Blog do EDLg do Colexio Plurilingüe Divina Pastora Franciscanas de Ourense

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Aumentan os suicidios en Galiza
O INE fixo públicas as cifras de suicidio correspondentes ao ano 2014. Na Galiza rexistráronse, segundo os dados oficiais, 371. Este número supón o duplo de persoas das que faleceron no mesmo período por accidentes de tránsito en vehículos a motor (161) sendo que, ademais, atinxe maioritariamente homes (279) en relación ás mulleres (92).

O suicidio rexístrase maioritariamente entre persoas de 30 e 39 anos de idade, seguidas daquelas que se sitúan entre os 50-54 e os 65-69. Desde o estoupido da crise económica, o número de persoas que se quitaron a vida incrementouse o 22% pasando de 304 no ano 2007 e 296 en 2008 a 371 segundo os últimos dados rexistrados.

Manuel Alejandro Fernández Carrasco, 2º de Bacharelato.
Comentarios (0) - Categoría Recursos en galego - Publicado o 02-04-2016 16:28
# Ligazón permanente a este artigo
Marchas a pé e en bicicleta para poñer en valor a Costa dá Morte
Descubrir e poñer en valor cada recuncho de A Costa dá Morte é o obxectivo da VII Primavera en Ruta, promovida por Senda Nova, e das Andainas organizadas polos concellos de Camariñas, Cee, Muxía, Corcubión, Dumbría, Fisterra, Vimianzo, Mazaricos e Ponteceso, así como da sexta edición das rutas en bicicleta Coñece ou teu Concello que discorrerán por terras de Carballo.

Iniciativas que afloran coincidindo coa chegada da primavera, aínda que as últimas choivas obrigaron a Senda Nova a pospoñer a primeira das rutas, prevista para mañá, ata o día 29 de maio. No entanto, se nada o impide, os amantes do sendeirismo calzarán as botas o vindeiro sábado, día 10 de abril, para descubrir a forza do río Chonia ao longo dunha ruta de 22 quilómetros por Trazo.

Irene Iglesias Bastos, 2º de Bacharelato.
Comentarios (0) - Categoría Recursos en galego - Publicado o 02-04-2016 16:25
# Ligazón permanente a este artigo
A RAGBA REIVINDICA A “INNEGABLE” TRASCENDENCIA DA FIGURA DE CASTELAO
A Real Academia Galega de Belas Artes (Ragba) conmemorou onte o Día das Artes Galegas 2016, dedicado á figura de Castelao, nun acto institucional no Museo de Pontevedra que contou coa asistencia do conselleiro de Cultura, Román Rodríguez; a presidenta da Deputación de Pontevedra, Carmela Silva, e o alcalde de Pontevedra, Miguel Anxo Fernández Lores.

Foi un acto no que o presidente da academia, Manuel Quintana Martelo, quen estivo acompañado por outros académicos e unha ampla representación dos mundos da cultura e as artes galegas, destacou a “enorme e innegable” transcendencia social, política e artística de Castelao, “sen a cal non poderiamos entender a Galicia actual”.

Elena Outomuro López, 2º de Bacharelato.
Comentarios (0) - Categoría Recursos en galego - Publicado o 02-04-2016 16:24
# Ligazón permanente a este artigo
Frigolouro despide cinco operarios que secundaron a greve
A empresa de procesados cárnicos de Vigo Frigolouro despediu cinco dos operarios que secundaron a folga indefinida convocada polo cadro de persoal para exixir condicións laborais dignas. Así o denunciou a Confederación Intersindical Galega (CIG) após notificárenlles a catro desas persoas que non superaran o período de probas de 6 meses e a outra que a súa saída da empresa respondía a supostas ameazas a outro traballador por non secundar a greve.

Desde a central sindical comunicaron que as rescisións dos contratos foron denunciadas xa perante inspección de traballo pois, apuntan, "curiosamente, as cinco persoas despedidas participaron tanto nas xornadas de folga como nas mobilizacións convocadas para reclamar melloras nas condicións laborais". Neste senso, explican que a readmisión do persoal despedido "será a principal reivindicación en calquera negociación coa empresa".

Así mesmo, a CIG denunciou que o persoal de Servicarne que regresou ao seu posto de traballo nos últimos días estivo "vixiado por gardas de seguridade" durante a xornada laboral e "mesmo os acompañaban até o cuarto de baño", subliña.

Os operarios de Frigolouro manteñen unha greve indefinida para conseguir mellores condicións de traballo. Trátase de persoal contratado como falsos autónomos. “Sufrimos condicións laborais propias dun réxime de semi-escravitude”, explicaba en conversa con Sermos Galiza Suso García da CIG.

Sofía Fernández Martínez, 2º de Bacharelato.
Comentarios (0) - Categoría Recursos en galego - Publicado o 02-04-2016 16:23
# Ligazón permanente a este artigo
Galicia mostra a súa conmoción e condena os atentados en Bruxelas
Multitude de municipios, institucións e organismos participaron no mediodía deste mércores en concentracións de repulsa para condenar os atentados perpetrados o martes no aeroporto e o metro de Bruxelas, que se saldaron con 31 falecidos e máis de 200 feridos. Os minutos de silencio e actos de condena sucedéronse ante o Parlamento de Galicia, a Xunta, as deputacións provinciais ou a Delegación do Goberno en Galicia.

