Blog do EDLg do Colexio Plurilingüe Divina Pastora Franciscanas de Ourense
O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Carlos G. Reigosa presenta no Consello da Cultura Galega o seu libro A agonía do león. Esperanza e traxedia dos escapados
O Consello da Cultura Galega acolleu este xoves a presentación do libro “A agonía do león. Esperanza e traxedia dos escapados” de Carlos G. Reigosa. No acto interviron Ramón Villares, presidente da institución, o editor, Manuel Bragado e o autor.
Trátase dunha reedición do título que se editou por vez primeira en 1996, merecente daquela do Premio Internacional Rodolfo Walsh de Literatura Testemuñal, e actualizado agora, o libro é “un descenso aos infernos da posguerra española”, como apunta no prólogo o escritor e xornalista Manuel Leguineche.
Carlos G. Reigosa, xornalista e escritor, describe con rigor histórico o drama dos fuxidos centrándose na peripecia vital do guerrilleiro berciano Manuel Girón Bazán, da UGT, combatente na fronte de Asturias e logo mito da guerrilla antifranquista en León e Galicia ata o seu final en 1951.
O autor, que segue traballando a temática da posguerra, defendeu a necesidade de recuperar a historia sen orientacións sectarias ou mistificadoras, visión na que coincide con Ramón Villares, presidente do Consello da Cultura Galega e catedrático de Historia contemporánea da Universidade de Santiago de Compostela.
O libro pode lerse como reportaxe dun tempo de combate, represión, miseria e dor, novela policial, crónica de horribles sucesos, episodio bélico, novela psicolóxica, crónica de costumes, descrición dunha zona deprimida -La Cabrera, montaña case inaccesible no noroeste de León- ou como retrato da condición humana nunha situación límite.

Noemy Dopazo, 2ºBbach.
Comentarios (0) - Categoría Actividade En Ourense - Publicado o 18-04-2011 13:28
# Ligazón permanente a este artigo
Chuza! Meneame
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal