Blog do EDLg do Colexio Plurilingüe Divina Pastora Franciscanas de Ourense

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Santiago ten 47 quilómetros de estrada de gran risco con sete mortos en tres anos
Catro dos cen tramos de estrada con maior risco de toda España están na área de Santiago. Nestes 47,4 quilómetros de vías nacionais producíronse en tres anos 26 accidentes graves con sete mortos e outros 22 feridos, segundo o informe do 2015 do Real Automóbil Club de España (RACE), que analiza o período entre o 2012 e o 2014.

O peor destes catro tramos de risco está na N-547, entre Boente (Arzúa) e o centro urbano de Melide. O RACE sitúa este traxecto de 7,5 quilómetros como o sétimo de maior perigo de todo o Estado. Entre o 2012 e o 2014 houbo catro accidentes graves con outros tantos feridos de consideración. Son menos que noutros períodos e non houbo falecidos, o que pon de manifesto que as medidas tomadas, como a prohibición de adiantar en zonas nas que antes se permitía, están fornecendo o efecto desexado. Con todo, o índice de risco seguiu incrementándose nos últimos anos. No 2013 tiña nivel laranxa e nos seguintes pasou a negro, o máximo.

No posto 18 e tamén en nivel negro de risco -maior que no 2013 e o 2014, ambos con nivel vermello- están os 13,9 quilómetros da N-634 que separan Ponche Carreira (Frades) de Sesmonde (Vilasantar). Aquí houbo oito accidentes importantes con dous mortos e sete feridos graves.

Nos 10,1 quilómetros da N-550 (A Coruña-Tui) entre Ordes e Mesón do Vento houbo oito accidentes graves, con dous mortos e seis feridos. Este é o único dos catro tramos que viu reducida o seu perigo, aínda que segue ocupando o posto 37 no ránking. No 2013 tiña nivel negro e agora só vermello.

No posto 75 dos tramos de maior risco de España está o que separa a rotonda da ligazón da autovía A-54 en Lavacolla co final da zona urbana de Ferreiros, no Pino. Estes 15,9 quilómetros tamén están situados na N-547, a estrada que une Santiago con Lugo. Neses tres anos rexistráronse seis accidentes graves nos que houbo tres mortos e outros cinco feridos de gran consideración. Neste punto o nivel de perigo, que baixou de vermello a laranxa no 2014 con respecto ao ano anterior, volveu incrementarse no 2015, escalando novamente ao nivel vermello.

Lucía Vázquez Nóvoa, 1º B de Bacharelato
Comentarios (0) - Categoría Recursos en galego - Publicado o 10-04-2016 22:16
# Ligazón permanente a este artigo
Cazan a un veciño de Ourense circulando a 220 por Zamora
Un varón portugués residente en Ourense foi detido despois de que un control móbil de radar detectase que circulaba co seu vehículo a case 220 quilómetros/ hora na autovía A-52 Rías Baixas. O control efectuouse na madrugada do pasado martes 5 de abril á altura de Mombuey (Zamora), por onde o turismo que conducía o detido circulaba a 219 quilómetros/hora, sinala a Comandancia da Garda Civil de Zamora nun comunicado. O tramo polo que circulaba o vehículo cando foi detectado polo radar estaba limitado á velocidade máxima xenérica para ese tipo de vías, de 120 quilómetros/hora. O condutor, de 50 anos, excedía a velocidade máxima en 99 quilómetros hora, polo que foi detido por un suposto delito contra a seguridade vial e entregado ao xuíz, que decretou a súa posta en liberdade con cargos. O Código Penal prevé para este tipo de accións pena de prisión de tres a seis meses, pena de multa ou a pena de traballos en beneficio da comunidade de trinta e un a noventa días, ao que se suma a pena de privación do dereito a conducir vehículos a motor e ciclomotores entre un e catro anos.