Así mesmo, multitude de concellos uníronse á convocatoria realizada pola Femp e a Fegamp para expresar o seu rexeitamento á violencia e o apoio ás vítimas e ás súas familias. Así, o presidente da Xunta, Alberto Núñez Feijóo, presidiu o minuto de silencio que gardaron ás 12,00 horas membros da Administración autonómica ante o edificio de San Caetano, as bandeiras da cal ondeaban a media hasta en sinal de do. A práctica totalidade dos conselleiros e outras autoridades do Goberno acompañaron traballadores nunha concentración de repulsa que contou tamén coa participación da presidenta do CES, Corina Porro. A protesta concluíu cun aplauso.

Posteriormente, Núñez Feijóo arrancou a rolda de prensa posterior ao Consello da Xunta trasladando a "conmoción" do Executivo galego ante os atentados de Bruxelas. "Máis que nunca, como galegos, españois e europeos creemos na liberdade, fronte a quen nos quere dividir", dixo o presidente, quen adiantou que as nacións democráticas non "aceptarán de ningún modo calquera fanatismo criminal que poida rematar" coa vida de cidadáns europeos". Na sala de prensa, as bandeiras tamén ondearon a media hasta.

Selena González, 1º A de Bacharelato
Comentarios (0) - Categoría Recursos en galego - Publicado o 24-03-2016 21:23
# Ligazón permanente a este artigo
Ourense afronta a Semana Santa con 100 % de ocupación nos hoteis
Pola súa situación de provincia de interior Ourense non é un destino turístico de primeira, nin tampouco é un referente para os asiduos das procesións e actos relixiosos da Semana Santa pero, aínda así, as previsións para os próximos días festivos son moi optimistas.

Tras os bos resultados do ano pasado, espérase que este ano se manteña a tendencia e que a provincia se sitúe aos poucos no mapa do turismo nacional. Onte mesmo xa era imposible atopar habitación en máis de dous hoteis da capital e as alternativas obrigaban a desprazarse a outras localidades próximas para pernoitar, como San Cibrao das Viñas. Esas boas previsións non afectan só á capital, senón tamén a vilas como Allariz e mesmo a establecementos de turismo rural e balnearios, alternativas que tamén teñen unha demanda á alza e nas que se espera tamén colgar o cartel de «completo».

Sara Fernández, 1º A de Bacharelato
Comentarios (0) - Categoría Recursos en galego - Publicado o 24-03-2016 21:18
# Ligazón permanente a este artigo
A POLICÍA BUSCA AO MOZO FERROLÁN QUE DESAPARECEU O VENRES EN SANTIAGO
O delegado do Goberno en Galicia, Santiago Villanueva, indicou hoxe que a Policía Nacional está a efectuar "as procuras correspondentes" para tratar de localizar a un mozo de 24 anos desaparecido desde o venres despois que se lle perdese a pista en Compostela.

"Esperábaselle o sábado para que volvese en tren, non volveu e aí empezou a preocupación", explicou Villanueva, quen indicou que o Corpo de Policía traballa para tentar localizar algunha pista que lles leve ao seu paradoiro. O mozo ferrolán, de 24 anos, estuda Bioloxía na universidade de Santiago de Compostela e estaba previsto que viaxase en tren, pero non o fixo e ninguén tivo noticias del, nin familiares nin amigos. Actualmente, familiares e amigos de Brais Bogo iniciaron "unha campaña de pegada de carteis", tamén a través das redes sociais, para tratar de dar co seu paradoiro.

Desde o venres, o móbil do novo, cuxa familia puxo os feitos en coñecemento das autoridades policiais, permanece apagado e os seus coñecidos acharon no seu domicilio "a carteira e efectos persoais", comentou Villanueva. Ademais da pegada de carteis, o delegado de Goberno fixo un chamamento para que "calquera persoa que o vexa se poña en contacto coa policía ou a través do 112". O delegado manifestou a súa confianza en que o caso se poida resolver "de forma positiva" e que o mozo apareza. A última vez que houbo noticias del foi o venres pasado.Bo mozo mide 1,70, leva o pelo longo, ten lentes e, ademais, vestía cazadora negra.

Nuría Vázquez Gómez, 1º A de Bacharelato
Comentarios (0) - Categoría Recursos en galego - Publicado o 24-03-2016 21:15
# Ligazón permanente a este artigo
A RAG leva perante o Tribunal de Estrasburgo o decreto do plurilingüismo

A Academia presentará unha demanda perante o Europeo de Dereitos Humanos contra o decreto 79/2010 para o plurilingüismo no ensino non universitario, coñecido popularmente como ‘decretazo’. Farao como "novo paso na defensa dos dereitos lingüísticos das crianzas en idade escolar e por encomenda de nais e pais" , segundo sinalou nun comunicado de prensa a institución após o acordo plenario adoptado o 17 de marzo.

