Blog do EDLg do Colexio Plurilingüe Divina Pastora Franciscanas de Ourense

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Opinións dos blogueiros do Colexio
Este próximo día 21 convocouse unha folga polo decreto do galego que percorrerá as rúas de Santiago de Compostela desde as 11.30 da mañá. Numerosos autobuses xa foron postos desde as catro provincias de Galicia para asistir, aínda que moitos de nós, moi ao noso pesar, non poderemos asistir debido a impedimentos externos como é , básicamente, a negativa dos nosos pais. Esta folga é un chamamento polo novo decreto que eliminará a nosa lingua natal da educación e nos deixará sen o privilexio de poder estudala, facendo así unha vez máis que o camiño cara ao seu desterro teña un final cada vez máis próximo.
María Álvarez
2ºA BCH
Comentarios (0) - Categoría Xeral - Publicado o 18-01-2010 22:52
# Ligazón permanente a este artigo
Opinións dos blogueiros do Colexio
A NOVA LEI DE NORMALIZACIÓN LINGüÍSTICA

Acaba de saír por parte da Xunta o borrador da lei sobre a normalización lingüística de Galicia pola cal se derrogaría a lei anterior de 2007.
Para entendela un pouco pon nunha das súas normas, que o ensino se imparta en tres linguas equitativamente: galego, castelán e un idioma a elixir, concretamente será o inglés. Para que nos fagamos unha idea de isto, se un alumno ten nove materias, estás repartiranse en partes iguais entre os tres idiomas. Aquí e onde xorde a dúbida das disciplinas para impartir en inglés, que deberían ser, o propio inglés e outras dúas, entre elas, por exemplo Física e Química, Matemáticas, Relixión, Filosofía….
Fágome una pregunta: ¿se ata hai pouco viñan os textos en galego e algún profesor daba as clases en castelán, como faremos para que eses mesmos profesores dean as clases en inglés con textos en inglés? ¿Deberemos mandar os profesores a una academia para que se poñan ao día no inglés ou cambiaranse por profesores nativos?; por exemplo, ¿os estudantes de bacharelato están o suficientemente preparados para recibir as clases e ter os libros en inglés?

Chegada a conclusión dámonos conta que somos un xoguete da política e sobretodo de algún político que o que queren e menosprezar un tesouro tan importante que temos que e a nosa lingua nai, o galego.
¡Reflexionade e pensade nisto!
Adrián Lamas 1º A BCH
Comentarios (0) - Categoría Xeral - Publicado o 17-01-2010 14:33
# Ligazón permanente a este artigo
Comeza o ano con ventos contrarios ao galego
Paremos o decretazo!

Nova manifestación organizada pola plataforma “queremosgalego”, na súa liña de defensa non so da lingua galega senón da cultura galega ao pedir o apoio de toda a xente que se sinta identificado coa mesma.

Con todo, independentemente da ideoloxia de cada quen debemos recoñecer que neste decreto algo vai mal, non só polo que pretende, tamén polas circustancias nas que é publicado, a última hora do penúltimo día do 2009.

Se engadimos que a suposta enquisa realizada as familias foi contestada polos pais, temos un decreto feito e exposto ás costas da sociedade galega, e o que é mais importante, de costas ao estudantado.

http://www.queremosgalego.org/

Simón Santos 2º B BCH
Comentarios (0) - Categoría Xeral - Publicado o 17-01-2010 14:32
# Ligazón permanente a este artigo
RECUPERAR AS TRADICIÓNS GALEGAS

Estamos a vivir nun mundo de globalización onde todos os medios de comunicación van encamiñados a perder as tradicións da nosa Galicia. Día tras día vánsenos impondo una cultura que non ten nada que ver ca dos nosos antergos. ¿Onde están as nosas raíces?, ¿Onde están as tradicións que durante séculos viviron os nosos antergos?
Non e normal que a un neno de hoxe lle preguntemos o que é unha gaita, un pandeiro, un redobrante, unhas terrañolas… e que non lle soen de nada pero sen embargo unha guitarra eléctrica, unha batería…. saiban o que son. Pois ningunha de estas cousas e malo coñecela. Temos que vivir o presente e o futuro sen esquecer o pasado.
Galicia é una das rexións con máis cultura de toda a Península, por non dicir a que máis. Debemos aprender nas escolas o que foi a nosa música tradicional para poder entender a nosa propia cultura. Temos instrumentos tan fermosos, que cando soan en conxunto, teñen a melodía da nosa identidade propia.
Aplaudamos iniciativas como a da Fundación da Real Banda de Gaitas de Ourense que na actualidade viaxa por todo o mundo dando a coñecer a Galicia. Se non fose así, quén nos coñecería fora das nosas fronteiras senón por a emigración dos nosos antergos.
O importante e que as nosas tradicións poden convivir coa modernidade e viceversa. Non esquezamos que somos galegos e que temos as nosas propias raíces.