Nuria Vázquez Gómez, 1ºA de Bacharelato.
Comentarios (0) - Categoría Recursos en galego - Publicado o 10-04-2016 21:18
# Ligazón permanente a este artigo
Viaxe a Lisboa
A viaxe comezou o martes 29 de marzo cando, ás 8.00, os alumnos de 1º de bacharelato e 4º da E.S.O esperabamos, aínda que un pouco durmidos, a saída do autobús cara ao noso destino. Ese mesmo día chegamos a Porto onde tivemos unha fantástica guía, Antonia, que nos ensinou a cidade. Pola noite, ao chegar ao hotel “Costa da Caparica” decidimos dar unha volta aos arredores e baixar a praia a tocar a auga, despois diso, todo o mundo a durmir. A mañá seguinte, mércores 30, tivemos un tour guiado por Lisboa coa compañía de Mercedes, que nos mostrou a capital portuguesa dun xeito moito máis ameno. Visitamos a Torre de Belem, o Mosteiro dos Jerónimos e o Monumento aos Descobrimentos. Despois de xantar visitamos o Barrio Alto, lugar cheo de restaurantes e bares, é dicir, “o lugar da noite” en Lisboa. Este día tivemos a ocasión de probar os pasteis de Belem que son unha das especialidades máis características da pastelaría portuguesa. Xoves 31, levantámonos con forzas xa que é un día no que debemos camiñar, pola mañá visitamos o Palacio da Pena, que foi unha das residencias oficiais dos Reis de Portugal durante o século XIX. Atópase na cidade de Sintra, e foi declarado Patrimonio da Humanidade pola UNESCO no ano 1985. No ano 2007 foi incluído na lista das sete marabillas de Portugal por votación popular. Quedei verdadeiramente impresionada con este palacio e coas vistas que había desde alí arriba e foi un dous meus lugares preferidos. Xantamos no hotel e pola tarde continuamos a visita por Lisboa, onde tivemos unha hora para pasear e comprar por alí. Venres 1, visitamos o Oceanário de Lisboa, que é o segundo acuario máis grande de Europa, por detrás do de Valencia. No seu hábitat coexisten máis de 15.000 seres vivos de máis de 450 especies diferentes.

Pola tarde visitamos estoril e cascais onde, debido ao bo tempo que nos acompañaba decidimos baixar a praia aínda que só os máis valentes metéronse na auga, mentres os demais tomaban o sol ou gozaban dun partido de fútbol preto do mar. E como todo o bo remata, chegou o último día, sábado 2. Almorzamos cedo e saímos cara Ourense parando en Óbidos, onde se estaba a celebrar o festival do chocolate polo que puidemos deixar Portugal cun bo sabor de boca. Máis tarde fixemos a derradeira parada en Coímbra para xantar e visitar a cidade. Chegamos a Ourense cansados pero contentos e con moitas cousas que contar, foi unha viaxe que serviu para coñecernos mellor entre nós e para coller esta terceira avaliación con moitas máis ganas.

Antía Ramos Gallego, 1º A de Bacharelato
Comentarios (1) - Categoría Recursos en galego - Publicado o 10-04-2016 21:10
# Ligazón permanente a este artigo
Hai que adaptarse aos tempos e enganchar ao lector en vinte páxinas
Cinco meses bastáronlle a Carlos Montero para poñer sobre o papel “El desorden que dejas”, a súa segunda novela e a que lle colocou como un dos escritores españois de moda tras alcanzar o premio Primavera, dotado con cen mil euros e que conta con gañadores tan ilustres como Juan José Millás, Rosa Montero ou Lorenzo Silva. O xurado elixiu a súa narración entre as case novecentas pezas presentadas «pola creación duns personaxes verosímiles e próximos envoltos nunha trama vertixinosa». Solteiro, afeccionado a ler, ao cinema e a saír cos amigos, Montero foi guionista de series televisivas de éxito como “Física o química” e “El comisario”, ademais de asinar outra novela, “Los tatuajes no se quitan con láser”. Ademais de estar escrita por un galego de Celanova, ten o toque galego, non só no ambiente e a climatoloxía, senón tamén nun ambiente melancólico e rodeado de segredos que poucas veces quérese que transcendan pero que acaban tendo consecuencias dramáticas para quen os garden. “É necesario adaptarse aos novos tempos, ao iPad, ás descargas. Aí danche as vinte primeiras páxinas gratis, e se non enganchas ao lector, ninguén o descarga. Eu mesmo son así. Non temos moito tempo e o que les tenche que xerar unha satisfacción. Se o pensas, vinte euros [o prezo da súa novela é de 19,90] é moito, pero se xera esa sensación de satisfacción non será diñeiro perdido.” -di o autor.