Segundo a RAG o decreto 79/2010 e varias das decisións tomadas ao longo do procedementos xudiciais seguidos contra esta norma ante o TSXG, o Tribunal Supremo e o Tribunal Constitucional vulneran "os dereitos fundamentais recollidos no Convenio Europeo para a protección dos Dereitos Humanos".

Desde as familias e a Academia sinalan que "despois de cinco anos de aplicación comprobamos que a norma vulnera o dereito a ser iguais dos nosos fillos e fillas con independencia da lingua" e "afonda na desigualdade histórica" o que "conduce a enormes dificultades para exercer o dereito a falar galego, e a levar unha vida en galego como persoas adultas". Imposibilidades que, sinalan, "son imposíbeis de superar para nenos e nenas en idade escolar aos que se lles transmite a idea de que a súa lingua non é útil", recolle a carta remitida por familiares á RAG.

Neste senso, a Academia sinala que "desde a súa aprobación" decidiron "esgotar todas as vías xudiciais contra unha norma que infrinxe a legalidade, lesiona os dereitos das persoas galegofalantes e está en flagrante contradición co compromiso que o Reino de España suscribiu ao asinar a Carta europea de linguas rexionais e minoritarias". Descarte, lembran que "o propio Consello de Europa manifestou o pasado mes de xaneiro a súa preocupación polo efecto negativo da "redución gradual" do galego no ensino de Galiza". Unha valoración recollida no informe elaborado a respecto da aplicación da Carta e no que se subliña que no ensino infantil o galego só está presente no 6,57% das poboacións con máis de 50 mil habitantes.

Ana García Barandela, 2º de Bacharelato.
Comentarios (1) - Categoría Recursos en galego - Publicado o 20-03-2016 20:32
# Ligazón permanente a este artigo
Morren 13 universitarias nun accidente de autobús en Tarragona
O número de vítimas mortais no accidente de autobús de hoxe en España é de trece persoas e todas son mozas estranxeiras, confirmou o ministro español de Interior, Jorge Fernández Díaz, sen detallar as nacionalidades.

O ministro informou de que se están levando a cabo as tarefas de identificación e contacto coas familias, e a partir de aí comezará o procedemento de repatriación, que se inicia agora e probablemente durará días.

No autobús sinistrado viaxaban estudantes de Perú, Bulgaria, Polonia, Irlanda, Palestina, Xapón, Ucraína, a República Checa, Nova Zelandia, o Reino Unido, Italia, Hungría, Alemaña, Suecia, Noruega e Suíza.

O autocar levaba en total a 56 estudantes de Erasmus -programa de intercambio universitario de estudantes estranxeiros- de diversas nacionalidades que volvían de ver a Noite do Lume das festas das Fallas de Valencia, e chocou cun coche.

O sinistro produciuse pouco antes das 6 da mañá, cando un vehículo da empresa Autocares Alejandro, de Mollet do Vallès (Barcelona), que circulaba en sentido Barcelona e que transportaba a 57 persoas, perdeu o control tras un volantazo, atravesou a mediana e envorcou en sentido sur, chocando con outro vehículo, cuxos dous ocupantes resultaron feridos.

O conselleiro de Interior da Generalitat, Jordi Jané, achacou inicialmente a un "erro humano" a causa do accidente.

Lucía Vázquez Nóvoa, 1º B de Bacharelato
Comentarios (0) - Categoría Recursos en galego - Publicado o 20-03-2016 19:55
# Ligazón permanente a este artigo
Unha gran homenaxe a Neira Vilas pon en valor a súa achega á cultura galega
A homenaxe póstuma oficial ao escritor Xosé Neira Vilas celebrada onte no Gaiás serviu para afondar na contribución que o autor de Memorias dun neno labrego fixo á cultura galega, tanto dende América, onde pasou gran parte da súa vida emigrado, como despois dende a súa aldea natal de Gres (Vila de Cruces), onde creou a fundación que leva o seu nome. Aos actos, que estiveron encabezados polo presidente da Xunta, Alberto Núñez Feijoo, ademais de representantes políticos e de institucións culturais, acudiron numerosos escritores así como os seus propios veciños, ata encher a sala do museo da Cidade da Cultura.

O presidente da Xunta eloxiou a herdanza deixada polo autor cruceño, que faleceu o pasado 27 de novembro, incidindo en que logrou converter o seu Gres natal nun «epicentro da literatura universal», xa que Balbino está no Olimpo literario xunto a outros nenos célebres da literatura mundial como Tom Sawyer ou Oliver Twist. Núñez Feijoo tamén destacou que grazas a Neira Vilas «sabemos como eramos» e indicou que o autor seguirá agora presente «no seu legado e, sobre todo, nos seus lectores».

Antía Ramos Gallego, 1º A de Bacharelato
Comentarios (0) - Categoría Recursos en galego - Publicado o 20-03-2016 19:40
# Ligazón permanente a este artigo
© by Abertal