio italiano de Cultura para a súa restauración, antes de ser devoltos ao Museo Nacional de Damasco.
As recreacións contaron en todo momento coa supervisión dun comité científico de arqueólogos e históricos da arte, encargados de controlar que a reconstrución fóra "extremadamente fiel", en palabras dos organizadores da exposición. O Toro androcéfalo de Nimrud, a primeira capital do imperio asirio, decoraba orixinalmente a parede da fachada externa da sala do trono do Palacio Noroeste do rei Assurnasirpal II e tiña a intención de escorrentar as forzas inimigas contra a residencia do soberano.

Esta obra, de cinco metros, foi destruída na primavera de 2015 cando o Estado Islámico abateu con explosivos parte deste histórico palacio. A segunda das obras reconstruídas é a Sala do Gran Arquivo de Ebla que contiña 17.000 números de inventario e entre os documentos importantes atopábase o Tratado Internacional entre Ebla e a cidade de Abarsal, "o primeiro tratado internacional da historia".

Iria Padrón López, 2º Bach A
Comentarios (0) - Categoría Actividade En Ourense - Publicado o 08-10-2016 11:36
# Ligazón permanente a este artigo
Volve o poemagosto, con poesía e música, a Allariz
Está a piques de comezar a terceira edición do Poemagosto, o festival que organiza a Fundación Vicente Risco en colaboración con Concello de Allariz. E é que a paritr das 11h deste sábado, encetará o programa coa actuación de Ce Orquestra Pantasma, con animación para rapaces, no patio do Museo de Coiro.
A partir das 12.15h, Eli Ríos transmitirialles aos pequechos e pequechas o conto Marta e Píntega e ás 13h, o escritor Anxo Angueira ofrecerá un recital con poemas de Rosalía de Castro. Ademais, a partir das 13.30h terán lugar a mostra de cantos de desafío e un concurso de regueifas.
Xa na xornadas da tarde será a quenda do recital de poesía, en que participarán Rosalía Fernández Rial, Alba Cid, Gonzalo Hermo, Iolanda Zúniga, Carlos Rafael, Celia Parra Díaz, Lois Antón, Arancha Nogueira, Nuria Vil e Ismael Ramos.
O festival concluirá coas actuacións musicais, que se desenvolverán desde as 20.30h comezarán na carpa instalada no exterior do Festival Internacional de Xardíns de Allariz. Serán Mercedes Peón e a súa banda e o Leo i Arremecághona quen poñan fin á terceira edición do poemagosto.

María Millán Borrajo, 2ºBach A
Comentarios (0) - Categoría Actividade En Ourense - Publicado o 08-10-2016 11:31
# Ligazón permanente a este artigo
O autobús que vén parecerase ao taxi
Galicia é o país dos autobuses. Hai 143 servizos de transporte regular que atenden 7.500 paradas e fan 50 millóns de quilómetros anuais. Se a iso súmaselle o transporte escolar as cifras son aínda máis impactantes, pois esta rede ten unhas 23.500 paradas e 3.900 rutas diarias. En cambio, curioso paradoxo, tres cuartas partes dos máis de 30.000 núcleos de poboación de Galicia carecen de parada regular, a pesar de que moitos máis teñen unha para os escolares.Esta é a complexa realidade do transporte público interurbano en Galicia, na que a Xunta ve necesario acometer unha profunda transformación que teña en conta dúas variables inherentes á sociedade galega: a dispersión e o envellecemento poboacional. Para iso seguiron as exitosas experiencias de autobuses baixo demanda desenvolvidas en Castela e León ou a serra madrileña, consistentes en non concibir o transporte público como unha ruta invariable, senón adaptable á demanda. É dicir, transformar o autobús para que se pareza algo máis ao taxi, pero sen invadir o seu mercado. De feito, a Xunta tamén se expón recorrer a taxis con tarifa plana para poder chegar a zonas con moi pouca poboación e baixa demanda para o autobús onde, por lóxica, este servizo non sería rendible. Trátase, tamén, de evitar que vehículos con 50 prazas circulen baleiros pola corredoiras do país.

Antía Ramos Gallego, 2º Bach A
Comentarios (0) - Categoría Actividade En Ourense - Publicado o 08-10-2016 09:37
# Ligazón permanente a este artigo
Haití xa fala de 478 mortos polo paso do furacán
Preto de 30.000 persoas atópanse en albergues improvisados, mentres que unhas 35.000 continúan sen refuxio. Mentres segue este reconto, o furacán perde forza ao chegar a Florida.
Fontes oficiais de Haití confirmaron que a cifra de mortos no país polo paso do furacán 'Matthew' é xa de 478, conforme os equipos de rescate foron accedendo aos lugares máis remotos afectados pola tormenta. Preto de 30.000 persoas atópanse en albergues improvisados en doce comunas do departamento do sur, segundo informou a axencia haitiana de noticias AlterPresse, mentres que unhas 35.000 continúan sen refuxio.
A última actualización foi proporcionada por fontes locais de Protección Civil. En termos institucionais, máis afastados dos lugares afectados, aínda se manteñen cifras inferiores. A axencia central de Protección Civil confirma 271 falecidos e preto de 62.000 refuxiados.
O xefe da Oficina de Coordinación de Asuntos Humanitarios da ONU no país caribeño, Enzo di Taranto, sinalou que precisamente a rexión sur foi a máis afectada. As ONG Oxfam Intermón e Acción contra a fame temen que se agrave a crise humanitaria provocada polo furacán 'Matthew' en Haití e instaron á comunidade internacional a mobilizarse para paliar a situación, que podería empeorar a medida que pasan as horas.
Segundo as organizacións, é de vital importancia garantir o abastecemento de auga potable e a distribución de produtos sanitarios básicos ás comunidades máis afectadas polo efecto meteorolóxico para evitar a propagación de enfermidades .
Os labores de procura de Protección Civil prolongáronse na illa, onde se teme que o balance de falecidos e afectados aumente. Segundo datos oficiais, só nos distritos do Sur e Grand Anse rexistráronse unhas 29.000 casas fortemente afectadas. No suroeste do país producíronse grandes inundacións.
"Tememos que as cifras aumenten considerablemente a medida que os equipos de emerxencia avanzan. O que máis urxe neste momento é proporcionar auga potable para evitar enfermidades, así como entregar alimentos e materiais de construción", indicou o director dos programas de Oxfam Intermón en Haití, Jean Claude.

Carla Ferro Lodos, 2º Bach A
Comentarios (0) - Categoría Actividade En Ourense - Publicado o 08-10-2016 09:28
# Ligazón permanente a este artigo
As vítimas do Alvia sobre os informes omitidos: "É unha burla ás vítimas"
As vítimas do accidente de Angrois en Santiago acusan á xustiza --tanto ao xuíz instrutor da causa como ao fiscal-- de estar actuando "como avogados defensores de Adif e Renfe", a raíz da comparecencia de tres peritos este mércores, suspensión que estivo motivada pola inclusión no sumario de 300 folios aportados a última hora polo administrador de infraestructuras ferroviarias. Nunha comparecencia ás portas dos Xulgados de Fontiñas, Teresa Gómez-Limón, integrante da plataforma de afectados, actuou como portavoz para mostrar o seu malestar co proceder das entidades públicas empresariais que dependen de Fomento, pero tamén coa do maxistrado Andrés Lago Louro e do representante do Ministerio Público, Antonio Roma. "Adif e Renfe sé quen son, o que me doe é que a xustiza estea actuando como está actuando, con 80 mortos, e que estea actuando como avogada defensora de Adif e Renfe", censurou a exdiputada do PP en Madrid, quen viaxaba no tren Alvia aquel 24 de xullo de 2013. Tras ela, mostrando pancartas reivindicativas de xustiza e verdade, estivo unha decena de vítimas, aos que se uniron cun aplauso e mostráronlles o seu respaldo os participantes nunha concentración contra o xuízo a 12 persoas que ocuparon unha sala de cine en 2011 na capital galega. "É unha burla ás vítimas e á sociedade", denunciou Gómez-Limón, en relación á "sorpresa" que se levaron as partes o luns cando o administrador de infraestructuras ferroviarias entregou no xulgado "300 folios que se esqueceu". "E o máis grave é que o xuíz o admita", engadiu. Neste sentido, interpretou esta actuación como "un teatro" e "unha manipulación", algo "lamentable".

