Blog do EDLg do Colexio Plurilingüe Divina Pastora Franciscanas de Ourense

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Os científicos piden vixiar as fronteiras contra invasores como a avespa mandarina
«Todas as especies poden chegar», di José Carlos Otero González, profesor na Facultade de Bioloxía da USC e autor do libro A vida secreta dos insectos. O mesmo opina o investigador Xesús Feás, que sintetizou feromonas de velutina para intentar achar un cebo específico para controlar a expansión desta avespa: «As especies invasoras chegan e chegan sempre da man do home». Asumido ese principio, é posible que a avespa mandarina, de maior tamaño e máis nociva que a velutina, chegue a Galicia, pero os científicos non ven un risco inmediato de que iso ocorra. «Agora mesmo non vexo un risco inmediato. Esta especie está distribuída en Corea, China , Taiwan, Indonesia, en todas as zonas subtropicales da rexión oriental de Asia. Estamos a vivir nunha época cun comercio global realmente brutal, e calquera ano, máis ou menos inmediato, podería chegar. Eu creo que non é inmediata a chegada desta especie, pero temos que estar atentos tanto a ela como a outros insectos que poidan chegar», explica Otero González.



Aitana Lanzós 2º Bach
Comentarios (0) - Categoría Recursos en galego - Publicado o 31-03-2019 22:13
# Ligazón permanente a este artigo
Seis axentes de Vigo participan en grandes competicións
A boa forma física é moi importante nalgunhas profesións coma as dos bombeiros ou a policía. Por iso o Corpo da Policía Nacional apoia e favorece a práctica do deporte. A Comisaría de Vigo, pode campar de ter seis axentes que participan en grandes competicións: remeiros, practicantes de trail ou de tríatlon.

Axilidade, disciplina e desconexión iso é o que lles aporta o deporte aos Policías Nacionais de Vigo que compiten en campionatos mundiais e nacionais. Vanessa fai tríatlon desde hai cinco anos e estará no vindeiro mundial.

Esmeralda xa perdeu a conta das medallas que ten, esta remeira é varias veces olímpica e foi quinta nun mundial. Nin a maternidade interrompeu a súa progresión.

Marcos Fernández que fai carreira de montaña notouno sobre todo unha vez. Tamén acumula medallas como remeiro Sergio Pérez.
Todos agradecen o apoio da agrupación deportiva da Policía Nacional que lles dá facilidades para participar nas concentracións e campionatos.

Lucía Alvarellos 2º Bach
Comentarios (0) - Categoría Recursos en galego - Publicado o 31-03-2019 22:06
# Ligazón permanente a este artigo
Mario Vargas Llosa na RAG
A Real Academia Galega e a Casa-Museo Emilia Pardo Bazán recibiron a visita do premio Nobel de Literatura Mario Vargas Llosa, que estes días se atopa na Coruña para participar nun seminario internacional sobre a súa obra na UDC.
Mario Vargas Llosa asinou no libro de ouro da RAG e mais no da Casa-Museo Emilia Pardo Bazán. "Foi moi emocionante visitar esta casa onde está tan viva a presenza de dona Emilia. Como modesto académico pídolle desculpas por non admitila na Real Academia da Lingua Española, á que honraría e e enriquecería a súa presenza", escribiu neste último.
Víctor F. Freixanes agasallou o escritor cun exemplar de Rosalía de Castro. Autógrafos poéticos, da colección Clásicos da Academia; e e outro de Martin Codax. Bañarnos emos nas ondas! As sete cantigas, coeditado pola RAG, a Xunta de Galicia e o Parlamento de Galicia.




Lucía Alvarellos 2º Bach
Comentarios (0) - Categoría Recursos en galego - Publicado o 24-03-2019 22:18
# Ligazón permanente a este artigo
Os Premios da Cultura Galega "tecen fíos entre persoas e pobos"
Recoñecemento a Xosé María Álvarez Cáccamo, Luz Darriba, o Festival Internacional de Outono de Teatro-FIOT, o grupo A Roda, o Festival de Cans, Antón Santamarina, a Asociación O Sorriso de Daniel e Ramón Villares.

Montederramo (Ourense).acolleu este venres a entrega dos Premios da Cultura Galega 2018 a Xosé María Álvarez Cáccamo, Luz Darriba, o Festival Internacional de Outono de Teatro-FIOT, o grupo A Roda, o Festival de Cans, Antón Santamarina, a Asociación O Sorriso de Daniel e Ramón Villares.
No acto, no seu discurso, o presidente galego, Alberto Núñez Feijóo, valorou o labor dos galardoados, "tejedora de fíos entre persoas e pobos".

Incidiu, neste sentido, en que "a democracia necesita a cultura porque creacións culturais" como as premiadas "son ese nexo que unifica ás xentes ao redor das experiencias asociadas".
Ademais, reivindicou "o gran milagre da creación cultural é transformar unha inspiración que moitas veces é individual e solitaria en algo que comparten innumerables lectores, espectadores ou oíntes".