Antía Ramos Gallego, 1º A de Bacharelato
Comentarios (0) - Categoría Recursos en galego - Publicado o 10-04-2016 21:07
# Ligazón permanente a este artigo
Nacen os premios 'Crea' para promover o traballo de cineastas galegos
A Asociación de Directores e Realizadores de Galicia (Crea) presentou a primeira edición dos premios 'Crea', composta por 11 categorías e un duodécimo galardón honorífico, a que concorreron 110 traballos. Os gañadores daranse a coñecer nunha gala en Santiago o próximo 14 de maio.

Así explicouno o presidente da asociación, Jorge Coira, este venres nunha rolda de prensa na que explicou que o obxectivo deste certame é "promover o traballo dos directores" galegos e que naceu con vocación de converterse no premio "máis importante" deste ámbito a nivel autonómico.

Neste sentido, indicou que xa se entregaran recoñecementos a directores con anterioridade, aínda que esta é a primeira vez que se constitúen uns premios deste modo.

Entre as categorías atópanse os recoñecementos á mellor curtametraxe ou longametraxe ficción e un honorífico que se entregará a un individuo ou a unha entidade que defendera o "talento dos directores de Galicia".

Selena González Rodriguez, 1º A de Bacharelato.
Comentarios (0) - Categoría Recursos en galego - Publicado o 10-04-2016 21:05
# Ligazón permanente a este artigo
ENGLISH WEEK
Na semana do 4 ao 9 de abril celebramos no noso centro a primeira English Week.

Ao longo da semana leváronse a cabo múltiple actividades para resaltar a importancia do inglés como medio de comunicación mundial.

Empezando polo luns, unha obra de teatro da compañía Moving on, na cal tamén tivo gran relevancia a participación de moitos alumnos seleccionados para sair ao escenario a colaborar. O mesmo día tivo lugar pola tarde a hora do té, na cal tivemos a oportunidade de degustar os dous tipos de té máis consumidos polos ingleses, acompañado dunha pasta. Bo aperitivo!

Outro dia foi dedicado visión de películas en inglés, no caso de primeiro de bacharelato, a afortunada foi "Pride and prejudice", a súa vez, a educación física quixo colaborar, polo que nas suas respectivas horas realizáronse xogos tradicionais ingleses.

Tamén para alumnos da Eso fixéronse clases integras de certas materias en inglés, por exemplo as de Xian Bobillo e Maria Gándara, quen parece que quedaron contentos coa experiencia.

O derradeiro dia lectivo tivemos a sorte de asistir a un musical, onde grupos de alumnos de xente da Eso dedicáronnos incribles actuacións, xa sexa a das máis pequenas con "Let her go" ata o mundialmente coñecido "lmagine" de John Lennon, momento moi emocionante. Todo este festival estivo encamiñado polo tema da paz, indo asi á par co lema do cotexio.

E aínda que os dias escolares remataron, a English Week non rematou ata o sabado, onde 20 alumnos tiveron a oportunidade de ter a unha clase para facer cupcakes e logo podelos degustar.

Este foi o noso primeiro ano con esta experiencia, pero debido ao seu éxito, non será o último.