Adrián 1º A
Comentarios (6) - Categoría Xeral - Publicado o 15-11-2009 13:53
# Ligazón permanente a este artigo
Unha iniciativa ENDL pública
Promoción e uso do galego no IES Arzúa


SARA GARCÍA DOPAZO

A Santa Irmandade, a Irmandade vinda do ceo, a tola ou a Irmandade Fusquenlla… Moitos nomes e só un significado para designar a un colectivo popular (campesiños, burguesía, baixa nobreza, etc.) Que se irmandou durante o s. XI e s. XIV en Galicia para a defensa dos seus intereses frente ós abusos dos grandes señores. Un movemento social que dá nome a revista del IES Arzúa da Coruña, 'Fusquenlla ', vehículo de expresión do centro.

USO DO GALEGO. Naceu hai máis de 20 anos cunha clara vocación de promover a normalización do uso da lingua galega en ámbitos cultos. Motivo polo que son frecuentes os artigos referidos a polémica das linguas minorizadas, sen esquecer "as iniciativas, accións e problemáticas que xorden no centro que se poden extrapolar para o mundo: a xeopolítica, minorías sociais, galeguismo, música, sexualidade, etc."

PREPARACIÓN. É coordinada, escrita e editada polo Equipo de normalización lingüística do instituto coa constante participación dos alumnos. Busca fomentar a creatividade, o espírito crítico e a liberdade de expresión da comunidade escolar baixo un ton poético, irónico e provocador. Aínda que a revista está presente todo o ano é a partir de abril, cando a súa preparación ten carácter primordial para cumprir coa súa cita ao final do curso.

DATOS. Ten 66 páxinas e un esqueleto fixo con espacios destinados a opinión, creación literaria, estudios monográficos, actividades lúdicas, etc. De periocidade anual, tira 300 exemplares que reparte de balde na comunidade. Os contidos da revista tamén están incluídos no blog da revista.



Comentarios (0) - Categoría Xeral - Publicado o 15-11-2009 13:29
# Ligazón permanente a este artigo
Memorias dun neno labrego no Carballiño
Unha nova actividade, iso é o que está esperando a vila do Arenteiro, ben chamada O Carballiño. Unha chamada para que a Asociación cultural Orcellón fala e canta volva poñer en vigor diversas actividades pola nosa cultura galega.
Esta asociación organiza documentarios e diversos proxectos cinematográficos referentes ás excelentes obras que abrangue a nosa cultura.
“Neira Vilas, Memorias dun neno labrego” foi unha das obras que se expuxo no casino carballiñes, así como diverxas proxeccións de curtramexaxes de varios carballiñeses que se queren fager ver na practica do fomento da nosa cultura.
A vila do Orcellón espera que a asociación volva para nos embelecer coas obras que fan que a nosa literatura sexa unha das mellores cousas que nos identifica como galegos.
Unha chamada é o que imos facer para que esas actividades non tarden en encher de novo a vila da cultura que toda Galiza ten que ter como bo país que é.
Esta asociación intenta facer vernos a todos os carballiñeses que o galego é a nosa forma de vida, a nosa identidade. Grazas a ela temos a oportunidade de coñecer a mellor música folk e a manifestacións e proxectos a prol do galego.
Os carballiñeses estamos a espera de que nos informen de novas actividades, coa esperanza de que a espera teña a súa boa recompensa.

María José Álvarez 2º A
Comentarios (0) - Categoría Xeral - Publicado o 08-11-2009 21:15
# Ligazón permanente a este artigo
Club galeguista en Bruxelas

Club Galego en Bruxelas.

O pasado 5 de novembro organizouse en Bruxelas o Club de Galegos, que pretende ser unha fonte de coñecemento a nivel europeo, apartidaria pero que apoiará a administración goberne quen goberne.
Este iniciativa xorde como unha maneira de facer notar a Galiza no ámbito europeo, de dar a coñecer unha sociedade con identidade propia, e traballadora e aberta a innovacións.