Nuria Vázquez Gómez, 2º Bach A
Comentarios (0) - Categoría Actividade En Ourense - Publicado o 08-10-2016 09:22
# Ligazón permanente a este artigo
Descobren unha das maiores pegadas de dinosauro do mundo no deserto de Gobi
Un equipo de expertos mongoles e xaponeses descubriu no deserto de Gobi (Mongolia) unha das maiores pegadas de dinosauro do mundo, de 106 centímetros de longo e 77 de ancho, que se cre foi deixada por un titanosaurio, informou a axencia oficial Montsame.

A pegada foi achada o 21 de agosto por paleontólogos da universidade xaponesa de Okayama e da Academia Mongol de Ciencias, aínda que o descubrimento non foi anunciado ata agora, en que se confirmou a súa autenticidade e a especie á que pertenceu. A pisada, na que se pode advertir a forma da planta e as garras, atopouse nunha capa xeolóxica de entre 70 e 90 millóns de anos de antigüidade, sinalou a axencia mongol.

O animal, de uns 30 metros de lonxitude e uns 20 de altura, puido deixar a pegada dunha das súas patas esquerdas nun chan embarrado que despois, coa desertización da zona, quedou rechea de area, axudando a que se conservase. O titanosaurio era un xigantesco animal de longo pescozo, herbívoro, que habitou no período Cretácico.

"É un descubrimento moi especial, xa que se trata dunha pegada fosilizada moi ben conservada, de máis dun metro de longo e signos das garras", sinalou un comunicado da Universidade de Ciencias de Okayama.

Raquel Vázquez Reza, 1ºBach.
Comentarios (0) - Categoría Xeral - Publicado o 07-10-2016 23:17
# Ligazón permanente a este artigo
María Jesús Lorenzo: «Na educación hai que traballar a longo prazo»
A demanda nos estudos de linguas vén minguando nos últimos anos, ata o punto de que dos 23 plans de viabilidade que teñen as universidades, cinco son de estudos relacionados coas linguas. A decana de Filoloxía da Universidade da Coruña, con plans de viabilidade para Galego-Portugués e Español, é María Jesús Lorenzo.

-¿En que momento comezou a decaer a demanda das filoloxías?
-Cando empezou a coparse o mercado laboral descendeu o número de alumnos. En Galego-Portugués temos 15 matriculados a día de hoxe, porque hai que ter en conta os graos simultáneos, que non son novos títulos, senón que é cursar dous graos á vez. Efectivamente, non hai 50 alumnos matriculados e non sei se chegaremos, pero aínda queda a matrícula de setembro. E non só temos matrícula de primeiro por primeira vez, que é a que computa a CIUG, temos tamén outras matrículas, como a de alumnos de inglés que se incorporan á simultaneidade ou matrículas extraordinarias. E logo temos o estudantado internacional. Filoloxía é a facultade que porcentualmente recibe máis estranxeiros de todas as facultades da UDC.

-Xa teñen en marcha medidas para optimizar os recursos, ¿non?
-Primeiro e segundo curso teñen os mesmos plans de estudos para os tres graos: español, inglés e galego-portugués. Teñen exactamente as mesmas materias nos dous primeiros cursos. Por moi poucos matriculados que haxa, como están no mesmo grupo, non hai ningún custo adicional para a Administración. En terceiro e cuarto, as obrigatorias e optativas da especialidade son diferentes, pero logo hai optativas non específicas, reducidas ao mínimo, que comparten os tres graos. E os profesores da facultade tamén dan clase nas mestrías e noutras facultades.

-Aparte da simultaneidade, ¿teñen outros proxectos?
-Estamos traballando para ofertar titulacións dobres. En inglés temos unha titulación coa Universidade de Gales do Sur. Os alumnos cursan terceiro alí e volven co título británico, e cursando cuarto aquí teñen o grao español.

-Fala de que hai que facer que estas medidas teñan certo percorrido.
-Na educación hai que traballar a longo prazo. Os resultados en educación levan máis tempo. E hai que ter en conta que seguramente nos próximos anos volva haber demanda destes titulados.

Iria Álvarez Prieto, 1ºBach.
Comentarios (0) - Categoría Actividade En Ourense - Publicado o 07-10-2016 23:12
# Ligazón permanente a este artigo
© by Abertal