Selena González, 1º A de Bacharelato
Comentarios (0) - Categoría Recursos en galego - Publicado o 10-04-2016 21:01
# Ligazón permanente a este artigo
A iniciativa para fomentar a transmisión do galego suma 23 concellos e unha poboación dun millón de habitantes
En apenas un ano de vida, o proxecto para a socialización da infancia en galego “Apego” estaba xa en 23 concellos, que representan unha poboación de máis dun millón de habitantes. En marzo de 2015 asinaban un protocolo de colaboración os concellos da Baña, Carballo, Carnota, Ferrol, Narón, Negreira, Ourense, Pontevedra, Redondela, Rois, Santiago de Compostela e Vigo. Nacía así este programa para promover e arroupar a transmisión da lingua ás nenas e nenos.

Os concellos participantes impulsaron diversas accións, centradas nas crianzas entre 0 e 6 anos que abranguen os diferentes contextos da vida dos nenos e nenas. Deseñáronse e distribuíronse materiais específicos, organizáronse actividades, achegáronse argumentos, información e recursos, etc., para as familias e para os profesionais e en todas as accións do proxecto resalta a valoración positiva da lingua. “Apego” mantense desde os servizos de normalización lingüística dos concellos participantes, impulsados inicialmente pola Coordinadora de Traballadores/as de Normalización da Lingua (CTNL).

A comunidade creada arredor do Apego foi medrando nestes meses. O sábado, día 9 de abril, ás 12.00 h no Centro Ágora da Coruña, tivo lugar o acto de adhesión de novos concellos: A Coruña, Ames, Mazaricos, Moaña, Muros, Oleiros, Ponteceso, Rianxo, Ribadeo, Teo e Vimianzo.

Ana García Barandela, 2º de Bacharelato.
Comentarios (0) - Categoría Recursos en galego - Publicado o 09-04-2016 15:29
# Ligazón permanente a este artigo
A irmá de Juan Carlos I, Messi ou Almodóvar, algúns dos implicados nunha gran rede de branqueo en Panamá
Pilar de Borbón, irmá do rei emérito Juan Carlos I, o futbolista Leo Messi, o director de cine español Pedro Almodóvar ou Micaela Domecq, esposa do exministro Arias Cañete, son só algúns dos nomes que aparecen no novo caso de corrupción destapado este domingo polo Consorcio Internacional de Xornalistas de Investigación e no que participan medios españois como La Sexta ou O Confidencial

A eles súmase unha longa lista na que aparece o nome de doce xefes de Estado, 128 políticos e 61 familiares ou socios próximos a líderes de todo o mundo. Os papeis de Panamá destapan o funcionamento do despacho panameño Mossack Fonseca, un dos principais en creación de sociedades opacas.

O nome de Pilar de Borbón non é o único que español que aparece na longa lista. Micaela Domecq Solís-Beaumont, esposa do exministro de Agricultura e actual comisario europeo Miguel Arias Cañete- tamén forma parte dos papeis de Panamá. Segundo o Consorcio Internacional de Xornalistas de Investigación, Domecq foi apoderada da sociedade panameña Rinconada Investments, unha compañía creada no ano 2005, xusto cando o seu marido era portavoz de Economía do PP na oposición. Segundo os papeis, esta sociedade está inactiva desde xaneiro do 2010.

Os papeis de Panamá tamén inclúen á estrela do FC Barcelona, Leo Messi, que xunto ao seu pai Jorge Horacio Messi, utilizaron un despacho uruguaio para facerse cunha sociedade panameña coa que terían facturado os seus dereitos de imaxe ás costas da Axencia Tributaria desde o 13 de xuño do 2013, un día despois de que se coñecese que o xogador evadira máis de catro millóns de euros entre o 2007 e o 2009.

Entre os implicados na rede aparecen máis personalidades vinculadas co mundo do fútbol. Michel Platini, presidente da UEFA, recorreu ao bufete Mossack Fonseca para administrar unha sociedade constituída en Panamá no ano 2007, xusto cando foi nomeado presidente do organismo deportivo.

Pola súa banda, o director de cine Pedro Almodóvar e o seu irmán e produtor Agustín Almodóvar foron apoderados, desde xuño de 1991, da sociedade Glen Valley Corporation rexistrada nas Illas Virxes Británicas, un territorio considerado en España como un paraíso fiscal. A firma mantívose activa desde o 22 de marzo de 1991 ata o 11 de novembro de 1994 e a súa tramitación xestionouse desde o despacho da firma panameña Mossack Fonseca en Xenebra (Suíza).

Lucía Vázquez Nóvoa, 1º B de Bacharelato
Comentarios (1) - Categoría Recursos en galego - Publicado o 03-04-2016 23:07
# Ligazón permanente a este artigo
Os exames revelan que non hai "indicios criminais" na morte de Brais Bogo
O delegado do Goberno en Galicia, Santiago Villanueva, confirmou hoxe que as investigacións sobre a morte de Brais Bogo, cuxo corpo foi achado o martes no río Sar, ao seu paso polo barrio compostelano de Conxo, non mostran "indicio criminal" algún. Villanueva, consultado pola prensa tras participar nun almorzo informativo na capital galega, explicou que a autopsia "confirma morte por ahogamiento", en concreto "por inmersión", e cos datos que se coñecen "non hai nada que nos indique unha situación diferente".

"Polos datos que temos non foi unha morte violenta", constatou o delegado do Goberno que, en todo caso, sinalou que continúan as investigación. Villanueva sinalou que o corpo de Brais Bogo presenta unha "serie" de impactos pero que son consecuencia "de ser arrastrado polas augas, por golpes coas pedras ou ca vexetación" da canle. Reiterou que é "moi difícil" determinar si se caeu, tirou ou resbalou.

Nuria Vázquez Gómez, 1ºA de Bacharelato.
Comentarios (0) - Categoría Recursos en galego - Publicado o 03-04-2016 23:02
# Ligazón permanente a este artigo
Os salarios medios galegos son peores que os españois en todos os sectores, agás pesca e agricultura.

A fenda económica entre Galiza e España ensanchouse coa crise, un alargamento que deixou pegada en cuestións como o salario medio anual, que na Galiza está por baixo da media do Estado en todos os sectores agás no primario. E non debemos esquecer que nesta actividade é pouco significativa, dada a escasa entidade do emprego asalariado na mesma, onde boa parte dos e das traballadoras figuran noutros rexistros. No resto dos sectores as maiores diferenzas prodúcense en 'Información e comunicacións' e 'Entidades financeiras', que superan os 5.900 e 4.300 euros anuais, respectivamente.

Na 'industria extractiva, enerxía e auga' o soldo anual medio galego é un 2% inferior ao español, mentres que no sector da 'Industria' esa fenda entre un salario medio español e un galego é do 11% (máis de 2.500 euros ao ano). Na 'Construción e actividades inmobiliarias' tamén os emolumentos medios no Estado español son superiores aos galegos, se ben cunha diferencia moito menor (apenas un 0,2%). En 'Servizos ás empresas' esa diferencia no salario anual no Estado e na Galiza supera os 2.000 euros anuais, mentres que en 'Servizos sociais' o salario medio dun galego é de 740 euros menos.

No ano 2014 o salario medio oscila entre o mínimo da agricultura, gandería, silvicultura e pesca en España (5.980 euros anuais) e outros servizos persoais e de ocio (8.112 euros) en Galiza e o máximo da rama Entidades financeiras e aseguradoras. Nesta última rama, o salario medio no período 2009-2014 diminúe un 4% en España, mentres que en Galiza faino nun 16%.

Ana García Barandela, 2º de Bacharelato.
Comentarios (0) - Categoría Recursos en galego - Publicado o 03-04-2016 00:27
# Ligazón permanente a este artigo
[1] ... [7] [8] [9] 10 [11] [12] [13] ... [37]
© by Abertal