Os GALARDOADOS

"Alguén falou dos pobos sen historia, pero grazas a historiadores e investigadores como el (dixo, sobre Ramón Villares) sabemos que Galicia ten historia e ten peso na historia", expuxo.
Sobre A Roda, destacou que a súa é "unha reivindicación da música natural". En canto a Antón Santamarina, erixiuno en "lingüista fundamental" e apuntou de Cans que "algún día Cannes tentará imitar a Cans".

Por outra banda, aplaudiu o labor de O Sorriso de Daniel pola Galicia románica, a de Luz Darriba a favor da muralla de Lugo, a de Xosé María Álvarez Cáccamo polos seus "moitos e valiosos libros" e a do FIOT polo teatro.

Ángela I. Baig 2º Bach
Comentarios (0) - Categoría Recursos en galego - Publicado o 12-01-2019 12:05
# Ligazón permanente a este artigo
O CGAI e o CGAC reúnen as videocreacións dunha trintena de artistas galegos no ciclo inaugural do programa ‘Mirada país’
O Centro Galego de Artes da Imaxe (CGAI)-Filmoteca de Galicia e o Centro Galego de Arte Contemporánea (CGAC) comparten nesta recta final do ano un programa de proxeccións, conversas e instalacións arredor da videocreación galega, que arranca esta mesma tarde na sede coruñesa do CGAI. Este é o primeiro dos ciclos do proxecto Mirada país, a través do que a Consellería de Cultura e Turismo busca poñer en valor a potencialidade da creación audiovisual galega, fóra dos xéneros e canles de exhibición máis convencionais.
A súa primeira entrega foi presentada hoxe na Coruña por Jacobo Sutil, director da Axencia Galega das Industrias Culturais (Agadic); Santiago Olmo, director do CGAC; Antón Reixa, coordinador de Mirada país; e Alberto Carton, comisario deste ciclo inaugural.
O director da Agadic fixo fincapé na suma de sinerxías entre dous dos centros de promoción artística da Xunta á hora de organizar e acoller unha ampla escolma de videocreacións galegas desde os anos oitenta do pasado século ata os nosos días, con traballos de 31 artistas que, na meirande parte dos casos, forman parte dos fondos do CGAI e do CGAC.
Novembro na Coruña e decembro en Santiago
Este primeiro ciclo de Mirada país articúlase arredor de catro sesións de proxeccións e debates con algúns dos videocreadores programados, que terán lugar na sede coruñesa da filmoteca en novembro (hoxe, ás 20,30 h., e os días 13, 24 e 27) e no Centro Galego de Arte Contemporánea en Santiago durante o mes de decembro (días 4, 13, 19 e 20). Ademais, no espazo compostelán a iniciativa complementarase con catro instalacións de Carme Nogueira, Pamen Pereira, Manuel Eirís e Rubén Ramos Balsa.
Estes son catro dos artistas incluídos nesta escolma, xunto a Xavier Villaverde, Ignacio Pardo, Eloy Lozano, Antonio Segade, Teo Manuel Abad, Carlos Nieto, Juan Lesta, Belén Montero, Vicente Blanco, Patricia Dopico, Xoán Anleo, María Ruido, Simón Pacheco, Diego Santomé, Rita Rodríguez, Rubén Grilo, Álvaro Negro, Félix Fernández, Lois Patiño, Paco Rocha, Miguel Mariño, Federico Strate, Uqui Permuy, Roge Fdez, Xisela Franco, Carla Andrade e Mar Caldas.
Teo Manuel Abad e Xisela Franco serán, ademais, os encargados de comentar esta tarde no CGAI a sesión Os presentes simbólicos coa que dá comezo o ciclo, que o seu comisario organizou por orde cronolóxica e temática para afondar na construción da imaxe videográfica en Galicia nas últimas catro décadas. Experiencia e definición, Memoria e contraste, e Os presentes proxectados son os títulos do resto das citas, a través das que se dará conta conta dos camiños individuais e dos lugares comúns tanto desde o punto de vista creativo e estético, como ideolóxico e de compromiso social.


Ángela I. Baig 2ºBach
Comentarios (0) - Categoría Recursos en galego - Publicado o 18-11-2018 21:21
# Ligazón permanente a este artigo
A lucense María Xesús Lama, Premio Nacional de Ensaio
María Xesús Lama recibirá o Premio Nacional de Ensaio por “Rosalía de Castro. Cantos de independencia e liberdade (1837-1863)”. Nada en Lugo en 1964, esta filóloga é na actualidade profesora titular de galego na Universidade de Barcelona (UB), tradutora e colaboradora de revistas literarias.
O xurado eloxia a súa obra por revisar a “imaxe tópica” desta figura do Rexurdimento.
O prestixioso galardón do Ministerio de Cultura recoñece a traxectoria de María Xesús Lama, investigadora do proceso de construción nacional e da literatura de Galicia. A lucense desenvolveu os seus estudos cara os orixes da literatura galega, arredor do herdo celta, os motivos da emigración e o exilio, e o tratamento da propia Rosalía de Castro como escritora fundacional das letras en lingua galega.
O ensaio premiado contribúe a reformular a concepción romántica de Rosalía de Castro, amosando unha escritora “lúcida, independente, defensora da liberdade, a igualdade e a xustiza social”. O Premio Nacional de Ensaio está dotado con 20.000 euros.


Lucía Alvarellos 2º Bach.
Comentarios (0) - Categoría Recursos en galego - Publicado o 14-11-2018 19:32
# Ligazón permanente a este artigo
A serie 'Fariña' internacionaliza o galego máis enxebre
A serie esperta o interese por coñecelo significado de palabras e expresións como "filloas", "farto", "argallar", "parvo", "pailán", "cara de toxo"... Os últimos curiosos por aprendelas son os arxentinos.
A serie 'Fariña' converteuse en todo un fenómeno de masas, grazas á polémica arredor do libro homónimo de Nacho Carretero que foi durante un tempo secuestrado pola Xustiza. Favorecida por esta inesperada campaña promocional, e avalada pola súa boa factura, a serie non só foi un éxito en toda España durante a súa emisión en Antena 3; Netflix fíxose tamén cos dereitos para incluíla no seu catálogo e internacionalizala. E con ela, o galego máis enxebre estase a universalizar facéndose agora popular alén das nosas fronteiras.

Lucía Alvarellos 2º Bach.
Comentarios (0) - Categoría Recursos en galego - Publicado o 14-10-2018 13:03
# Ligazón permanente a este artigo
Gaiman, único autor popular na terna final do Nobel alternativo de literatura.
O inglés Neil Gaiman, a escritora francesa nada en Guadalupe Maryse Condé e a vietnamita afincada en Canadá Kim Thúy. Aceptada a renuncia do xaponés Haruki Murakami -que este anunciou a mediados de setembro a través da súa conta de Facebook-, quedaron os tres autores citados como os finalistas que compoñen a terna da que hoxe sairá o elixido, o escritor que ha de ser ungido co primeiro galardón impulsado por The New Academy , un premio alternativo nado para cubrir o baleiro que deixou a suspensión do Nobel de Literatura e dotado cun millón de coroas (ao redor de 97.000 euros). De entre os tres, só Gaiman é un escritor popular -popularísimo, diríase-, e non só polas súas moitas incursións no terreo do cómic. É máis, os seus millóns de fans son especialmente fieis e rozan o terreo do friki cando esperan con devoción as súas novas publicacións, coma se o lanzamento fose parte dun programa de merchandising do señor dos aneis ou A guerra das galaxias.

Aitana Lanzós 2º Bach
Comentarios (0) - Categoría Recursos en galego - Publicado o 14-10-2018 13:01
# Ligazón permanente a este artigo
Un selo conmemorativo e un gran mural para a recta final do Ano María Victoria Moreno
María Victoria Moreno será a protagonista dunha tiraxe especial de selos de correos para coleccionistas. Verá a luz o vindeiro 22 de novembro, o día do 13 cabodano da autora á que a Real Academia Galega dedicou este 2018 o Día das Letras Galegas. O Concello de Pontevedra agasallará cun selo da tiraxe especial as distintas entidades implicadas no Ano María Victoria Moreno, os centros sociais da cidade e a familia da autora. As persoas interesadas en facerse cun destes selos tamén poderán solicitalo á administración local, segundo anunciou onte o concelleiro de Normalización Lingüística.
A Real Academia Galega celebrará, pola súa banda, os días 27 e 28 de novembro o Simposio María Victoria Moreno cun completo programa de relatorios e mesas redondas. Os encontros terán lugar na sede da institución, na rúa Tabernas da Coruña.


Lucía Alvarellos, 2º Bach
Comentarios (0) - Categoría Recursos en galego - Publicado o 07-10-2018 19:38
# Ligazón permanente a este artigo
Un videoxogo galego para achegar a ciencia a todo o mundo
Un equipo do Departamento de Matemáticas da Universidade de Santiago de Compostela (USC), coa colaboración de profesorado de educación secundaria, está a desenvolver un videoxogo cuxo obxectivo é achegar a ciencia a todo tipo de público combinando estratexia e coñecementos.
A base do xogo —en fase de desenvolvemento— será un taboleiro formado por hexágonos combinado con preguntas. Combinado dunha forma “ amena e coloquial diversas temáticas”
Ademais, cada pregunta leva consigo a súa explicación, que se mostrarán igualmente cunha linguaxe simple. Cada materia científica terá o seu propio videoxogo específico, aínda que esta primeira fase da iniciativa, estará baseada nas matemáticas. A dificultade será axustable a todas as idades, dende a infancia ata a Universidade ou para un público xeral.
Os avances que experimente o proxecto poderanse consultar na súa web (http://www.usc.es/gl/proxectos/mathex).

Lucía Alvarellos Garea, 2º Bach.
Comentarios (0) - Categoría Recursos en galego - Publicado o 30-09-2018 18:24
# Ligazón permanente a este artigo
© by Abertal