Ó contrario que os Cataláns, Éuskaros, Valencianos… Galiza non goza de influencias na unión europea e apenas e coñecida no “avanzado” continente. Esta é unha boa opción de nos dar a coñecer, sempre que se manteña o apartidismo inicial a intencionalidade de amosar a Galiza real no exterior.

Simón Santos 2º B
Comentarios (0) - Categoría Xeral - Publicado o 08-11-2009 21:03
# Ligazón permanente a este artigo
Saída do Prelo recomendable

Galaxia presenta o pasado xoves (29/10/09) en Santiago As razóns do Galego, no último traballo do sociolingüista Henrique Monteagudo
A Editorial Galaxia presentará o pasado xoves día 29 en Santiago de Compostela o ensaio As razóns do galego. Apelo á cidadanía, do sociolingüista Henrique Monteagudo, sobre o momento crítico e decisivo que vive o idioma galego.
Según explicou Galaxia, Monteagudo realiza nesta obra unha chamada á cidadanía galega coa que pretende intervir no debate sobre o idioma como problema da primeira orde en Galicia".
Nas páxinas desta obra, o autor recolle escritos e artigos da prensa arredor da situación actual do idioma galego e dos debates sociais dados, en especial, sobre a política lingüística.
Así, Henrique Monteagudo ofrece argumentos a favor do noso idioma, no nome dunha civilidade compartida, o mesmo tiempo que subliña a necesidade da renovación dos discursos na defensa da lingua.
Henrique Monteagudo é douctor en Filoloxía pola Universidade de Santiago de Compostela, onde exerce de profesor de sociolingüística galega. É ademais secretario do Consello da Cultura Galega e codirector da revista Grial.
Luis Manuel López 1º A
Comentarios (0) - Categoría Xeral - Publicado o 08-11-2009 20:47
# Ligazón permanente a este artigo
Programa europeo de voluntariado e fomento das linguas
O programa Volangteer


O coñecemento da nosa lingua, o seu uso e a súa promoción, o que levará a un coñecemento máis amplo da nosa sociedade e das nosas costumes, son os obxectivos que presenta o proxecto Volangteer, unha proposta que se vai desenvolver entre os estudantes estranxeiros que realicen este ano os seus estudos na Universidade de Santiago de Compostela, facilitando así a súa integración no Campus e fomentando as súas competencias na nosa lingua.
Estes alumnos estranxeiros, participantes do programa europeo Erasmus, que elixiron este ano Galicia para realizar o seu curso universitario, levaran a cabo unha aprendizaxe da lingua mediante o ensino desta por parte de persoas voluntarias que dedicaran o seu esforzo e tempo para que os estudantes poidan acadar as competencias necesarias para desenvolverse en lingua galega.
O proxecto pretende ademais dunha nova metodoloxía no ensino da lingua, promover unha lingua propia da nosa comunidade, como é o galego, entre os estudantes de fóra e o mesmo tempo fomentar o interese dos estudantes por a lingua e con iso o uso da mesma entre os alumnos.
Este proxecto pretende ser unha nova iniciativa no acercamento entre os estranxeiros e os galegos, establecendo unha unión mediante a lingua galega, o que suporá unha gran axuda para os alumnos do programa Erasmus da Universidade de Santiago e o fomento e uso da lingua.
Esta proposta, enmarcada no proxecto titulado Learning Regional Languages Through Volunteers, o cal foi presentado e aprobado pola Comisión Europea, estase a desenvolver en dúas zonas piloto, Galicia e Friesland (Holanda) co fin de que esta iniciativa poida desenvolverse noutros lugares, promovendo o uso das linguas minoritarias nos distintos países de Europa.

Alba Rivas 2ºA




Comentarios (0) - Categoría Xeral - Publicado o 08-11-2009 20:21
# Ligazón permanente a este artigo
A boa e mala toponimia

Nestas últimas semanas, volveu xurdir en Galicia unha polémica que xa levamos anos con ela e que non ten sentido. Aos nosos gobernantes ocorréuselles polemizar sobre o topónimo da Coruña. Algúns sectores queren que sexa tamén oficial o de “La Coruña”. Entón tamén teriamos que chamarlle a Carballo “Roble”, ou aínda peor, ao Carballiño “El Roblecito” para por algún exemplo.


O que tiñan que facer é deixarse de lerias e dedicarse a arranxar a crise pola que estamos pasando e que cada cal lle chame aos sitios como desexe. Por certo, o nome oficial é “A Coruña”.

Adrián Lamas 1º A
Comentarios (0) - Categoría Xeral - Publicado o 08-11-2009 20:18
# Ligazón permanente a este artigo
© by Abertal